ಮಾರಮ್ಮ ದೇಗುಲದಲ್ಲಿ 25 ಅಡಿ ಉದ್ದದ ನಾಗರಹಾವು ಪ್ರತ್ಯಕ್ಷ : ಆತಂಕ

ಬರೋಬ್ಬರು 25 ಅಡಿ ಉದ್ದದ ನಾಗರ ಹಾವು ಪ್ರತ್ಯಕ್ಷವಾಗಿ ಜನರಲ್ಲಿ ಆತಂಕ ಮೂಡಿಸಿದೆ. ಮಂಡ್ಯ ಜಿಲ್ಲೆಯ ಮದ್ದೂರಿನಲ್ಲಿ ಈ ಘಟನೆ ನಡೆದಿದೆ. 

ಮದ್ದೂರು (ಮಾ.31): ತಾಲೂಕಿನ ಅಣ್ಣೆದೊಡ್ಡಿ ಮಾರಮ್ಮ ದೇವಸ್ಥಾನದ ಬಳಿ 20 ರಿಂದ 25 ಅಡಿ ಉದ್ದದ ನಾಗರ ಹಾವೊಂದು  ಕಾಣಿಸಿಕೊಂಡಿತ್ತು. 

ಮಂಗಳವಾರ ಮದ್ದೂರಿನ ಮಾರಮ್ಮ ದೇಗುಲದ ಬಳಿ ಈ ಹಾವು ಕಂಡ ಜನರಲ್ಲಿ ಅಚ್ಚರಿಯೊಂದಿಗೆ ಆತಂಕವೂ ಮೂಡಿದೆ. ಈ ಹಾವನ್ನು ನೋಡಲು ಗ್ರಾಮದ ಜನರು ಗುಂಪಾಗಿ ಆಗಮಿಸಿದರು. 

ಕಳೆದ ಮೂರು ನಾಲ್ಕು ವರ್ಷಗಳಿಂದ ಮಾರಮ್ಮ ದೇವರ ಹಬ್ಬ ಆಚರಣೆ ಮಾಡದೇ ಇರುವುದರುಂದ ಹಾವು ಕಾಣಿಸಿಕೊಂಡಿದೆ. ತಂಬಿಟ್ಟಿನ ಆರತಿಯೊಂದಿಗೆ ದೇವರಿಗೆ  ವಿಶೇಷ ಪೂಜೆ  ಮಾಡುವುದು ಸಂಪ್ರದಾಯ ಎಂದು ಇಲ್ಲಿನ ಜನರು ಹೇಳಿದರು. 

ಹಬ್ಬ ಆಚರಣೆ ಬಗ್ಗೆ ನಿರ್ಧರಿಸುವ ಸಂಬಂಧ ಮಾ.31 ರಂದು ಕೀಳಘಟ್ಟ ಗ್ರಾಮದಲ್ಲಿ ಸಭೆ ಕರೆಯಲಾಗಿದೆ ಎಂದು ಇಲ್ಲಿನ ಮುಖಂಡರು ತಿಳಿಸಿದರು.