
ನವದೆಹಲಿ(ಜ.20): ಇನ್ಮುಂದೆ ಮದುವೆ ಸಮಾರಂಭದಲ್ಲಿ ವಧು ವರರಿಗೆ ಗಿಫ್ಟ್ ಅಥವಾ ನಗದು ಹಣ ನಿಡಬೇಕೆಂದಿಲ್ಲ. ಯಾಕೆಂದರೆ ಇನ್ನು ನೀವು ಗೂಗಲ್ ಪೇ ಅಥವಾ ಫೋನ್ ಪೇ ಮೂಲಕ ಅವರ ಖಾತೆಗೆ ನೇರವಾಗಿ ಹಣ ಜಮಾವಣೆ ಮಾಡಬಹುದು. ಇಂತಹುದೇ ಘಟನೆಯೊಂದು ಮಧುರೈನಲ್ಲಿ ನಡೆದಿದೆ. ಇಲ್ಲೊಮದು ಕುಟುಂಬ ಮದುವೆ ಆಮಂತ್ರಣ ಪತ್ರಿಕೆಯಲ್ಲಿ ಗೂಗಲ್ ಹಾಗೂ ಫೋನ್ ಪೇಯ ಕ್ಯೂ ಆರ್ ಕೋಡ್ ಆಮಂತ್ರಣ ಪತ್ರಿಕೆಯಲ್ಲಿ ಮುದ್ರಿಸಿ ಹೊಸ ಟ್ರೆಂಡ್ ಸೃಷ್ಟಿಸಿದೆ. ಕೊರೋನಾದಿಂದಾಗಿ ಈ ಕುಟುಂಬದ ಅನೇಕ ಮಂದಿಗೆ ಮದುವೆಯಲ್ಲಿ ಪಾಲ್ಗೊಳ್ಳಲು ಆಗಿರಲಿಲ್ಲ. ಹೀಗಾಗಿ ಅವರು ಗಿಫ್ಟ್ ಪಡೆಯಲು ಸುಲಭವಾದ ಹಾದಿ ಕಂಡುಕೊಂಡಿದ್ದಾರೆ.
ಈ ಮದುವೆ ಕಾರ್ಯಕ್ರಮ ಭಾನುವಾರ ನಡೆದಿದೆ. ಇನ್ನು ವಧುವಿನ ತಾಯಿ ಈ ಕುರಿತು ಮಾತನಾಡುತ್ತಾ 'ಈ ಕ್ಯೂ ಆರ್ ಕೋಡ್ಗೆ ಸಂಬಂಧಿಸಿದಂತೆ ನನಗೆ ಈವರೆಗೂ ಅನೇಕ ಮಂದಿ ಕರೆ ಮಾಡಿದ್ದಾರೆ' ಎಂದಿದ್ದಾರೆ. ಅಲ್ಲದೇ ಮದುವೆಯಲ್ಲಿ ಪಾಲ್ಗೊಳ್ಳಲು ಸಾಧ್ಯವಾಗದವರಿಗೆ ಹಾಗೂ ಪಾಲ್ಗೊಮಡರೂ ಕೊರೋನಾದಿಂದಾಗಿ ಗಿಫ್ಟ್ ಪಡೆಯುವುದು ಸೂಕ್ತವಲ್ಲದ ಹಿನ್ನೆಲೆ ಇಂತಹುದ್ದೊಂದು ಉಪಾಯ ಕಂಡುಕೊಂಡಿದ್ದೇವೆ ಎಂದೂ ತಿಳಿಸಿದ್ದಾರೆ.
ಇನ್ನು ಸುಮಾರು ಮೂವತ್ತು ಮಂದಿ ಇದನ್ನು ಉಪಯೋಗಿಸಿದ್ದು, ವಧುವಿನ ಅಕೌಂಟ್ಗೆ ಗಿಫ್ಟ್ ರೂಪದಲ್ಲಿ ಹಣ ಹಾಕಿದ್ದಾರೆ. ನಮ್ಮ ಕುಟುಂಬದಲ್ಲಿ ಇಂತಹುದ್ದೊಂದು ಪಗ್ರಯೋಗ ಮಾಡಿದ್ದು ಇದೇ ಮೊದಲು. ಇದರಿಂಣದ ಮದುವೆಯಲ್ಲಿ ಭಾಗಿಯಾಗಲು ಸಾಧ್ಯವಾಗದವರಿಗೂ ಗಿಫ್ಟ್ ಕೊಡಲು ಸಾಧ್ಯವಾಗಿದೆ ಎಂದುವುದು ವಧುವಿನ ತಾಯಿಯ ಮಾತಾಗಿದೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ