ಪಂಜಾಬ್‌ ನ್ಯಾಷನಲ್‌ ಬ್ಯಾಂಕ್‌ಗೆ 13 ಸಾವಿರ ಕೋಟಿ ರು. ವಂಚಿಸಿ ಪರಾರಿಯಾಗಿರುವ ಉದ್ಯಮಿಗಳು| ಪಂಜಾಬ್‌ ನ್ಯಾಷನಲ್‌ ಬ್ಯಾಂಕ್‌ಗೆ 13 ಸಾವಿರ ಕೋಟಿ ರು. ವಂಚಿಸಿ ಪರಾರಿಯಾಗಿರುವ ಉದ್ಯಮಿಗಳಾದ
ನವದೆಹಲಿ(ಅ.03): ಪಂಜಾಬ್‌ ನ್ಯಾಷನಲ್‌ ಬ್ಯಾಂಕ್‌ಗೆ 13 ಸಾವಿರ ಕೋಟಿ ರು. ವಂಚಿಸಿ ಪರಾರಿಯಾಗಿರುವ ಉದ್ಯಮಿಗಳಾದ ನೀರವ್‌ ಮೋದಿ-ಮೆಹುಲ್‌ ಚೋಕ್ಸಿಗೆ ಸಹಕಾರ ನೀಡಿದ ಆರೋಪ ಹೊತ್ತಿರುವ ಅದೇ ಬ್ಯಾಂಕ್‌ನ ನಿವೃತ್ತ ಉಪ ವ್ಯವಸ್ಥಾಪಕ, ಕರ್ನಾಟಕದ ದಕ್ಷಿಣ ಕನ್ನಡ ಜಿಲ್ಲೆ ಮೂಲದ ಗೋಕುಲನಾಥ್‌ ಶೆಟ್ಟಿಹಾಗೂ ಅವರ ಪತ್ನಿ ವಿರುದ್ಧ ಸಿಬಿಐ .2.63 ಕೋಟಿ ಅಕ್ರಮ ಆಸ್ತಿ ಸಂಪಾದನೆ ಕುರಿತು ಆರೋಪಪಟ್ಟಿದಾಖಲಿಸಿದೆ.
ಶೆಟ್ಟಿಹಾಗೂ ಅವರ ಪತ್ನಿ, ಇಂಡಿಯನ್‌ ಬ್ಯಾಂಕ್‌ ಗುಮಾಸ್ತೆ ಆಶಾಲತಾ ಶೆಟ್ಟಿಅವರು 2011ರಿಂದ 2017ರ ನಡುವೆ 4.28 ಕೋಟಿ ರು. ಮೌಲ್ಯದ ಆಸ್ತಿ ಸಂಪಾದನೆ ಮಾಡಿದ್ದಾರೆ. ಈ ಪೈಕಿ 2.63 ಕೋಟಿ ರು.ಗಳ ಆಸ್ತಿ ಬಗ್ಗೆ ಅವರು ಸಮರ್ಪಕ ಉತ್ತರ ನೀಡಿಲ್ಲ. ಇದು ಅವರ ಆದಾಯಕ್ಕಿಂತ 2.38 ಪಟ್ಟು ಹೆಚ್ಚು ಗಳಿಕೆ. ಅವರು ನಿಯತ್ತಾಗಿ ಈ 6 ವರ್ಷದ ಅವಧಿಯಲ್ಲಿ ಗಳಿಸಿದ ಆದಾಯ 72.52 ಲಕ್ಷ ರು. ಮಾತ್ರ ಎಂದು ಕೋರ್ಟ್‌ಗೆ ಸಲ್ಲಿಸಿದ ಚಾಜ್‌ರ್‍ಶೀಟ್‌ನಲ್ಲಿ ಸಿಬಿಐ ಹೇಳಿದೆ.
ನೀರವ್‌ ಮೋದಿ-ಮೆಹುಲ್‌ ಚೋಕ್ಸಿ ಪ್ರಕರಣದ ತನಿಖೆ ವೇಳೆ ಶೆಟ್ಟಿಜತೆ ಅವರು ಹೊಂದಿದ್ದ ಸಂಬಂಧ, ಸಾಲದ ವಹಿವಾಟಿನ ಬಗ್ಗೆ ಸಿಬಿಐ ಗಹನ ಅವಲೋಕನ ನಡೆಸಿತ್ತು. ಆಗ ಶೆಟ್ಟಿಅವರು ಗಳಿಸಿದ್ದ ಅಕ್ರಮ ಆಸ್ತಿ ಬಯಲಿಗೆ ಬಂತು. ಅಕ್ರಮವಾಗಿ ಮುಂಬೈನಲ್ಲಿ ಹಲವಾರು ಕಡೆ ಫ್ಲ್ಯಾಟ್‌ಗಳನ್ನು ಅವರು ಖರೀದಿಸಿದ್ದಾರೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.
ಗೋಕುಲನಾಥ ಶೆಟ್ಟಿಮೂಲ್ಕಿಯವರಾಗಿದ್ದು, ಅಲ್ಲಿನ ವಿಜಯಾ ಕಾಲೇಜಿನಲ್ಲಿ ಅಧ್ಯಯನ ನಡೆಸಿದ್ದರು. ನಂತರ ಉನ್ನತ ವಿದ್ಯಾಭ್ಯಾಸಕ್ಕೆ ಮುಂಬೈಗೆ ತೆರಳಿ, ಪಂಜಾಬ್‌ ನ್ಯಾಷನಲ್‌ ಬ್ಯಾಂಕ್‌ನಲ್ಲಿ ನಿವೃತ್ತಿಯವರೆಗೆ ಕಾರ್ಯನಿರ್ವಹಿಸಿದ್ದರು.