* ವಿದ್ಯಾವಂತನಿಂದ ಬ್ಯಾಂಕ್ ದರೋಡೆ
* ದರೋಡೆ ನಡೆಸಿದ 15 ನಿಮಿಷದಲ್ಲಿ ಸಿಕ್ಕಿ ಬಿದ್ದ
* ಮದುವೆಗೆ ಎರಡು ದಿನ ಇರುವಾಗ ಕುಕೃತ್ಯ
ಹುಬ್ಬಳ್ಳಿ(ಜ.23): ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋವೊಂದು ವೈರಲ್ ಆಗುತ್ತಿದೆ. ಈ ವೈರಲ್ ವಿಡಿಯೋದಲ್ಲಿ, ಯುವಕನೊಬ್ಬ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್‌ಬಿಐ) ಶಾಖೆಯಲ್ಲಿ ದರೋಡೆ ಮಾಡುತ್ತಿರುವುದನ್ನು ಕಾಣಬಹುದು. ಕಪ್ಪು ವಸ್ತ್ರವನ್ನು ಧರಿಸಿದ ಮತ್ತು ಮುಖವಾಡವನ್ನು ಧರಿಸಿದ ವ್ಯಕ್ತಿಯೊಬ್ಬ ಬ್ಯಾಂಕ್‌ಗೆ ನಡೆದು ಬಾಗಿಲು ತೆರೆಯಲು ಪ್ರಯತ್ನಿಸುತ್ತಾನೆ. ಈ ವ್ಯಕ್ತಿ ವಂಚಕನಲ್ಲ, ವಿದ್ಯಾವಂತನಾಗಿದ್ದು, ಮದುವೆಗಾಗಿ ಬ್ಯಾಂಕ್ ದರೋಡೆ ಮಾಡಲು ಯೋಜನೆ ರೂಪಿಸಿದ್ದ.
ವ್ಯಕ್ತಿಯೊಬ್ಬರು ಕೈಯಲ್ಲಿ ಚಾಕು ಹಿಡಿದುಕೊಂಡು ಬ್ಯಾಂಕ್‌ಗೆ ಪ್ರವೇಶಿಸಿದ್ದು, ಅಲ್ಲಿದ್ದ ಬ್ಯಾಂಕ್ ಉದ್ಯೋಗಿಗಳು ಆತನನ್ನು ನೋಡಿ ಭಯಗೊಂಡಿದ್ದು ವೈರಲ್ ಆಗಿರುವ ವಿಡಿಯೋದಲ್ಲಿ ಕಂಡು ಬಂದಿದೆ. ದುಷ್ಕರ್ಮಿಯು ಮಹಿಳಾ ಉದ್ಯೋಗಿಯ ಪರ್ಸ್ ಅನ್ನು ಕಸಿದುಕೊಂಡು ಎಲ್ಲ ಹಣವನ್ನು ಕೊಡುವಂತೆ ಕೇಳುತ್ತಾನೆ. ದುಷ್ಕರ್ಮಿ ಮಹಿಳಾ ಉದ್ಯೋಗಿಗೆ ಚಾಕು ತೋರಿಸಿ ಬೆದರಿಕೆ ಹಾಕುತ್ತಲೇ ಇದ್ದ. ಕೊನೆಗೆ ಮಹಿಳೆಯ ಮೇಜಿನ ಮೇಲೆ ಇಟ್ಟಿದ್ದ ಹಣವನ್ನು ಮಡಚಿ ಆತನಿಗೆ ನೀಡಿದ್ದಾಳೆ. ಬಳಿಕ ಆತ ಅಲ್ಲಿಂದ ಪರಾರಿಯಾಗಿದ್ದಾನೆ. ಅವನು ಹೋದ ನಂತರ, ಬ್ಯಾಂಕ್ ನೌಕರರು ಕೂಗಲು ಪ್ರಾರಂಭಿಸಿದ್ದಾರೆ, ಅಷ್ಟರಲ್ಲಿ ಅಲ್ಲೇ ನಡೆದುಕೊಂಡು ಹೋಗುತ್ತಿದ್ದ ಪೊಲೀಸ್ ದುಷ್ಕರ್ಮಿಯನ್ನು ಬೆನ್ನಟ್ಟಿ ಟ್ರಾಫಿಕ್ ಪೊಲೀಸರ ಸಹಾಯದಿಂದ ಆತನನ್ನು ಹಿಡಿದಿದ್ದಾನೆ. ಬಂಧನದ ನಂತರ ತನಿಖೆ ವೇಳೆ ಬಯಲಾದ ವಿಚಾರ ಎಲ್ಲರನ್ನೂ ಬೆಚ್ಚಿ ಬೀಳಿಸಿದೆ.
Robbery at SBI bank in Hubli caught on CCTV. Watch how a masked man walks in with a knife threatens a woman employee & teller, gets abt 6.39lakh loaded into his bag & flees, only to be caught in abt 30 mins by cops. This effort was to have a lavish wedding for himself. pic.twitter.com/Tre9RXw99q
— Deepak Bopanna (@dpkBopanna)ಬ್ಯಾಂಕಿನಿಂದ 6 ಲಕ್ಷ 39 ಸಾವಿರ ದರೋಡೆ ಮಾಡಿದ ಈತ ಮೋಸಗಾರನಲ್ಲ, ವಿದ್ಯಾವಂತ. ಪ್ರವೀಣ್ ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ಎರಡು ದಿನಗಳ ನಂತರ ಮದುವೆಯಾಗಲು ಹೊರಟಿದ್ದ ಆತ ಶಾಪಿಂಗ್‌ಗಾಗಿ ಹುಬ್ಬಳ್ಳಿಗೆ ಬಂದಿದ್ದ. ಅವನಿಗೆ ಹಣದ ಅವಶ್ಯಕತೆ ಇತ್ತು, ಅವನಿಗೂ ಸಾಕಷ್ಟು ಸಾಲ ಇತ್ತು. ಹೀಗಿರುವಾಗ ಬೇರೆ ದಾರಿಯಿಲ್ಲದಿದ್ದರೆ ಬ್ಯಾಂಕ್ ದರೋಡೆಗೆ ಪ್ಲಾನ್ ಮಾಡಿದ. ಕೇವಲ ಚಾಕು ಹಿಡಿದು ಬ್ಯಾಂಕ್ ದರೋಡೆ ಮಾಡಲು ಬಂದಿದ್ದು ಕೇವಲ 15-20 ನಿಮಿಷದಲ್ಲಿ ಸಿಕ್ಕಿಬಿದ್ದಿದ್ದಾನೆ.