* ರಂಗೇರಿದ ಪಂಜಾಬ್ ಚುನಾವಣಾ ಕಣ
* ವಿವಾದ ಸೃಷ್ಟಿಸುತ್ತಿವೆ ರಾಜಕೀಯ ಗಣ್ಯರ ಹೇಳಿಕೆಗಳು
* ಕಾಂಗ್ರೆಸ್ ನಾಯಕ ಸಿಧು ಹೇಳಿಕೆಹಗೆ ಪೊಲೀಸರ ಆಕ್ಷೇಪ
ಚಂಡೀಗಢ(ಡಿ.27): ಪಂಜಾಬ್ ಕಾಂಗ್ರೆಸ್ ಅಧ್ಯಕ್ಷ ನವಜೋತ್ ಸಿಂಗ್ ಸಿಧು ಪೊಲೀಸರ ವಿರುದ್ಧ ನೀಡಿರುವ ಹೇಳಿಕೆಗೆ ಸಂಬಂಧಿಸಿದಂತೆ ಚಂಡೀಗಢ ಪೊಲೀಸರು ಆಕ್ಷೇಪ ಸಲ್ಲಿಸಿದ್ದಾರೆ. ರಾಜಕೀಯ ಕಾರ್ಯಕ್ರಮದ ವೇಳೆ, ಸುಲ್ತಾನ್‌ಪುರ ಲೋಧಿಯಲ್ಲಿ ವೇದಿಕೆಯಲ್ಲಿದ್ದ ಶಾಸಕ ನವತೇಜ್ ಚೀಮಾ ಅವರ ಬೆನ್ನಿನ ಮೇಲೆ ಕೈ ಹಾಕಿದ ಸಿದ್ದು, ಈ ಪ್ರಬಲ ಶಾಸಕ ಕೂಗಿದರೆ, ಪೊಲೀಸ್ ಠಾಣಾಧಿಕಾರಿಯ ಪ್ಯಾಂಟ್ ಒದ್ದೆಯಾಗುತ್ತದೆ ಎಂದು ಹೇಳಿದ್ದರು.
ನವಜೋತ್ ಸಿಂಗ್ ಸಿಧು ಅವರ ಈ ಹೇಳಿಕೆಗೆ ಸಂಬಂಧಿಸಿದಂತೆ ಚಂಡೀಗಢ ಪೊಲೀಸ್ ಡಿಎಸ್ಪಿ ದಿಲ್ಶರ್ ಚಂದೇಲ್, ರಾಜಕಾರಣಿಗಳು ಕರ್ತವ್ಯದಲ್ಲಿರುವ ಪೊಲೀಸರನ್ನು ಈ ರೀತಿ ಗೇಲಿ ಮಾಡಬಾರದು ಎಂದು ಹೇಳಿದ್ದಾರೆ. ಪೊಲೀಸರು ಕೇವಲ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ರಾಜಕಾರಣಿಗಳು ಇಂತಹ ಹೇಳಿಕೆ ನೀಡಿ ಅವರ ಮನೋಸ್ಥೈರ್ಯ ಕುಗ್ಗಿಸಬಾರದು ಎಂದೂ ಉಲ್ಲೇಖಿಸಿದ್ದಾರೆ.
ಪಂಜಾಬ್ ಮಾಜಿ ಸಚಿವ ಅಶ್ವಿನಿ ಸೆಖ್ರಿ ಅವರ ರ್ಯಾಲಿಗೆ ಕಾಂಗ್ರೆಸ್ ರಾಜ್ಯಾಧ್ಯಕ್ಷ ನವಜೋತ್ ಸಿಂಗ್ ಸಿಧು ಕೂಡ ಆಗಮಿಸಿದ್ದರು. ಈ ವೇಳೆ ಸಿಧು ಮತ್ತೊಮ್ಮೆ ಪಂಜಾಬ್ ಪೊಲೀಸರನ್ನು ಲೇವಡಿ ಮಾಡುತ್ತಾ ಅಶ್ವಿನಿ ಸೆಖ್ದಿ ತಳ್ಳಿದರೆ ಪೊಲೀಸ್ ಠಾಣೆಯ ಪ್ಯಾಂಟ್ ಒದ್ದೆಯಾಗುತ್ತದೆ ಎಂದು ಹೇಳಿದ್ದಾರೆ. ಆದರೆ, ನಂತರ ಸಿದ್ದು ಈ ವಿಷಯವನ್ನು ತಮಾಷೆಯಾಗಿ ಹೇಳಲಾಗಿದೆ, ಟ್ವಿಸ್ಟ್ ಮಾಡಿ ನಿಮ್ಮ ಇಚ್ಛೆಯಂತೆ ಪ್ರಸ್ತುತಪಡಿಸಿ ಎಂದೂ ಉಲ್ಲೇಖಿಸಿದ್ದಾರೆ. ಈ ಹಿಂದೆಯೂ ಸುಲ್ತಾನ್‌ಪುರ ಲೋಧಿಯಲ್ಲಿ ನಡೆದ ನವತೇಜ್ ಸೀಮಾ ಅವರ ರ್ಯಾಲಿಯಲ್ಲಿ ಸಿಧು ಇದೇ ರೀತಿಯ ಆಕ್ಷೇಪಾರ್ಹ ಹೇಳಿಕೆ ನೀಡಿದ್ದರು, ಇದನ್ನು ಚಂಡೀಗಢ ಪೊಲೀಸ್‌ನಲ್ಲಿ ಡಿಎಸ್ಪಿ ದಿಲ್ಶರ್ ಸಿಂಗ್ ಚಾಂಡೆಲ್ ವಿರೋಧಿಸಿದ್ದರು.
ಸಿಧು ಹೇಳಿಕೆ ನೀಡಿ ಪೊಲೀಸರಿಗೆ ಅವಮಾನ ಮಾಡುತ್ತಿದ್ದಾರೆ.
ಇದೀಗ ಪಂಜಾಬ್ ಪೊಲೀಸ್ ಸಬ್ ಇನ್ಸ್ ಪೆಕ್ಟರ್ ಒಬ್ಬರು ಇಂತಹ ಹೇಳಿಕೆಗೆ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಸಿದ್ದು ಹೇಳಿಕೆ ನೀಡುವ ಮೂಲಕ ಪೊಲೀಸರನ್ನು ಅವಮಾನಿಸುತ್ತಿರುವ ರೀತಿಗೆ ಪೊಲೀಸರ ಜತೆಗೆ ವಿಪಕ್ಷಗಳೂ ಆಕ್ರೋಶ ವ್ಯಕ್ತಪಡಿಸಿವೆ. ಅವರದೇ ಪಕ್ಷದ ಸಂಸದ ರವನೀತ್ ಸಿಂಗ್ ಬಿಟ್ಟು ಕೂಡ ನವಜೋತ್ ಸಿಂಗ್ ಸಿಧು ಅವರ ಹೆಸರು ಹೇಳದೆ ವಾಗ್ದಾಳಿ ನಡೆಸಿದ್ದಾರೆ ಮತ್ತು ಎಲ್ಲಾ ನಾಯಕರು ಪಂಜಾಬ್ ಪೊಲೀಸರನ್ನು ಗೌರವಿಸಬೇಕು ಮತ್ತು ಮಾತನಾಡುವ ಮೊದಲು ಯೋಚಿಸಬೇಕು ಎಂದು ಹೇಳಿದ್ದಾರೆ.
ಸಿದುಗೆ ಮಾನನಷ್ಟ ನೋಟಿಸ್
ಪಂಜಾಬ್ ಪೊಲೀಸರ ವಿರುದ್ಧ ನೀಡಿರುವ ಹೇಳಿಕೆಗೆ ಕಾಂಗ್ರೆಸ್ ಅಧ್ಯಕ್ಷ ನವಜೋತ್ ಸಿಂಗ್ ಸಿಧು ಕ್ಷಮೆಯಾಚಿಸಬೇಕು ಎಂದು ಶಿರೋಮಣಿ ಅಕಾಲಿದಳದ ಮಾಜಿ ಸಚಿವ ದಲ್ಜಿತ್ ಸಿಂಗ್ ಚೀಮಾ ಹೇಳಿದ್ದಾರೆ. ಪೊಲೀಸರಿಗೆ ನೀಡಿದ ಈ ಆಕ್ಷೇಪಾರ್ಹ ಹೇಳಿಕೆಯ ಮೇಲೆ ಚಂಡೀಗಢ ಪೊಲೀಸ್ ಡಿಎಸ್ಪಿ ನವಜೋತ್ ಸಿಂಗ್ ಸಿಧು ಅವರಿಗೆ ಮಾನನಷ್ಟ ನೋಟಿಸ್ ಸಹ ಕಳುಹಿಸಿದ್ದಾರೆ. ನವಜೋತ್ ಸಿಂಗ್ ಸಿಧು ವಿರುದ್ಧ ಚಂಡೀಗಢ ಪೊಲೀಸ್‌ನ ಡಿಎಸ್ಪಿ ದಿಲ್ಶರ್ ಸಿಂಗ್ ಚಾಂಡೆಲ್ ಅವರು ಮಾನನಷ್ಟ ಮೊಕದ್ದಮೆ ದಾಖಲಿಸಿದ್ದಾರೆ.
ನವಜೋತ್ ಸಿಂಗ್ ಸಿಧು ಅವರ ಮತ್ತೊಂದು ವೀಡಿಯೊ ಕೂಡಾ ವೈರಲ್ ಆಗಿದ್ದು, ಇದರಲ್ಲಿ ಅವರು ಗುರುದಾಸ್‌ಪುರದ ಬಟಾಲಾ ಮಾಜಿ ಶಾಸಕ ಅಶ್ವಿನಿ ಸೆಖ್ದಿ ಅವರನ್ನು ಪ್ರಬಲ ವ್ಯಕ್ತಿ ಎಂದು ಹೊಗಳಿದ್ದಾರೆ ಮತ್ತು ಅವರು ಘರ್ಜಿಸಿದರೆ ಪೊಲೀಸರ ಪ್ಯಾಂಟ್ ಒದ್ದೆಯಾಗುತ್ತದೆ ಎಂದು ಹೇಳಿದ್ದಾರೆ. ಪೊಲೀಸರ ಕುರಿತ ಸಿದ್ದು ಹೇಳಿಕೆಗಳು ಒಂದರ ಹಿಂದೆ ಒಂದರಂತೆ ಹೊರ ಬಂದವು. ಎರಡು ರ್ಯಾಲಿಗಳಲ್ಲಿ ಇದೇ ರೀತಿ ವ್ಯಂಗ್ಯವಾಡಿದ ಬಗ್ಗೆ ಪೊಲೀಸರಲ್ಲಿ ಅಸಮಾಧಾನವಿದೆ.