ಎಲ್‌​ಜೆಪಿ ಇಬ್ಭಾ​ಗಕ್ಕೆ ಜೆಡಿಯು ಕುತಂತ್ರ​ವೇ ಕಾರ​ಣ: ಚಿರಾಗ್‌!

* ಜೆಡಿಯು ವಿರುದ್ಧ ಚಿರಾಗ್ ಗಂಭೀರ ಆರೋಪ * ಪಾರ​ಸ್‌ಗೆ ಎಲ್‌​ಜೆಪಿ ಸಂಸ​ದೀಯ ನಾಯಕ ಬೇಡ * ಲೋಕ​ಸಭೆ ಸ್ಪೀಕ​ರ್‌ಗೆ ಚಿರಾಗ್‌ ಪಾಸ್ವಾನ್‌ ನಿವೇ​ದ​ನೆ

ನವ​ದೆ​ಹ​ಲಿ(ಜೂ.17): ಬಿಹಾ​ರದ ಲೋಕ​ಜನ ಶಕ್ತಿ ಪಕ್ಷದಲ್ಲಿ ಉಂಟಾ​ಗಿ​ರುವ ಆಂತ​ರಿಕ ಕಲ​ಹವು ಇದೀಗ ಲೋಕ​ಸಭೆ ಸ್ಪೀಕರ್‌ ಓಂ ಬಿರ್ಲಾ ಅಂಗ​ಳ​ವನ್ನು ತಲು​ಪಿದೆ. ತಮ್ಮ ಚಿಕ್ಕಪ್ಪ ಪಶು​ಪತಿ ಕುಮಾರ್‌ ಪಾರಸ್‌ ಅವ​ರನ್ನು ಲೋಕ​ಸ​ಭೆ​ಯಲ್ಲಿ ಎಲ್‌​ಜೆಪಿ ನಾಯ​ಕ​ರ​ನ್ನಾಗಿ ನೇಮಕ ಮಾಡುವ ನಿರ್ಧಾ​ರ​ವನ್ನು ಕೈಬಿ​ಡು​ವಂತೆ ಸ್ಪೀಕರ್‌ ಬಿರ್ಲಾ ಅವ​ರಿಗೆ ಚಿರಾಗ್‌ ಪಾಸ್ವಾನ್‌ ಪತ್ರ ಬರೆ​ದಿ​ದ್ದಾರೆ.

ನನ್ನ ವಿರು​ದ್ಧದ ಪಿತೂ​ರಿಗೆ ಕೈಜೋ​ಡಿ​ಸಿದ ನಮ್ಮ ಪಕ್ಷದ ಐವರು ಸಂಸ​ದ​ರನ್ನು ಪಕ್ಷ​ದಿಂದ ಉಚ್ಚಾಟಿ​ಸಿದ್ದೇನೆ. ಹೀಗಾಗಿ ಸ್ಪೀಕರ್‌ ಬಿರ್ಲಾ ಅವರು ಪಾರಸ್‌ ಕುರಿ​ತಾದ ತಮ್ಮ ನಿರ್ಣ​ಯ​ವನ್ನು ಪರಿ​ಶೀ​ಲಿ​ಸ​ಬೇಕು ಎಂದು ತಮ್ಮ ಪತ್ರ​ದಲ್ಲಿ ತಿಳಿ​ಸಿ​ದ್ದಾರೆ.

ಜೊತೆಗೆ ಪಕ್ಷ ಇಬ್ಭಾ​ಗ​ವಾದ ಬಳಿಕ ಬುಧ​ವಾರ ಪತ್ರ​ಕ​ರ್ತರನ್ನುದ್ದೇ​ಶಿಸಿ ಮಾತ​ನಾ​ಡಿದ ಚಿರಾ​ಗ್‌, ತಮ್ಮ ಪಕ್ಷ​ವನ್ನು ಹೋಳು ಮಾಡುವ ಹಿಂದೆ ಬಿಹಾರ ಮುಖ್ಯ​ಮಂತ್ರಿ ನಿತೀಶ್‌ ಕುಮಾರ್‌ ನೇತೃ​ತ್ವ​ದ ಜೆಡಿಯು ಪಕ್ಷದ ಕುತಂತ್ರ ಅಡ​ಗಿದೆ. ಆದರೆ ಸಿಂಹದ ಮರಿ​ಯಾದ ನಾನು ಇದ​ಕ್ಕೆಲ್ಲಾ ಬಗ್ಗು​ವು​ದಿಲ್ಲ ಎಂದು ಗುಡು​ಗಿ​ದರು.

‘ಈ ಹಿಂದೆ ನನ್ನ ತಂದೆ ಜೀವಂತ​ವಿ​ರು​ವಾ​ಗಲೂ ಪಕ್ಷ​ವನ್ನು ಒಡೆ​ಯಲು ಜೆಡಿಯು ಯತ್ನಿ​ಸಿತ್ತು. ಸದಾಕಾಲ ದಲಿ​ತರ ಇಬ್ಭಾ​ಗ ಮತ್ತು ತುಳಿ​ತ​ಕ್ಕೊ​ಳ​ಗಾದ ನಾಯ​ಕ​ರನ್ನು ಬಗ್ಗು​ಬಡಿಯು​ವುದೇ ಜೆಡಿಯು ಕಾಯ​ಕ​ವಾ​ಗಿದೆ’ ಎಂದು ನಿತೀಶ್‌ ವಿರುದ್ಧ ಕಿಡಿ​ಕಾ​ರಿ​ದರು.