ಕರ್ನಾಟಕ ಚುನಾವಣೆ: ಗದಗದಲ್ಲಿ ಕೈಗೆ ಗುದ್ದು ನೀಡಿ ಅರಳಿದ ಕಮಲ

ಕರ್ನಾಟಕ ವಿಧಾನಸಭೆಗೆ ಕಳೆದ ಮೇ. 12ರಂದು ನಡೆದ ಚುನಾವಣೆಗಳ ಫಲಿತಾಂಶ ಇಂದು ಹೊರಬಂದಿದ್ದು, ಕಾಂಗ್ರೆಸ್ ಭದ್ರಕೋಟೆಯಾದ ಗದಗದಲ್ಲಿ ಬಿಜೆಪಿಯ ಕಮಲ ಅರಳಿದೆ. ಗದಗ ಜಿಲ್ಲೆಯ 4 ವಿಧಾನಸಭಾ ಸ್ಥಾನಗಳ ಪೈಕಿ 3ರಲ್ಲಿ ಬಿಜೆಪಿ ಅಭ್ಯರ್ಥಿಗಳು ಗೆಲುವು ಸಾಧಿಸಿದ್ದಾರೆ.

ಬೆಂಗಳೂರು [ಮೇ.15]:  ಕರ್ನಾಟಕ ವಿಧಾನಸಭೆಗೆ ಕಳೆದ ಮೇ. 12ರಂದು ನಡೆದ ಚುನಾವಣೆಗಳ ಫಲಿತಾಂಶ ಇಂದು ಹೊರಬಂದಿದ್ದು, ಕಾಂಗ್ರೆಸ್ ಭದ್ರಕೋಟೆಯಾದ ಗದಗದಲ್ಲಿ ಬಿಜೆಪಿಯ ಕಮಲ ಅರಳಿದೆ. ಗದಗ ಜಿಲ್ಲೆಯ 4 ವಿಧಾನಸಭಾ ಸ್ಥಾನಗಳ ಪೈಕಿ 3ರಲ್ಲಿ ಬಿಜೆಪಿ ಅಭ್ಯರ್ಥಿಗಳು ಗೆಲುವು ಸಾಧಿಸಿದ್ದಾರೆ.

2013ರ ವಿಧಾನಸಬಾ ಚುನಾವಣೆಯಲ್ಲಿ ಎಲ್ಲಾ 4 ಸ್ಥಾನಗಳಲ್ಲಿ ಜಯಭೆರಿ ಬಾರಿಸಿದ್ದ ಕಾಂಗ್ರೆಸ್ ಈ ಬಾರಿ ಕೇವಲ 1 ಸ್ಥಾನವನ್ನು ಗಳಿಸುವಲ್ಲಿ ಸಫಲವಾಗಿದೆ. ಕಳೆದ ಬಾರಿ ಸುಮಾರು 33 ಸಾವಿರ ಮತಗಳ ಅಂತರದಿಂದ ಭರ್ಜರಿ ಗೆಲುವು ಸಾಧಿಸಿದ್ದ ಗ್ರಾಮೀಆಭಿವೃದ್ಧಿ ಸಚಿವರಾಗಿದ್ದ ಎಚ್.ಕೆ.ಪಾಟೀಲ್ ಗದಗ ಕ್ಷೇತ್ರದಿಂದ ಬಹಳ ಕಡಿಮೆ ಅಂತರದಿಂದ ಗೆಲುವು ಸಾಧಿಸಿದ್ದಾರೆ.

ಕ್ಷೇತ್ರ	ಗೆಲುವು	ಪಕ್ಷ	ವೋಟು	ಸೋಲು	ಪಕ್ಷ	ವೋಟು	ಅಂತರ
ಶಿರಹಟ್ಟಿ	ರಾಮಪ್ಪ ಸೋಬೆಪ್ಪ ಲಮಾಣಿ	ಬಿಜೆಪಿ	91967	ದೊಡ್ಡಮನಿ ಆರ್ ಸಿದ್ದಲಿಂಗಪ್ಪ	ಕಾಂಗ್ರೆಸ್	61974	29993
ಗದಗ	ಎಚ್.ಕೆ. ಪಾಟೀಲ್	ಕಾಂಗ್ರೆಸ್	77699	ಅನಿಲ್ ಪಿ. ಮೆಣಸಿನಕಾಯಿ	ಬಿಜೆಪಿ	75831	1868
ರೋಣ	ಕಲಕಪ್ಪ ಜಿ ಬಂಡಿ	ಬಿಜೆಪಿ	83735	ಗುರುಪಾದಗೌಡ ಎಸ್ ಪಾಟೀಲ್	ಕಾಂಗ್ರೆಸ್	76401	7334
ನರಗುಂದ	ಸಿ.ಸಿ.ಪಾಟೀಲ್	ಬಿಜೆಪಿ	73045	ಬಿ.ಆರ್. ಯಾವಗಲ್	ಕಾಂಗ್ರೆಸ್	65066	7979

ಕಳೆದ ಬಾರಿ ಶಾಸಕರಾಗಿ  ಆಯ್ಕೆಯಾಗಿದ್ದ ಮೂವರೂ ಕಾಂಗ್ರೆಸ್ ಅಭ್ಯರ್ಥಿಗಳು ಈ ಬಾರಿ ಜಯಗಳಿಸಲು ವಿಫಲರಾಗಿದ್ದಾರೆ.  ಗದಗ ಜಿಲ್ಲೆಯಲ್ಲಿ ಈ ಬಾರಿ ಒಟ್ಟು 74% ಮತದಾನವಾಗಿದೆ.