ಜನರೇಷನ್ ಬೀಟಾ: ಹೊಸವರ್ಷ 2025 ರಿಂದ 2039ರವರೆಗೆ ಹುಟ್ಟಲಿರುವ ಮಕ್ಕಳು ತುಂಬಾ ವಿಭಿನ್ನ ಯಾಕೆ?

2025-2039ರ ನಡುವೆ ಹುಟ್ಟುವ ಮಕ್ಕಳು 'ಜನರೇಷನ್ ಬೀಟಾ'. ತಂತ್ರಜ್ಞಾನ, ಕೃತಕ ಬುದ್ಧಿಮತ್ತೆ ಅವಲಂಬಿತ ಈ ಪೀಳಿಗೆ, ಜನಸಂಖ್ಯೆಯ 16% ರಷ್ಟಿರುತ್ತದೆ. ಹವಾಮಾನ ಬದಲಾವಣೆ, ನಗರೀಕರಣ ಸಮಸ್ಯೆ ಎದುರಿಸುತ್ತ, ದೀರ್ಘಾಯುಷಿಗಳಾಗಿ, ಆರ್ಥಿಕ, ಸಾಮಾಜಿಕ ಬದಲಾವಣೆ ತರುವರು.

2025 ರ ಜನವರಿ 1 ರಿಂದ 2039 ರ ನಡುವೆ ಹುಟ್ಟುವ ಮಕ್ಕಳನ್ನು ಜನರೇಷನ್ ಬೀಟಾ ಎಂದು ಕರೆಯಲಾಗುತ್ತದೆ. 2025 ರ ವೇಳೆಗೆ ಈ ಪೀಳಿಗೆಯು ವಿಶ್ವದ ಜನಸಂಖ್ಯೆಯ 1೬ ಶೇಕಡಾವನ್ನು ಹೊಂದಿರುತ್ತದೆ. 2010 ರಿಂದ 2024 ರ ನಡುವೆ ಜನಿಸಿದ ಮಕ್ಕಳನ್ನು 'ಜನರೇಷನ್ ಆಲ್ಫಾ' ಎಂದು ಕರೆಯಲಾಗುತ್ತದೆ. ಈಗ ಹೊಸ ಪೀಳಿಗೆಯ ಮಕ್ಕಳನ್ನು ಜನರೇಷನ್ ಬೀಟಾ ಎಂದು ಕರೆಯಲಾಗುತ್ತಿದೆ. ಈ ಪೀಳಿಗೆಯು ತಂತ್ರಜ್ಞಾನದ ಮೇಲೆ ಅವಲಂಬಿತವಾಗಿರುತ್ತದೆ. ಕೃತಕ ಬುದ್ಧಿಮತ್ತೆಯ ಮೇಲೆ ಹೆಚ್ಚು ಅವಲಂಬಿತವಾಗಿರುತ್ತದೆ. ಭೂಮಿಯ ಮೇಲೆ ಬದುಕುಳಿಯಲು ಹೋರಾಟ ಹೆಚ್ಚಾಗುತ್ತದೆ. ಅದಕ್ಕೂ ಈ ಹೊಸ ಪೀಳಿಗೆ ಸಾಕ್ಷಿಯಾಗಲಿದೆ. ವಿಶ್ವದ ಜನಸಂಖ್ಯೆಯಲ್ಲಿ ಬದಲಾವಣೆಗಳಾಗಲಿದ್ದು, ಅದರಲ್ಲಿ ಈ ಮಕ್ಕಳ ಪಾತ್ರ ದೊಡ್ಡದಾಗಿರುತ್ತದೆ.

ಜನರೇಷನ್ ಬೀಟಾ ಏಕೆ ವಿಭಿನ್ನ?: ದೀರ್ಘಕಾಲದಿಂದ ಸಮಾಜದ ಬಗ್ಗೆ ಸಂಶೋಧನೆ ನಡೆಸುತ್ತಿರುವ ಮಾರ್ಕ್ ಮೆಕ್ರಿಂಡಲ್ 'ಜನರೇಷನ್ ಆಲ್ಫಾ' ಪದದ ಪ್ರತಿಪಾದಕರು. ಈಗ ಜನರೇಷನ್ ಬೀಟಾ ಬಗ್ಗೆ ಮಾರ್ಕ್ ಹೇಳುವಂತೆ, ಕಳೆದ 14 ವರ್ಷಗಳಲ್ಲಿ ಜನಿಸಿದ ಮಕ್ಕಳಿಗಿಂತ ಈ ಹೊಸ ಪೀಳಿಗೆ ವಿಭಿನ್ನವಾಗಿರುತ್ತದೆ. ಅವರು ಹಲವಾರು ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ತಂತ್ರಜ್ಞಾನದ ಸಹಾಯವನ್ನೂ ಪಡೆಯುತ್ತಾರೆ. ಈ ಪೀಳಿಗೆಯ ಮಕ್ಕಳು ಹೆಚ್ಚು ಕಾಲ ಬದುಕುತ್ತಾರೆ. ಇಲ್ಲಿಯವರೆಗೆ ಬಂದ ಎಲ್ಲಾ ಪೀಳಿಗೆಗಳಿಗಿಂತ ಜನರೇಷನ್ ಬೀಟಾದ ಸರಾಸರಿ ಆಯಸ್ಸು ಹೆಚ್ಚಾಗಿರುತ್ತದೆ. 2025 ರಿಂದ 2039 ರ ನಡುವೆ ಜನಿಸುವ ಮಕ್ಕಳಲ್ಲಿ ಹಲವರು 2100 ರವರೆಗೆ ಆರೋಗ್ಯವಾಗಿ ಬದುಕುತ್ತಾರೆ. ಮುಂದಿನ ದಿನಗಳಲ್ಲಿ ವೈದ್ಯಕೀಯ ವ್ಯವಸ್ಥೆಯಲ್ಲಿ ಸುಧಾರಣೆಯಾಗಲಿದೆ. ತಂತ್ರಜ್ಞಾನದಲ್ಲೂ ಅಭಿವೃದ್ಧಿಯಾಗಲಿದೆ. ಇದರಿಂದಾಗಿ ಜನರೇಷನ್ ಬೀಟಾದ ಮಕ್ಕಳು ಹಿಂದಿನ ಎಲ್ಲಾ ಪೀಳಿಗೆಗಳಿಗಿಂತ ಹೆಚ್ಚು ಕಾಲ ಬದುಕುತ್ತಾರೆ.

ಜಗತ್ತಿನಲ್ಲಿ ದೊಡ್ಡ ಬದಲಾವಣೆ ಬರುತ್ತಿದೆಯೇ?: ಜನರೇಷನ್ ಬೀಟಾದ ಮಕ್ಕಳು 'ಜನರೇಷನ್ ವೈ' ನ ಕಿರಿಯ ವ್ಯಕ್ತಿಗಳು ಮತ್ತು 'ಜನರೇಷನ್ ಝಡ್' ನ ಹಿರಿಯ ವ್ಯಕ್ತಿಗಳ ಮಕ್ಕಳು. ಈ ಹೊಸ ಪೀಳಿಗೆಯು ಮುಂದಿನ ದಿನಗಳಲ್ಲಿ ವಿಶ್ವದಾದ್ಯಂತ ಆರ್ಥಿಕತೆ, ಸಂಸ್ಕೃತಿ ಮತ್ತು ಸಾಮಾಜಿಕ ವ್ಯವಸ್ಥೆಯಲ್ಲಿ ದೊಡ್ಡ ಬದಲಾವಣೆಗಳನ್ನು ತರಲಿದೆ. ಸಾಮಾಜಿಕ ಬದಲಾವಣೆ, ಹವಾಮಾನ ಬದಲಾವಣೆ, ವಿಶ್ವ ಜನಸಂಖ್ಯೆಯ ಬದಲಾವಣೆ, ವೇಗವಾಗಿ ನಗರೀಕರಣದಂತಹ ಸಮಸ್ಯೆಗಳನ್ನು ಜನರೇಷನ್ ಬೀಟಾ ಎದುರಿಸಬೇಕಾಗುತ್ತದೆ.