JNU ಹುಡುಗಿಯರನ್ನು ಹೊಡೆದಿದ್ದು ಪಿಂಕಿ: ಹೊಣೆ ಹೊತ್ತ ಹಿಂದೂ ರಕ್ಷಾ ಸಂಘಟನೆ!

JNU ಮೇಲೆ ದಾಳಿ ಮಾಡಿದ್ದು ನಾನೇ ಎಂದ ಪಿಂಕಿ ಚೌಧರಿ| ವಿದ್ಯಾರ್ಥಿನಿಯರ ಮೇಲಿನ ದಾಳಿಯ ಹೊಣೆ ಹೊತ್ತ ಹಿಂದೂ ರಕ್ಷಾ ದಳ| ನನ್ನ ನೇತೃತ್ವದಲ್ಲೇ ದಾಳಿ ನಡೆದಿದೆ ಎಂದ ಪಿಂಕಿ ಚೌಧರಿ| 'ದೇಶ ವಿರೋಧಿ ಚಟುವಟಿಕೆ ಹಾಗೂ ಧರ್ಮ ವಿರೋಧಿ ಚಟುವಟಿಕೆಗೆ ಇದೇ ಶಿಕ್ಷೆ'| ಪಿಂಕಿ ಚೌಧರಿ ಹೇಳಿಕೆಯನ್ನು ತನಿಖೆ ಮಾಡುವುದಾಗಿ ಹೇಳಿದ ದೆಹಲಿ ಪೊಲೀಸರು|

ನವದೆಹಲಿ(ಜ.07): JNU ವಿದ್ಯಾರ್ಥಿನಿಯರು ಹಾಗೂ ಶಿಕ್ಷಕರ ಮೇಲೆ ನಡೆದ ಭೀಕರ ದಾಳಿಯ ಹೊಣೆಯನ್ನು ಹಿಂದೂ ರಕ್ಷಾ ದಳ ಎಂಬ ಸಂಘಟನೆ ಹೊತ್ತುಕೊಂಡಿದೆ.

ಹಿಂದೂ ರಕ್ಷಾ ದಳ ಸಂಘಟನೆಯ ಸದಸ್ಯೆ ಪಿಂಕಿ ಚೌಧರಿ ಎಂಬಾಕೆ ತನ್ನ ನೇತೃತ್ವದಲ್ಲೇ ದಾಳಿ ನಡೆದಿದೆ ಎಂದು ಘೋಷಿಸಿದ್ದಾಳೆ.

ದೇಶ ವಿರೋಧಿ ಚಟುವಟಿಕೆ ಹಾಗೂ ಧರ್ಮ ವಿರೋಧಿ ಚಟುವಟಿಕೆ ನಡೆಸುತ್ತಿದ್ದ ವಿದ್ಯಾರ್ಥಿನಿಯರು ಹಾಗೂ ಶಿಕ್ಷಕರನ್ನು ದಂಡಿಸಲು ದಾಳಿ ನಡೆಸಿದ್ದಾಗಿ ಪಿಂಕಿ ಚೌಧರಿ ಹೇಳಿದ್ದಾಳೆ.

ತನ್ನ ನೇತೃತ್ವದಲ್ಲಿ JNU ಕ್ಯಾಂಪಸ್'ಗೆ ನುಗ್ಗಿದ 50ಕ್ಕೂ ಹೆಚ್ಚು ಮುಸುಕುಧಾರಿಗಳು ವಿದ್ಯಾರ್ಥಿನಿಯರ ಮೇಲೆ ದಾಳಿ ಮಾಡಿದ್ದಾರೆ ಎಂದು ಪಿಂಕಿ ಚೌಧರಿ ಸ್ಫೋಟಕ ಹೇಳಿಕೆ ನೀಡಿದ್ದಾಳೆ.

ಇನ್ನು ಈ ಕುರಿತು ಪ್ರತಿಕ್ರಿಯೆ ನೀಡಿರುವ ದೆಹಲಿ ಪೊಲೀಸರು, ಪಿಂಕಿ ಚೌಧರಿ ನೀಡಿರುವ ಹೇಳಿಕೆಯನ್ವಯ ತನಿಖೆ ನಡೆಸುತ್ತಿರುವುದಾಗಿ ಸ್ಪಷ್ಟಪಡಿಸಿದ್ದಾರೆ.

ಕಳೆದ ಜ.05ರಂದು ಏಕಾಏಕಿ JNU ಕ್ಯಾಂಪಸ್'ನಲ್ಲಿರುವ ವಿದ್ಯಾರ್ಥಿನಿಯರ ಹಾಸ್ಟೆಲ್'ಗೆ ನುಗ್ಗಿದ್ದ 50ಕ್ಕೂ ಹೆಚ್ಚು ಮುಸುಕುಧಾರಿಗಳು, ವಿದ್ಯಾರ್ಥಿನಿರು ಹಾಗೂ ಶಿಕ್ಷಕರ ಮೇಲೆ ದೈಹಿಕ ಹಲ್ಲೆ ನಡೆಸಿದ್ದನ್ನು ಇಲ್ಲಿ ಸ್ಮರಿಸಬಹುದು.