ಕೋವಿಶೀಲ್ಡ್‌ ಲಸಿಕೆ ಅಂತರ 6-8 ವಾರಕ್ಕೆ ಬದಲಿಸಲು ಸೂಚನೆ| ಪರಿಣಾಮಕಾರಿ ಕುರಿತಾಗಿ ವೈಜ್ಞಾನಿಕ ವರದಿ ಆಧರಿಸಿ ಈ ಕ್ರಮ| ಈವರೆಗೆ 4-6 ವಾರದ ಅಂತರ ಇರುತ್ತಿತ್ತು
ನವದೆಹಲಿ(ಮಾ.23): ಇನ್ನು ಮುಂದಿನ ದಿನಗಳಲ್ಲಿ ಕೋವಿಶೀಲ್ಡ್‌ ಲಸಿಕೆಯ ಮೊದಲ ಡೋಸ್‌ ಪಡೆದವರಿಗೆ 4ರಿಂದ 6 ವಾರಗಳ ಅಂತರದ ಬದಲಿಗೆ 6ರಿಂದ 8 ವಾರಗಳ ಅಂತರದಲ್ಲಿ 2ನೇ ಡೋಸ್‌ ನೀಡಲಾಗುತ್ತದೆ. ಈ ಸಂಬಂಧ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ ಕೇಂದ್ರ ಸರ್ಕಾರ ಪತ್ರ ಮುಖೇನ ಸೂಚನೆ ನೀಡಿದೆ.
undefined
ಕೋವಿಶೀಲ್ಡ್‌ ಲಸಿಕೆಯ ಮೊದಲ ಡೋಸ್‌ ಪಡೆದ ಫಲಾನುಭವಿಗಳಿಗೆ 6ರಿಂದ 8 ವಾರಗಳ ಅಂತರದಲ್ಲಿ 2ನೇ ಡೋಸ್‌ ನೀಡಬೇಕು. ಇದರಿಂದ ಲಸಿಕೆಯ ಪರಿಣಾಮ ಮತ್ತಷ್ಟುಹೆಚ್ಚಲಿದೆ ಎಂಬುದು ವೈಜ್ಞಾನಿಕ ಅಧ್ಯಯನದಿಂದ ದೃಢಪಟ್ಟಿದೆ. ಈ ಹಿನ್ನೆಲೆಯಲ್ಲಿ ಕೊರೋನಾ ಲಸಿಕೆ ಕುರಿತಾದ ರಾಷ್ಟ್ರೀಯ ತಜ್ಞರ ಗುಂಪಿನ 20ನೇ ಸಭೆಯಲ್ಲಿ 2ನೇ ಡೋಸ್‌ ಲಸಿಕೆಯ ಅವಧಿಯನ್ನು ಪರಿಷ್ಕರಿಸಲಾಗಿದೆ. ಆದರೆ ಇದು ದೇಶೀಯ ಕೋವ್ಯಾಕ್ಸಿನ್‌ ಲಸಿಕೆಗೆ ಅನ್ವಯಿಸುವುದಿಲ್ಲ ಎಂದು ಕೇಂದ್ರ ಸರ್ಕಾರ ಹೇಳಿದೆ.
ಪ್ರಸ್ತುತ ದೇಶಾದ್ಯಂತ 60 ವರ್ಷ ಮೇಲ್ಪಟ್ಟಮತ್ತು ಕಾಯಿಲೆಪೀಡಿತ 45 ವರ್ಷ ಮೇಲ್ಪಟ್ಟವರಿಗೆ ದೇಶೀಯ ಕೋವ್ಯಾಕ್ಸಿನ್‌ ಮತ್ತು ಬ್ರಿಟನ್‌ನ ಕೋವಿಶೀಲ್ಡ್‌ ಲಸಿಕೆಯನ್ನು ನೀಡಲಾಗುತ್ತಿದೆ.