78ನೇ ಪ್ರಯತ್ನದಲ್ಲಿ ಹೊಡೆದ ಜಾಕ್‌ಪಾಟ್‌, 39 ರೂಪಾಯಿ ಹಾಕಿ 4 ಕೋಟಿ ಗೆದ್ದ ಉತ್ತರ ಪ್ರದೇಶದ ರೈತನ ಮಗ!

ಕೌಶಾಂಬಿ ಜಿಲ್ಲೆಯ ಮಂಗಳ್ ಸರೋಜ್ ಕೇವಲ ₹39 ಹೂಡಿಕೆ ಮಾಡಿ Dream11 ರಲ್ಲಿ ₹4 ಕೋಟಿ ಗೆದ್ದಿದ್ದಾರೆ. ೭೮ನೇ ಪ್ರಯತ್ನದಲ್ಲಿ ಚೆನ್ನೈ-ಪಂಜಾಬ್ ಪಂದ್ಯದಲ್ಲಿ ಈ ಗೆಲುವು ಸಾಧಿಸಿದ್ದಾರೆ. ಕೃಷಿ ಕುಟುಂಬದ ಯುವಕನಾದ ಇವರು ಈ ಹಣವನ್ನು ವ್ಯಾಪಾರದಲ್ಲಿ ಹೂಡಿಕೆ ಮಾಡುವ ಇರಾದೆ ಹೊಂದಿದ್ದಾರೆ. ಇವರ ಸಾಧನೆ ಗ್ರಾಮಕ್ಕೆ ಹೆಮ್ಮೆ ತಂದಿದೆ. (Disclaimer: ಡ್ರೀಮ್‌ 11 ಫ್ಯಾಂಟಸಿ ಗೇಮ್‌. ಹಣಕಾಸಿನ ಅಪಾಯವನ್ನು ಒಳಗೊಂಡಿರುತ್ತದೆ.)

ನವದೆಹಲಿ (ಮೇ.5): ಸಾಮಾನ್ಯ ರೈತ ಕುಟುಂಬದ ಯುವಕ ಕೇವಲ ₹39 ಹೂಡಿಕೆ ಮಾಡಿ Dream11 ನಲ್ಲಿ ತಂಡ ರಚಿಸಿ ₹4 ಕೋಟಿ ಗೆದ್ದಿದ್ದಾರೆ. ಕೌಶಾಂಬಿ ಜಿಲ್ಲೆಯ ಘಾಸಿ ರಾಮ್ ಕಾ ಪುರ್ವಾ ಗ್ರಾಮದ ಮಂಗಳ್ ಸರೋಜ್ ಅವರ ಈ ಸಾಧನೆ ಈಗ ಎಲ್ಲೆಡೆ ಸುದ್ದಿಯಾಗಿದೆ. ಈ ಗೆಲುವಿನಿಂದಾಗಿ ಇಡೀ ಗ್ರಾಮ ಸಂಭ್ರಮದಿಂದ ತುಂಬಿದೆ ಮತ್ತು ಅಕ್ಕಪಕ್ಕದ ಜನರು ಅವರನ್ನು ಅಭಿನಂದಿಸಲು ಮನೆಗೆ ಬರುತ್ತಿದ್ದಾರೆ.

78ನೇ ಪ್ರಯತ್ನದಲ್ಲಿ ಗೆಲುವು: ಮಾಧ್ಯಮ ವರದಿಗಳ ಪ್ರಕಾರ, ಮಂಗಳ್ ಸರೋಜ್ ಮಾರ್ಚ್ ತಿಂಗಳಿನಿಂದ Dream11 ನಲ್ಲಿ ಆಟ ಆಡಲು ಪ್ರಾರಂಭಿಸಿದ್ದರು. ಈವರೆಗೆ 77 ಬಾರಿ ತಂಡ ರಚಿಸಿದ್ದರೂ ಪ್ರತಿ ಬಾರಿಯೂ ವಿಫಲರಾಗಿದ್ದರು. ಏಪ್ರಿಲ್ 29 ರಂದು ಚೆನ್ನೈ ಮತ್ತು ಪಂಜಾಬ್ ನಡುವಿನ IPL ಪಂದ್ಯದಲ್ಲಿ ₹39 ಖರ್ಚು ಮಾಡಿ ತಂಡ ರಚಿಸಿದ್ದರು. ಮರುದಿನ ಬೆಳಿಗ್ಗೆ ಫಲಿತಾಂಶ ನೋಡಿದಾಗ Dream11 ನ ₹4 ಕೋಟಿ ಬಹುಮಾನ ಗೆದ್ದಿದ್ದರು.

39 ರೂಪಾಯಿಗೆ 4 ಕೋಟಿ ಗೆದ್ದ ಮಂಗಳ್‌ ಸರೋಜ್‌ ಹೇಳಿದ್ದೇನು? ಲಿಂಕ್‌ ಕ್ಲಿಕ್‌ ಮಾಡಿ

ಮಂಗಳ್ ಸರೋಜ್ ಅವರ ತಂದೆ ಸುಖಲಾಲ್ ಸರೋಜ್ ಎಂಟು ಜನರ ಕುಟುಂಬವನ್ನು ಕೃಷಿಯಿಂದ ಪೋಷಿಸುತ್ತಾರೆ. ಸ್ವಂತ ಜಮೀನಿಲ್ಲದ ಕಾರಣ ಗುತ್ತಿಗೆಗೆ ಪಡೆದ ಜಮೀನಿನಲ್ಲಿ ಕೃಷಿ ಮಾಡುತ್ತಾರೆ. ಇದರಲ್ಲಿ ಬೆಳೆಯ ಮೂರನೇ ಒಂದು ಭಾಗವನ್ನು ಜಮೀನಿನ ಮಾಲೀಕರಿಗೆ ನೀಡಬೇಕಾಗುತ್ತದೆ. ಕುಟುಂಬದ ಆರ್ಥಿಕ ಪರಿಸ್ಥಿತಿ ತೀರಾ ಸಾಮಾನ್ಯವಾಗಿತ್ತು, ಆದರೆ ಈ ಗೆಲುವು ಅವರ ಜೀವನವನ್ನೇ ಬದಲಿಸಿದೆ.

Dream11 ನಲ್ಲಿ ಗೆದ್ದ ಬಹುಮಾನದ ಬಗ್ಗೆ ಮಂಗಳ್ ಸರೋಜ್, ಈ ಹಣವನ್ನು ಉತ್ತಮ ಮತ್ತು ಸ್ಥಿರ ವ್ಯಾಪಾರದಲ್ಲಿ ಹೂಡಿಕೆ ಮಾಡಲು ಬಯಸುತ್ತೇನೆ ಎಂದಿದ್ದಾರೆ. ಹಲವು ಬಾರಿ ಸೋತರೂ ಭರವಸೆ ಕಳೆದುಕೊಳ್ಳಲಿಲ್ಲ ಎಂದಿದ್ದಾರೆ. ಏಪ್ರಿಲ್ 30 ರಂದು ಅವರ ಖಾತೆಯಲ್ಲಿ ಕೇವಲ ₹39 ಇತ್ತು, ಆದರೆ ಅದರಿಂದಲೇ ಕೊನೆಯ ಬಾರಿ ಪ್ರಯತ್ನಿಸಿ ಯಶಸ್ಸು ಗಳಿಸಿದ್ದಾರೆ.

ಮಂಗಳ್ ಸರೋಜ್ ಅವರ ಈ ಸಾಧನೆ ಇಡೀ ಗ್ರಾಮಕ್ಕೆ ಹೆಮ್ಮೆಯ ವಿಷಯವಾಗಿದೆ. ಯುವಕರು ಈಗ ಅವರನ್ನು ಸ್ಫೂರ್ತಿಯಾಗಿ ನೋಡುತ್ತಿದ್ದಾರೆ. ಗ್ರಾಮದಲ್ಲಿ ಹಬ್ಬದ ವಾತಾವರಣ ನಿರ್ಮಾಣವಾಗುದೆ. Dream11 ನಂತಹ ವೇದಿಕೆಗಳ ಮೂಲಕ ಪರಿಶ್ರಮ, ತಾಳ್ಮೆ ಮತ್ತು ಅದೃಷ್ಟದ ಸಹಾಯದಿಂದ ಜೀವನವನ್ನು ಹೇಗೆ ಬದಲಾಯಿಸಬಹುದು ಎಂಬುದಕ್ಕೆ ಮಂಗಳ್ ಸರೋಜ್ ಒಂದು ಉದಾಹರಣೆಯಾಗಿದ್ದಾರೆ.

3ಕೋಟಿ ಗೆದ್ದಿದ್ದ ಜಾರ್ಖಂಡ್‌ನ ಟೈಲರ್‌: ಐಪಿಎಲ್‌ನ ಐದನೇ ಪಂದ್ಯದ ವೇಳೆ ಜಾರ್ಖಂಡ್‌ನ ಸಣ್ಣ ಪಟ್ಟಣದ ಟೈಲರ್‌ ಮೊಹಮದ್‌ ಶಾಹಿದ್‌ ಜಾಕ್‌ಪಾಟ್‌ ಹೊಡೆದಿದ್ದರು. ಚಾತ್ರಾ ಜಿಲ್ಲೆಯ ನಿವಾಸಿ ಶಾಹಿದ್, ಜನಪ್ರಿಯ ಫ್ಯಾಂಟಸಿ ಕ್ರೀಡಾ ವೇದಿಕೆ ಡ್ರೀಮ್ 11 ನಲ್ಲಿ 3 ಕೋಟಿ ರೂಪಾಯಿ ಗೆದ್ದಿದ್ದರು. ಅವರ ಅಸಾಧಾರಣ ಯಶಸ್ಸಿನ ಕಥೆ ಐಪಿಎಲ್ 2025 ರ ಐದನೇ ಪಂದ್ಯದಲ್ಲಿ ದಾಖಲಾಗಿತ್ತು. ಪಂಜಾಬ್ ಕಿಂಗ್ಸ್ ಮತ್ತು ಗುಜರಾತ್ ಟೈಟಾನ್ಸ್ ನಡುವಿನ ಪಂದ್ಯದಲ್ಲಿ, ದೇಶಾದ್ಯಂತದ ಅಸಂಖ್ಯಾತ ಕ್ರಿಕೆಟ್ ಉತ್ಸಾಹಿಗಳಂತೆ, ಶಾಹಿದ್ ಈ ಪಂದ್ಯಕ್ಕಾಗಿ ತಮ್ಮದೇ ಆದ ಫ್ಯಾಂಟಸಿ ತಂಡವನ್ನು ರಚಿಸಿದ್ದರು. ಈ ನಿರ್ದಿಷ್ಟ ತಂಡವು ಅವರ ಜೀವನವನ್ನು ಶಾಶ್ವತವಾಗಿ ಬದಲಾಯಿಸುತ್ತದೆ ಎಂದು ತಿಳಿದಿರಲಿಲ್ಲ. ಆಟ ಮುಗಿದಂತೆ, ಅವರು ತಮ್ಮ ಡ್ರೀಮ್ 11 ಸ್ಕೋರ್ ಅನ್ನು ಪರಿಶೀಲಿಸಿದಗ ಅವರ ತಂಡ ಅಗ್ರಸ್ಥಾನ ಪಡೆದುಕೊಂಡಿತ್ತು.

Disclaimer: ಡ್ರೀಮ್‌ 11 ಫ್ಯಾಂಟಸಿ ಗೇಮ್‌. ಹಣಕಾಸಿನ ಅಪಾಯವನ್ನು ಒಳಗೊಂಡಿರುತ್ತದೆ. ಇದು ಸುದ್ದಿ ಮಾತ್ರ. ಫ್ಯಾಂಟಸಿ ಗೇಮ್‌ಗಳನ್ನು ಏಷ್ಯಾನೆಟ್‌ ನ್ಯೂಸ್‌ ಪ್ರೋತ್ಸಾಹಿಸುವುದಿಲ್ಲ.