ಅನೈತಿಕ ಸಂಬಂಧ ಆಕೆಯ ಜೀವಕ್ಕೆ ಮುಳುವಾಗಿದೆ. ಕ್ರಮ ಸಂಬಂಧ ಹೊಂದಿರುವುದು ಆಕೆಯ ಜೀವವನ್ನೇ ತೆಗೆಯುವಂತೆ ಮಾಡಿದೆ.ತಮ್ಮನಿಂದಲೇ ಅಕ್ಕನ ಹತ್ಯೆಯಾಗಿದೆ.
ಇಂಡಿ [ಜ.07]: ಅನೈತಿಕ ಸಂಬಂಧ ಶಂಕೆ ವ್ಯಕ್ತಪಡಿಸಿದ ಸಹೋದರ ತನ್ನ ಅಕ್ಕನನ್ನೇ ಸನಿಕೆಯಿಂದ ಹೊಡೆದು ಕೊಲೆ ಮಾಡಿದ ಘಟನೆ ವಿಜಯಪುರ ಜಿಲ್ಲೆಯ ತಾಲೂಕಿನ ಸಾಲೋಟಗಿ ಗ್ರಾಮದಲ್ಲಿ ಸೋಮವಾರ ಸಂಭವಿಸಿದೆ. ನಂತರ ಆರೋಪಿಯುವ ಹತ್ಯೆಗೆ ಬಳಸಿದ ಸನಿಕೆ ಸಮೇತ ಪೊಲೀಸ್‌ ಠಾಣೆಗೆ ಹಾಜರಾಗಿದ್ದಾನೆ.
ಸಾಲೋಟಗಿ ಗ್ರಾಮದ ಗೀತಾ ನಾಯ್ಕೋಡಿ (24) ಕೊಲೆಗೀಡಾದ ಮಹಿಳೆ. ಯಲ್ಲಪ್ಪ ಹಾದಿಮನಿ (21) ಎಂಬಾತನೇ ತನ್ನ ಅಕ್ಕನನ್ನು ಕೊಲೆ ಮಾಡಿ, ನಂತರ ಠಾಣೆಗೆ ಶರಣಾಗಿರುವ ಆರೋಪಿ.
ಅಕ್ಕ, ತಮ್ಮ ಆತ್ಮಹತ್ಯೆ: 2 ದಿನದ ನಂತರ ಸಿಕ್ತು ಮೃತದೇಹ...
ಗೀತಾಳನ್ನು ಗೋಳಸಾರ ಗ್ರಾಮದ ಅಡಿವೆಪ್ಪ ನಾಯ್ಕೋಡಿ ಎಂಬಾತನಿಗೆ ಗೀತಾಳನ್ನು ಮದುವೆ ಮಾಡಿಕೊಡಲಾಗಿತ್ತು. ಆದರೆ ಆಕೆ ಗಂಡನನ್ನು ಬಿಟ್ಟು ತವರು ಮನೆಯಲ್ಲೇ ಇದ್ದಳು. ಅಲ್ಲದೆ ಸಾಲೋಟಗಿ ಗ್ರಾಮದ ವ್ಯಕ್ತಿಯೊಬ್ಬನ ಜತೆ ಅನೈತಿಕ ಸಂಬಂಧ ಹೊಂದಿದ್ದಾಳೆ ಎಂಬ ಸುದ್ದಿ ತಿಳಿದು ಸಹೋದರ ಯಲ್ಲಪ್ಪ ತಮ್ಮ ಜಮೀನಿನಲ್ಲೇ ಗೀತಾಳನ್ನು ಸನಿಕೆಯಿಂದ ಹೊಡೆದು ಕೊಲೆ ಮಾಡಿದ್ದಾನೆ.
ಹೆಚ್ಚಿನ ಜಿಲ್ಲಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ಕಿಸಿ
ಸನಿಕೆ ಸಮೇತ ಇಂಡಿ ಗ್ರಾಮೀಣ ಪೊಲೀಸ್‌ ಠಾಣೆಗೆ ಆರೋಪಿ ಹಾಜರಾಗಿದ್ದಾನೆ. ಈ ಕುರಿತು ಇಂಡಿ ಗ್ರಾಮೀಣ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.