
ಮುಂಬೈ(ಜೂ.14): ದೇಶದಲ್ಲಿ ಅಬ್ಬರಿಸುತ್ತಿದ್ದ ಎರಡನೇ ಕೊರೋನಾ ಅಲೆ ಕೊಂಚ ಶಾಂತಗೊಂಡಿದೆ. ಅದರಲ್ಲೂ ಕೊರೋನಾ ಪ್ರಕರಂಣಗಳು ಅತೀ ಹೆಚ್ಚು ದಾಖಲಾಗುತ್ತಿದ್ದ ಮಹಾರಾಷ್ಟ್ರದಲ್ಲಿ, ಸದ್ಯ ಈ ಸಂಖ್ಯೆ ಬಹಳ ಕಡಿಮೆಯಾಗಿದೆ. ಹೀಗಿರುವಾಗ ಮುಂಬೈನ ಧಾರಾವಿಯಲ್ಲಿ ಸೋಮವಾರ ಒಂದೇ ಒಂದು ಪ್ರಕರಣ ವರದಿಯಾಗಿಲ್ಲ ಎಂಬುವುದು ಅತ್ಯಂತ ಖುಷಿ ಕೊಟ್ಟಿದೆ. ಧಾರಾವಿ ಏಷ್ಯಾದ ಅತೀ ದೊಡ್ಡ ಸ್ಲಂ ಏರಿಯಾ ಎಂಬುವುದು ಉಲ್ಲೇಖನೀಯ.
ಗ್ರೇಟರ್ ಮುಂಬೈ ಮುನ್ಸಿಪಾಲ್ ಅನ್ವಯ ಸೋಮವಾರದಂದು ಕೊರೊನಾದ ಒಂದೇ ಒಂದು ಪ್ರಕರಣ ಧಾರಾವಿಯಲ್ಲಿ ವರದಿಯಾಗಿಲ್ಲ. ಇನ್ನು ಏಪ್ರಿಲ್ 8 ರಂದು ಧಾರಾವಿಯಲ್ಲಿ ಅತೀ ಹೆಚ್ಚು 99 ಪ್ರಕರಣಗಳು ಒಂದೇ ದಿನ ವರದಿಯಾಗಿದ್ದವು.
ಧಾರಾವಿಗೆ ವಿಶ್ವಸಂಸ್ಥೆ ಮೆಚ್ಚುಗೆ: ಕೊರೋನಾ ನಿಯಂತ್ರಿಸಲು ಯಶಸ್ವಿಯಾದ ಏಷ್ಯಾದ ಅತಿದೊಡ್ಡ ಸ್ಲಂ! Page views: 2241
ಭಾನುವಾರ ಕೇವಲ ಎರಡು ಪ್ರಕರಣ
ಇನ್ನು ಭಾನುವಾರ ಧಾರಾವಿಯಲ್ಲಿ ಕೇವಲ ಎರಡು ಪ್ರಕರಣಗಳು ಧಾರಾವಿಯಲ್ಲಿ ವರದಿಯಾಗಿದ್ದವು. ಇನ್ನು ಕೇವಲ 13 ಸಕ್ರಿಯ ಪ್ರಕರಣಗಳಷ್ಟೇ ಇಲ್ಲಿವೆ. ಇವೆಲ್ಲಕ್ಕೂ ಮಿಗಿಲಾಗಿ ಇಲ್ಲಿ ಎರಡನೇ ಅಲೆ ಹೆಚ್ಚು ಪರಿಣಾಮ ಬೀರಿಲ್ಲ.
ಮೊದಲ ಅಲೆಯಲ್ಲಿ 350 ಸಾವು
ಕೊರೋನಾ ಮೊದಲ ಅಲೆ ಧಾರಾವಿಯಲ್ಲಿ ಮರಣ ಮೃದಂಗ ಬಾರಿಸಿತ್ತು. 2020ರಲ್ಲಿ ಇಲ್ಲಿ ದಾಳಿ ಇಟ್ಟಿದ್ದ ಕೊರೊನಾ ಮೊದಲ ಅಲೆಗೆ ಬರೋಬ್ಬರಿ 350 ಮಂದಿ ಬಲಿಯಾಗಿದ್ದರು. ಆದರೆ ಈ ಬಾರಿ ಇಲ್ಲಿ ಕೇವಲ 42 ಮಂದಿ ಮೃತಪಟ್ಟಿದ್ದಾರೆಂಬುವುದು ಸಮಾಧಾನಪಡಿಸುವ ವಿಚಾರವಾಗಿದೆ.
ಮುಂಬೈನ ಈ ಸ್ಲಂ ಪ್ರವಾಸೀ ಕೇಂದ್ರ!: ವರ್ಷಕ್ಕೆ 3 ಸಾವಿರ ಕೋಟಿ ವಹಿವಾಟು!
ಏಷ್ಯಾದ ಅತೀ ದೊಡ್ಡ ಸ್ಲಂ
ಮುಂಬೈನ 520 ಎಕರೆ ಪ್ರದೇಶದಲ್ಲಿ ಹಬ್ಬಿಕೊಂಡಿರುವ ಧಾರಾವಿ ಏಷ್ಯಾದ ಅತೀ ದೊಡ್ಡ ಸ್ಲಂ ಏರಿಯಾ ಆಗಿದೆ. ಅತೀ ಹೆಚ್ಚು ಜನಸಂಖ್ಯೆ ಇರುವ ಈ ಪ್ರದೇಶದಲ್ಲಿ ಹತ್ತು ಸಾವಿರಕ್ಕೂ ಅಧಿಕ ಮಂದಿ ವಾಸಿಸುತ್ತಿದ್ದಾರೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ