'ಇರಾನ್ ನಾಶಕ್ಕೆ ಕೇವಲ 24 ರಿಂದ 48 ಗಂಟೆ ಬಾಕಿ ಉಳಿದಿವೆ' ಇಸ್ರೇಲ್ ಶಾಕಿಂಗ್ ಹೇಳಿಕೆ!

ಇಸ್ರೇಲ್-ಇರಾನ್ ಯುದ್ಧದಲ್ಲಿ ಅಮೆರಿಕದ ಸಂಭಾವ್ಯ ಹಸ್ತಕ್ಷೇಪದ ಬಗ್ಗೆ ಚರ್ಚೆಗಳು ನಡೆಯುತ್ತಿವೆ. ರಷ್ಯಾ ಮತ್ತು ಚೀನಾ ಇಸ್ರೇಲ್ ಮೇಲಿನ ದಾಳಿಗೆ ಖಂಡನೆ ವ್ಯಕ್ತಪಡಿಸಿವೆ. ಯುದ್ಧವನ್ನು ಕೊನೆಗೊಳಿಸಲು ರಾಜಕೀಯ ಮತ್ತು ರಾಜತಾಂತ್ರಿಕ ಪ್ರಯತ್ನಗಳನ್ನು ತೀವ್ರಗೊಳಿಸಲು ಕರೆ ನೀಡಲಾಗಿದೆ.

ಇರಾನ್ ಇಸ್ರೇಲ್ ಯುದ್ಧ: ಇಸ್ರೇಲ್ ಮತ್ತು ಇರಾನ್ ನಡುವಿನ ಯುದ್ಧದಲ್ಲಿ ಜಗತ್ತು ಎರಡು ಬಣಗಳಾಗಿ ವಿಂಗಡಿಸಲ್ಪಟ್ಟಂತೆ ತೋರುತ್ತಿದೆ. ಅಮೆರಿಕ ಶೀಘ್ರದಲ್ಲೇ ಇರಾನ್ ಜೊತೆ ಯುದ್ಧಕ್ಕೆ ಸೇರಲಿದೆ ಎಂದು ಇಸ್ರೇಲ್ ಹೇಳುತ್ತಿದೆ. ಅದೇ ಸಮಯದಲ್ಲಿ, ಈ ಯುದ್ಧದಲ್ಲಿ ಮಿಲಿಟರಿ ಹಸ್ತಕ್ಷೇಪದ ವಿರುದ್ಧ ರಷ್ಯಾ ಅಮೆರಿಕಕ್ಕೆ ಎಚ್ಚರಿಕೆ ನೀಡಿದೆ. ಇರಾನ್‌ನ ಪರಮಾಣು ಕಾರ್ಯಕ್ರಮದ ವಿರುದ್ಧದ ಯುದ್ಧಕ್ಕೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಶೀಘ್ರದಲ್ಲೇ ಸೇರಲಿದ್ದಾರೆ ಎಂದು ಇಸ್ರೇಲ್ ಹೇಳಿದೆ.

ಮುಂದಿನ 24-48 ಗಂಟೆಗಳಲ್ಲಿ ಅಮೆರಿಕ ನಿರ್ಧಾರ - ಟ್ರಂಪ್

ಟೈಮ್ಸ್ ಆಫ್ ಇಸ್ರೇಲ್ ವರದಿಯ ಪ್ರಕಾರ, ಇರಾನ್ ಮೇಲಿನ ದಾಳಿಗೆ ಸೇರುವ ಬಗ್ಗೆ ಅಮೆರಿಕದ ನಿಲುವು ಮುಂದಿನ 24-48 ಗಂಟೆಗಳಲ್ಲಿ ತಿಳಿಯಲಿದೆ ಎಂದು ಇಸ್ರೇಲಿ ಅಧಿಕಾರಿಯೊಬ್ಬರು ಹೇಳುವಂತೆ ಈ ಯುದ್ಧಕ್ಕೆ ಅಮೆರಿಕ ಸೇರುವ ನಿರೀಕ್ಷೆಯಿದೆ, ಆದರೆ ಯಾರೂ ಅವರ ಮೇಲೆ ಒತ್ತಡ ಹೇರುತ್ತಿಲ್ಲ. ಅವರೇ ತಮ್ಮದೇ ಆದ ನಿರ್ಧಾರ ತೆಗೆದುಕೊಳ್ಳಬೇಕಾಗುತ್ತದೆ ಎಂದು ಹೇಳಿದ್ದಾರೆ.

ಇಸ್ರೇಲ್ ರಕ್ಷಣಾ ಸಚಿವರು ಕೂಡ, 'ಖಮೇನಿ ಒಬ್ಬ ಹಿಟ್ಲರ್' ಎಂದು ಕರೆದಿದ್ದು, ಖಮೇನಿಯಂತಹ ಸರ್ವಾಧಿಕಾರಿಗೆ ಬದುಕುವ ಹಕ್ಕಿಲ್ಲ. ಅವನು ಯಾವಾಗಲೂ ತನ್ನ ಏಜೆಂಟರ ಮೂಲಕ ಇಸ್ರೇಲ್ ಅನ್ನು ನಾಶಮಾಡಲು ಬಯಸುತ್ತಾನೆ ಹೇಳಿದ್ದಾರೆ. ಈ ಬಗ್ಗೆ ಇಸ್ರೇಲಿ ಅಧಿಕಾರಿಯೊಬ್ಬರು ಸಹ 'ಕಾಟ್ಜ್ ಯಾವಾಗಲೂ ನೆತನ್ಯಾಹು ಹೇಳುವುದನ್ನು ಆಧರಿಸಿ ಹೇಳಿಕೆಗಳನ್ನು ನೀಡುತ್ತಾನೆ. ಅವರು ಇದನ್ನೆಲ್ಲಾ ಸ್ವಂತವಾಗಿ ಹೇಳುತ್ತಿಲ್ಲ ಎಂದಿದ್ದಾರೆ.

ಟ್ರಂಪ್ ಹೇಳಿಕೆ, ಇಸ್ರೇಲ್ ಮೇಲೆ ಮುಗಿಬಿದ್ದ ರಷ್ಯಾ ಮತ್ತು ಚೀನಾ!

ಯಾವುದೇ ಷರತ್ತುಗಳಿಲ್ಲದೆ ಶರಣಾಗುವಂತೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಇರಾನ್‌ಗೆ ಸೂಚಿಸುವ ಮೂಲಕ ಅಮೆರಿಕ ಇರಾನ್ ಮೇಲೆ ದಾಳಿ ಮಾಡಬಹುದು ಎಂಬ ಸುಳಿವು ಸಹ ನೀಡಿದರು. ಟ್ರಂಪ್ ಹೇಳಿಕೆಯ ನಂತರ, ರಷ್ಯಾ ಮತ್ತು ಚೀನಾ ಇರಾನ್ ಮೇಲಿನ ದಾಳಿಗೆ ಇಸ್ರೇಲ್ ಅನ್ನು ಖಂಡಿಸಿದವು. ಮಧ್ಯಪ್ರಾಚ್ಯದಲ್ಲಿನ ಸಂಘರ್ಷವನ್ನು ಪರಿಹರಿಸಲು, ಮೊದಲು ಕದನ ವಿರಾಮ ಇರುವುದು ಅತ್ಯಂತ ಮುಖ್ಯ ಎಂದು ಚೀನಾ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್ ಸ್ಪಷ್ಟವಾಗಿ ಹೇಳಿದರು. ಬಲಪ್ರಯೋಗದಿಂದ ಅಂತರರಾಷ್ಟ್ರೀಯ ವಿವಾದಗಳನ್ನು ಪರಿಹರಿಸಲು ಸಾಧ್ಯವಿಲ್ಲ ಎಂದಿದ್ದರು.

ಈ ಯುದ್ಧದಿಂದ ದೂರವಿರಿ: ರಷ್ಯಾ ಅಮೆರಿಕಕ್ಕೆ ಎಚ್ಚರಿಕೆ

ಅಮೆರಿಕ ಈ ಯುದ್ಧಕ್ಕೆ ಧುಮುಕಿದರೆ ಅದು ಗಂಭೀರ ಪರಿಣಾಮಗಳನ್ನು ಬೀರಬಹುದು ಎಂದು ರಷ್ಯಾ ಹೇಳಿದೆ. ರಷ್ಯಾ ಮತ್ತು ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ಬುಧವಾರ (ಜೂನ್ 18, 2025) ಇಸ್ರೇಲ್-ಇರಾನ್ ಯುದ್ಧವನ್ನು ತಕ್ಷಣವೇ ಕೊನೆಗೊಳಿಸಲು ಮತ್ತು ಟೆಹ್ರಾನ್‌ನ ಪರಮಾಣು ಸಮಸ್ಯೆಯನ್ನು ಪರಿಹರಿಸಲು ರಾಜಕೀಯ ಮತ್ತು ರಾಜತಾಂತ್ರಿಕ ಪ್ರಯತ್ನಗಳನ್ನು ತೀವ್ರಗೊಳಿಸಲು ಕರೆ ನೀಡಿವೆ. ಅಧ್ಯಕ್ಷ ಪುಟಿನ್ ತಮ್ಮ ಯುಎಇ ಪ್ರತಿರೂಪ ಮೊಹಮ್ಮದ್ ಬಿನ್ ಜಾಯೆದ್ ಅಲ್ ನಹ್ಯಾನ್ ಅವರೊಂದಿಗೆ ದೂರವಾಣಿ ಸಂಭಾಷಣೆಯ ಸಂದರ್ಭದಲ್ಲಿ ಈ ವಿಷಯದ ಬಗ್ಗೆ ಚರ್ಚಿಸಿದ್ದಾರೆ.