ರಾಜ್ಯಸಭೆ ಮತ್ತು ಲೋಕಸಭೆ ವಕ್ಫ್ ತಿದ್ದುಪಡಿ ಮಸೂದೆ ಅಂಗೀಕರಿಸಿದ ಬಳಿಕ ಕಾಂಗ್ರೆಸ್ ಶಾಸಕ ಇರ್ಫಾನ್ ಅನ್ಸಾರಿ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ. ಮಸೂದೆಯನ್ನು ವಿರೋಧಿಸಿ, ಅಲ್ಪಸಂಖ್ಯಾತರ ಪರವಾಗಿ ರಾಹುಲ್ ಗಾಂಧಿ ನಿಂತಿದ್ದಾರೆ ಎಂದು ಹೇಳಿದ್ದಾರೆ.
'ವಕ್ಫ್ ಮಸೂದೆ ಸುದ್ದಿ: ವಕ್ಫ್ ತಿದ್ದುಪಡಿ ಮಸೂದೆಯನ್ನು ರಾಜ್ಯಸಭೆ ಮತ್ತು ಲೋಕಸಭೆ ಅಂಗೀಕರಿಸಿದ ನಂತರ, ಕಾಂಗ್ರೆಸ್ ಶಾಸಕ ಮತ್ತು ಜಾರ್ಖಂಡ್ ಕ್ಯಾಬಿನೆಟ್ ಸಚಿವ ಇರ್ಫಾನ್ ಅನ್ಸಾರಿ ಸ್ಫೋಟಕ ಹೇಳಿಕೆ ನೀಡಿದ್ದಾರೆ. ಅವರು 'X' ಸಾಮಾಜಿಕ ಮಾಧ್ಯಮ ತಾಣದಲ್ಲಿ ಪೋಸ್ಟ್ ಮಾಡಿ 'ದೇಶದ ಭವಿಷ್ಯದ ಪ್ರಧಾನಿ ರಾಹುಲ್ ಗಾಂಧಿ ದಲಿತರು, ಬುಡಕಟ್ಟು ಜನಾಂಗದವರು ಮತ್ತು ಅಲ್ಪಸಂಖ್ಯಾತರ ಪರವಾಗಿ ನಿಂತಿದ್ದಾರೆ' ಎಂದು ಬರೆದಿದ್ದಾರೆ. ಕಾಂಗ್ರೆಸ್ ಪಕ್ಷ ಇರುವವರೆಗೆ ನಾವು ಭಯಪಡುವ ಅಗತ್ಯವಿಲ್ಲ.
'ಬಿಜೆಪಿಯ ಪ್ರತಿಯೊಂದು ಅನ್ಯಾಯಕ್ಕೂ ಉತ್ತರ ಸಿಗುತ್ತದೆ. ವಕ್ಫ್ ಮಂಡಳಿಯಲ್ಲಿ ಯಾವುದೇ ರೀತಿಯ ತಿದ್ದುಪಡಿಯನ್ನು ಸ್ವೀಕರಿಸಲಾಗುವುದಿಲ್ಲ. ಪ್ರಧಾನಿ ನರೇಂದ್ರ ಮೋದಿ ಕಳೆದ 13 ವರ್ಷಗಳಿಂದ ಅಧಿಕಾರದಲ್ಲಿದ್ದಾರೆ, ಆದರೆ ಒಬ್ಬ ಅಲ್ಪಸಂಖ್ಯಾತರೂ ಕೆಲಸ ಪಡೆಯಲು ಅಥವಾ ಕೆಲಸ ಕೇಳಲು ಅವರ ಬಳಿಗೆ ಹೋಗಿಲ್ಲ. ಇದರ ಹೊರತಾಗಿಯೂ, ಅನ್ಯಾಯ ನಿರಂತರವಾಗಿ ನಡೆಯುತ್ತಿದೆ' ಎಂದು ಇರ್ಫಾನ್ ಅನ್ಸಾರಿ ಬರೆದಿದ್ದಾರೆ.
ಇದನ್ನೂ ಓದಿ: ಇದನ್ನೂ ಓದಿ: Waqf Amendment Bill 2025: ಮೋದಿ ಜಿಂದಾಬಾದ್: ಸಂತ್ರಸ್ತ ಕೇರಳ ಕೈಸ್ತರ ಘೋಷಣೆ
'ನಮ್ಮ ಹಕ್ಕುಗಳನ್ನು ಕಸಿದುಕೊಳ್ಳುವ ಪ್ರತಿಯೊಂದು ಪ್ರಯತ್ನವನ್ನು ತೀವ್ರವಾಗಿ ವಿರೋಧಿಸುತ್ತೇವೆ. ಅಷ್ಟೇ ಅಲ್ಲ ನಾವು ಅನ್ಯಾಯ ಸಹಿಸಲಾಗುವುದಿಲ್ಲ. ನಾವು ನಮ್ಮ ಹೋರಾಟವನ್ನು ಸಾಂವಿಧಾನಿಕ ರೀತಿಯಲ್ಲಿ ಹೋರಾಡುತ್ತೇವೆ. ಕೃಷಿ ಕಾನೂನುಗಳನ್ನು ಹಿಂತೆಗೆದುಕೊಂಡಂತೆಯೇ, ವಕ್ಫ್ ಕಾಯ್ದೆಯಲ್ಲಿ ಮಾಡಿದ ಅನ್ಯಾಯದ ತಿದ್ದುಪಡಿಯನ್ನು ಸಹ ಹಿಂತೆಗೆದುಕೊಳ್ಳಬೇಕಾಗುತ್ತದೆ" ಎಂದು ಸಚಿವರು ಬರೆದಿದ್ದಾರೆ.
ಇದನ್ನೂ ಓದಿ: Waqf Bill 2025ರ ಬಗ್ಗೆ ಚರ್ಚಿಸದ ರಾಗಾ, ಪ್ರಿಯಾಂಕಾ ವಿರುದ್ಧಕೇರಳ ಮುಸ್ಲಿಂ ಪತ್ರಿಕೆ ಕಿಡಿ!
ದೇಶಕ್ಕೆ ವಕ್ಫ್ ತಿದ್ದುಪಡಿ ಮಸೂದೆ ಬೇಕಾಗಿಲ್ಲ- ಇರ್ಫಾನ್ ಅನ್ಸಾರಿ
ಇದಕ್ಕೂ ಮುಂಚೆಯೇ ಇರ್ಫಾನ್ ಅನ್ಸಾರಿ ವಕ್ಫ್ ಮಸೂದೆಯ ಬಗ್ಗೆ ಪೋಸ್ಟ್ ಮಾಡಿದ್ದರು. 'ದೇಶಕ್ಕೆ ವಕ್ಫ್ ತಿದ್ದುಪಡಿ ಮಸೂದೆಯ ಅಗತ್ಯವಿರಲಿಲ್ಲ. ಇಂದು ದೇಶದ ಜನರಿಗೆ ಉದ್ಯೋಗದ ಅಗತ್ಯವಿತ್ತು, ಅದರ ಬಗ್ಗೆ ಸದನದಲ್ಲಿ ಚರ್ಚೆ ನಡೆಯಬೇಕಿತ್ತು. ಹಿಂದೂ ಆಗಿರಲಿ ಅಥವಾ ಮುಸ್ಲಿಂ ಆಗಿರಲಿ, ಎಲ್ಲರಿಗೂ ಉದ್ಯೋಗ ಸಿಗಬೇಕಿತ್ತು. ವಾಸ್ತವದಲ್ಲಿ, ಮೋದಿ ಸರ್ಕಾರ ಈ ಮಸೂದೆಯನ್ನು ತಂದಿರುವುದು ವಂಚನೆ ಮಾಡಲು ಮತ್ತು ನಟಿಸಲು ಮಾತ್ರ' ಎಂದು ಅವರು ಬರೆದಿದ್ದರು.'
देश के भावी प्रधानमंत्री आदरणीय राहुल गांधी जी दलित, आदिवासी और अल्पसंख्यकों के साथ खड़े हैं। कांग्रेस पार्टी के रहते हमें घबराने की कोई आवश्यकता नहीं है। भाजपा के हर अन्याय का जवाब दिया जाएगा।*
*वक्फ बोर्ड में किसी भी प्रकार का संशोधन स्वीकार नहीं किया जाएगा। पिछले… pic.twitter.com/8iL0966Ahq