ಅನುಭಾವ ಮಾತಿಗೆ ನಿಲುಕದ ಸ್ಥಿತಿ, ಆನಂದ ಭಾವನೆ. ಅನುಭಾವ ಎನ್ನುವುದು ನಾವು ಅನುಭವಿಸುವ ವಿಶೇಷ ತೃಪ್ತಿಕರ ಭಾವ ಎಂದು ನಾಡೋಜ ಡಾ. ಗೊ.ರು.ಚನ್ನಬಸಪ್ಪ ಹೇಳಿದರು.
ಶಿವಮೊಗ್ಗ ಅ.24) : ಅನುಭಾವ ಮಾತಿಗೆ ನಿಲುಕದ ಸ್ಥಿತಿ, ಆನಂದ ಭಾವನೆ. ಅನುಭಾವ ಎನ್ನುವುದು ನಾವು ಅನುಭವಿಸುವ ವಿಶೇಷ ತೃಪ್ತಿಕರ ಭಾವ ಎಂದು ನಾಡೋಜ ಡಾ. ಗೊ.ರು.ಚನ್ನಬಸಪ್ಪ ಹೇಳಿದರು. ಅಖಿಲ ಭಾರತ ಶರಣ ಸಾಹಿತ್ಯ ಪರಿಷತ್ತು ಶಿವಮೊಗ್ಗ ಜಿಲ್ಲಾ ಘಟಕದ ವತಿಯಿಂದ ಜಿಲ್ಲಾ ಸರ್ಕಾರಿ ನೌಕರರ ಭವನದಲ್ಲಿ ಆಯೋಜಿಸಿದ್ದ ಜಿಲ್ಲಾ ವಿಚಾರ ಸಂಕಿರಣ ಹಾಗೂ ಶ್ರೀಮತಿ ನಾಗರತ್ನಮ್ಮ , ಶ್ರೀ ವೈ.ಆರ್‌.ಪರಮೇಶ್ವರಪ್ಪ ದತ್ತಿ ಕಾರ್ಯಕ್ರಮದಲ್ಲಿ ಮಾತನಾಡಿದರು.
ಶಿವಮೊಗ್ಗ: ಫುಟ್‌ಪಾತ್‌ ಕೆಳಗೆ ವಿಚಿತ್ರ ಶಬ್ದ, ಹೊಗೆ! ಏನಿರಬಹುದು?
ಮೌಲ್ಯ ಅರ್ಥವಾಗಬೇಕಾದರೆ ಮಗುವಿನ ಭಾವನೆ ನಮ್ಮಲ್ಲಿ ಬರಬೇಕು. ಮಗುವಿನಲ್ಲಿ ತಾರತಮ್ಯ ಇಲ್ಲ. ಜಾತಿ, ಧರ್ಮ ಭೇದವಿಲ್ಲ. ಮಗುವಿನ ಮುಗ್ಧ ಮನಸ್ಥಿತಿ ಅನುಭಾವ ನೀಡುತ್ತದೆ ಎಂದು ತಿಳಿಸಿದರು. ವಿಧಾನ ಪರಿಷತ್‌ ಸದಸ್ಯ ಎಸ್‌.ರುದ್ರೇಗೌಡ ಮಾತನಾಡಿ, ಶರಣರ ತತ್ವ, ಆದರ್ಶ ಹಾಗೂ ಮಾರ್ಗದರ್ಶನ ಎಲ್ಲ ಕಾಲಕ್ಕೂ ಪ್ರಸ್ತುತ. ಶಿವಮೊಗ್ಗ ಶರಣ ಸಾಹಿತ್ಯ ಪರಿಷತ್‌ ಶರಣರ ತತ್ವ ಆದರ್ಶಗಳನ್ನು ಎಲ್ಲರಿಗೂ ತಲುಪಿಸಲು ಅತ್ಯಂತ ಕ್ರಿಯಾಶೀಲರಾಗಿ ಕಾರ್ಯ ನಿರ್ವಹಿಸುತ್ತಿದೆ ಎಂದು ಹೇಳಿದರು.
ಗಾಯಕ ಯುವರಾಜ ಅವರು ಜಾನಪದ ಕ್ಷೇತ್ರದಲ್ಲಿ ಅಪಾರ ಕೆಲಸ ಮಾಡಿದ್ದು, ಯುವಪೀಳಿಗೆಗೆ ಮಾದರಿಯಾಗಿದ್ದಾರೆ. ಇಂದಿನ ಯುವಪೀಳಿಗೆಯು ಜಾನಪದ ಹಾಗೂ ವಚನ ಸಂದೇಶಗಳು ನೀಡುವ ಮೌಲ್ಯಗಳನ್ನು ಜೀವನದಲ್ಲಿ ಅಳವಡಿಸಿಕೊಂಡು ಉತ್ತಮ ವ್ಯಕ್ತಿತ್ವ ರೂಪಿಸಿಕೊಳ್ಳಬೇಕು ಎಂದು ತಿಳಿಸಿದರು.
ಬಸವ ಕೇಂದ್ರದ ಡಾ.ಶ್ರೀ ಬಸವ ಮರುಳಸಿದ್ಧ ಸ್ವಾಮೀಜಿ ಮಾತನಾಡಿ, ಮನುಷ್ಯ ತಂತ್ರಜ್ಞಾನವನ್ನು ಪೂರಕವಾಗಿ ಬಳಸಿಕೊಳ್ಳಬೇಕೆ ಹೊರತು ಅದನ್ನೇ ಹಾಸುಹೊಕ್ಕಾಗಿಸಿಕೊಳ್ಳಬಾರದು. ಹಾಗೇ ಆದಲ್ಲಿ ಮನುಷ್ಯನ ಸಂವೇದನೆಗಳು ಕಳೆದು ಹೋಗಿ ಬಿಡುತ್ತವೆ. ಅತಿಯಾದ ತಂತ್ರಜ್ಞಾನ ಮಾನವ ಸಂಬಂಧಗಳನ್ನು ಸಡಿಲಗೊಳಿಸಿ ಬದುಕನ್ನು ಅಸಹನೀಯಸುತ್ತದೆ. ಮನುಷ್ಯ ತನ್ನ ಸಂವೇದನೆಗಳನ್ನು ಕಳೆದುಕೊಳ್ಳದೇ ಜಾನಪದರ ಸರಳ ಸ್ಪಂದನಶೀಲ ಬದುಕನ್ನು ರೂಪಿಸಿಕೊಳ್ಳಬೇಕಿದೆ ಎಂದು ಹೇಳಿದರು.
ಕೆ.ಆರ್‌.ಲಿಂಗಪ್ಪ, ಡಾ. ಗೊ.ರು.ಚನ್ನಬಸಪ್ಪ, ಕೆ.ಯುವರಾಜ ಸೇರಿದಂತೆ ಅನೇಕರು ಕನ್ನಡ ಸಾಹಿತ್ಯ ಸಂಸ್ಕೃತಿ ಪರಂಪರೆಗಳನ್ನು ಶ್ರೀಮಂತಗೊಳಿಸುತ್ತಿದ್ದಾರೆ. ಗಾಯಕ ಕೆ. ಯುವರಾಜ್‌ ಅವರು ಜಾನಪದ ಕ್ಷೇತ್ರಕ್ಕೆ ನೀಡಿರುವ ಕೊಡುಗೆ ಅಪಾರ ಎಂದು ತಿಳಿಸಿದರು.
ಅಕ್ಕನ ಬಳಗದ ಸದಸ್ಯರು ವಚನ ಪ್ರಾರ್ಥನೆ ನಡೆಸಿಕೊಟ್ಟರು. ಜನಪದ ಗಾಯಕ ಕೆ.ಯುವರಾಜ್‌, ಕೈಗಾರಿಕಾ ಉದ್ಯಮಿಗಳಾದ ವೈ.ಪಿ.ಶಿವಕುಮಾರ್‌, ಎಸ್‌ ಆರ್‌. ಹರ್ಷ, ಅಖಿಲ ಭಾರತ ಶರಣ ಸಾಹಿತ್ಯ ಪರಿಷತ್‌ ಶಿವಮೊಗ್ಗ ಜಿಲ್ಲಾ ಘಟಕದ ಅಧ್ಯಕ್ಷ ಹೆಚ್‌.ಎನ್‌.ಮಹಾರುದ್ರ, ಕುವೆಂಪು ವಿವಿ ಸಿಂಡಿಕೇಟ್‌ ಸದಸ್ಯೆ ಪೊ›. ಕಿರಣ್‌ ದೇಸಾಯಿ, ವಿಶ್ರಾಂತ ಪ್ರಾಧ್ಯಾಪಕ ಡಾ. ಬಸವರಾಜ ನೆಲ್ಲಿಸರ, ಪಂಚಾಕ್ಷರಿ, ಚನ್ನಬಸಪ್ಪ ನ್ಯಾಮತಿ ಇದ್ದರು.\
ಅತಿಯಾದ ಅಭಿವೃದ್ಧಿ ಕಾಮಗಾರಿಗಳಿಂದ ಪ್ರಾಕೃತಿಕ ಸೊಬಗು ಕಣ್ಮರೆ: ಸುರೇಶ್‌ ಹೆಬ್ಳಿಕರ್‌
ಗಾಯಕ ಕೆ.ಯುವರಾಜ್‌ಗೆ ಪ್ರಶಸ್ತಿ:
ಅಖಿಲ ಭಾರತ ಶರಣ ಸಾಹಿತ್ಯ ಪರಿಷತ್‌ ಶಿವಮೊಗ್ಗ ಜಿಲ್ಲಾ ಘಟಕದ ವಿಚಾರ ಸಂಕಿರಣ ಕಾರ್ಯಕ್ರಮದಲ್ಲಿ ಜನಪದ ಗಾಯಕ ಕೆ.ಯುವರಾಜ ಅವರಿಗೆ ಕೆ.ಆರ್‌.ಲಿಂಗಪ್ಪ ಜಾನಪದ ದತ್ತಿ ಪ್ರಶಸ್ತಿ ಪ್ರದಾನ ಮಾಡಿ ಸನ್ಮಾನಿಸಲಾಯಿತು. ಕಾರ್ಯಕ್ರಮಕ್ಕೂ ಮುನ್ನ ಜನಪದ ಗಾಯಕ ಕೆ.ಯುವರಾಜ ಅವರು ಜನಪದ ಗಾಯನ ನಡೆಸಿಕೊಟ್ಟರು.
ನನಗೆ ಸಿಕ್ಕಿರುವ ಪ್ರಶಸ್ತಿ ಅರ್ಪಣೆ ಆಗಬೇಕಿರುವುದು ನನ್ನ ತಂದೆ -ತಾಯಿಯ ಪಾದಗಳಿಗೆ. ಜೀವನದ ಪ್ರಯಾಣದಲ್ಲಿ ಅಪಾರ ಜ್ಞಾನವನ್ನು ಕಲಿಸಿಕೊಟ್ಟಎಲ್ಲ ಗುರುಗಳ ಮಾರ್ಗದರ್ಶನದಿಂದ ಜಾನಪದ ಕ್ಷೇತ್ರದಲ್ಲಿ ಸಾಧನೆ ಮಾಡಲು ಸಾಧ್ಯವಾಯಿತು. ಸಾರ್ಥಕ ಬದುಕು ನಡೆಸಲು ಎಲ್ಲ ಹಿರಿಯರು ನನಗೆ ಪ್ರೇರಣೆ
- ಕೆ.ಯುವರಾಜ…, ಜನಪದ ಗಾಯಕ