ಅಯೋಧ್ಯೆ ಗೋಶಾಲೆಗಳ ಹಸುಗಳಿಗೆ ಚಳಿ ತಡೆಯಲು ವಿಶೇಷ ಸೆಣಬಿನ ಕೋಟ್‌!

ಅಯೋಧ್ಯೆ ಗೋಶಾಲೆಗಳ ಹಸುಗಳಿಗೆ ಚಳಿ ತಡೆಯಲು ವಿಶೇಷ ಸೆಣಬಿನ ಕೋಟ್‌!| ಗೋಶಾಲೆಯಲ್ಲಿನ ಹಸುಗಳ ರಕ್ಷಣೆಗಾಗಿ 3-4 ಹಂತದಲ್ಲಿ ಈ ಯೋಜನೆ ಜಾರಿ 

ಅಯೋಧ್ಯೆ[ನ.25]: ನಗರದ ವಿವಿಧೆಡೆ ಇರುವ ಗೋಶಾಲೆಗಳ ಗೋವುಗಳನ್ನು ಮೈ ಕೊರೆಯುವ ಚಳಿಯಿಂದ ರಕ್ಷಿಸಲು ಅಯೋಧ್ಯೆ ಮಹಾನಗರ ಪಾಲಿಕೆ ಸೆಣಬಿನ ಕೋಟ್‌ಗಳ ಮೊರೆ ಹೋಗಲು ನಿರ್ಧರಿಸಿದೆ.

ಈ ಬಗ್ಗೆ ಪ್ರತಿಕ್ರಿಯಿಸಿದ ಅಯೋಧ್ಯೆ ನಗರ ನಿಗಮದ ಆಯುಕ್ತ ನೀರಜ್‌ ಶುಕ್ಲಾ, ಗೋಶಾಲೆಯಲ್ಲಿನ ಹಸುಗಳ ರಕ್ಷಣೆಗಾಗಿ 3-4 ಹಂತದಲ್ಲಿ ಈ ಯೋಜನೆ ಜಾರಿ ಮಾಡಲಾಗುತ್ತದೆ. 700 ಎತ್ತುಗಳು ಸೇರಿದಂತೆ ಒಟ್ಟಾರೆ 1200 ಹಸುಗಳಿಗೆ ರಕ್ಷಣೆ ನೀಡುತ್ತಿರುವ ಬೈಶಿಂಗಪುರದಲ್ಲಿರುವ ಗೋಶಾಲೆಗೆ ಈ ಯೋಜನೆಯಡಿ ಸೆಣಬಿನ ಕೋಟ್‌ ಪೂರೈಸಲಾಗುತ್ತದೆ ಎಂದರು.

ಅಲ್ಲದೆ, ಒಂದು ಕೋಟ್‌ಗೆ 250-300 ರು. ದರ ನಿಗದಿಯಾಗಿದ್ದು, ಹಸುಗಳು, ಕರು ಮತ್ತು ಎತ್ತುಗಳಿಗೆ ಪ್ರತ್ಯೇಕವಾದ ಕೋಟ್‌ಗಳನ್ನು ವಿನ್ಯಾಸಗೊಳಿಸಲಾಗಿದೆ ಎಂದಿದ್ದಾರೆ.