ಫ್ಯಾಮಿಲಿ ಎಮರ್ಜೆನ್ಸಿ ಎಂದು ರಜೆ ಹಾಕಿ ಐಪಿಎಲ್ ಮ್ಯಾಚ್‌ಗೆ ಹೋದ ಮಹಿಳೆ; ಲೈವ್ ಟಿವಿಯಲ್ಲಿ ಬಾಸ್ ಕಣ್ಣಿಗೆ ಬಿದ್ಲು!

ಈ ಯುವತಿ ನೋಡಿ, ಫ್ಯಾಮಿಲಿ ಎಮರ್ಜೆನ್ಸಿ ಎಂದು ಕಚೇರಿಲಿ ಹೇಳಿ, ಬೇಗ ಲಾಗ್ ಆಫ್ ಆಗಿ ಕ್ರಿಕೆಟ್ ಮ್ಯಾಚ್ ನೋಡೋಕೆ ಹೋಗಿದಾಳೆ. ಆದ್ರೆ ಲೈವ್ ಟಿವಿಲಿ ಅವ್ಳನ್ನ ನೋಡಿದ ಬಾಸ್ ಮಾಡಿದ್ದೇನು ಗೊತ್ತಾ?

ಕುಟುಂಬದಲ್ಲಿ ಯಾರಿಗೋ ಹುಷಾರಿಲ್ಲ, ನಮಗೇ ಹುಷಾರಿಲ್ಲ ಹೀಗೆ ಏನೋ ನೆಪ ಹೇಳಿ ಆಗಾಗ ರಜೆ ಹಾಕೋದನ್ನ ಎಲ್ಲರೂ ಮಾಡಿರ್ತೀವಿ. ಅದೇ ರೀತಿ ಬೆಂಗಳೂರಿನ ಈ ಯುವತಿ ಕೂಡಾ 'ಫ್ಯಾಮಿಲಿ ಎಮರ್ಜೆನ್ಸಿ ' ಎಂದು ಆಫೀಸಿಂದ ಬೇಗ ಲಾಗಾಫ್ ಆಗಿ ಕುಟುಂಬದ ಜೊತೆ ಐಪಿಎಲ್ ಮ್ಯಾಚ್ ನೋಡೋಕೆ ಹೋಗಿದಾಳೆ. ಆದ್ರೆ ಲೈವ್ ಟಿವಿಯಲ್ಲಿ ಅವಳ ಮುಖನ್ನ ಆಕೆಯ ಬಾಸ್ ನೋಡಿಬಿಟ್ಟಿದ್ದಾರೆ. ಅವ್ರೇನು ಮಾಡಿದ್ರು ಗೊತ್ತಾ?

ಈ ಕುತೂಹಲಕರ ಘಟನೆಯನ್ನು ಸ್ವತಃ ಯುವತಿಯೇ ಇನ್ಸ್ಟಾದಲ್ಲಿ ಹಂಚಿಕೊಂಡಿದ್ದಾರೆ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ಅಭಿಮಾನಿಯಾದ ಈ ಯುವತಿ ನೇಹಾ ದ್ವಿವೇದಿ  RCB vs ಲಕ್ನೋ ಸೂಪರ್ ಜೈಂಟ್ಸ್ (LSG) ಮ್ಯಾಚ್ ನೋಡುವ ಅವಕಾಶ ಪಡೆದರು. ಇದಕ್ಕೆ ಹೋಗೋಕೆ ಕಚೇರಿಗೆ ರಜೆ ಹಾಕೋದು ಅನಿವಾರ್ಯವಾಗಿತ್ತು. ಏನಪ್ಪಾ ನೆಪ ಹೇಳೋದು ಎಂದು ಯೋಚಿಸಿದ ಯುವತಿ, ತನ್ನ ಮ್ಯಾನೇಜರ್‌ಗೆ ಕುಟುಂಬದ ತುರ್ತು ಪರಿಸ್ಥಿತಿಯನ್ನು ಉಲ್ಲೇಖಿಸಿದರು. ಆದರೆ, ಅದೃಷ್ಟ ಕೈಕೊಟ್ಟಿತು. ಏಕೆಂದರೆ ಆಕೆಯ ಬಾಸ್ ಲೈವ್ ದೂರದರ್ಶನದಲ್ಲಿ ಆಕೆಯನ್ನು ಸ್ಟ್ಯಾಂಡ್‌ನಿಂದ RCB ಗಾಗಿ ಹುರಿದುಂಬಿಸುತ್ತಿರುವುದನ್ನು ನೋಡಿ ಗುರುತಿಸಿದರು. ನಂತರ ಅವರು ಮರುದಿನ ಆಕೆಗೆ ಸಂದೇಶ ಕಳುಹಿಸಿದರು.

ಸಂದೇಶದಲ್ಲಿ ಪಂದ್ಯದ ಬಗ್ಗೆ ವಿಚಾರಿಸಿದ ಮ್ಯಾನೇಜರ್, ಟಿವಿಯಲ್ಲಿ ಆಕೆಯ ಪ್ರತಿಕ್ರಿಯೆ ನೋಡಿದ್ದಾಗಿ ಹೇಳಿದರು. ಇದಾದ ನಂತರ, ಮ್ಯಾನೇಜರ್ ದ್ವಿವೇದಿಯನ್ನು ಆರ್‌ಸಿಬಿ ಅಭಿಮಾನಿಯೇ ಎಂದು ಕೇಳಿದರು, ಅದಕ್ಕೆ ಆಕೆ ಹೌದು ಎಂದು ಹೇಳಿದರು. ಆಗ ಆಕೆಯ ಬಾಸ್ ಮ್ಯಾಚ್ ನೋಡಿ ನಿರಾಶಳಾಗಿರಬೇಕಲ್ಲವೇ, ಕ್ರೀಡಾಂಗಣದಲ್ಲಿ ಚಿಂತೆಯಲ್ಲಿರುವುದನ್ನು ನೋಡಿದೆ ಎಂದರಂತೆ. ಕೊನೆಯಲ್ಲಿ, ಮ್ಯಾನೇಜರ್ ಕಛೇರಿಯಿಂದ ಆರಂಭಿಕ ಲಾಗ್-ಆಫ್ ಆದ ಬಗ್ಗೆ ತಮಾಷೆ ಮಾಡಿದ್ದಾರೆ. ಮಹಿಳೆ ಮ್ಯಾನೇಜರ್ ಜೊತೆಯ ತನ್ನ ಚಾಟ್‌ನ ಸ್ಕ್ರೀನ್‌ಶಾಟ್ ಅನ್ನು ಹಂಚಿಕೊಂಡಿದ್ದಾರೆ.

ಈ ಪೋಸ್ಟ್ ಅನ್ನು ಕೆಲವು ದಿನಗಳ ಹಿಂದೆ ಹಂಚಿಕೊಳ್ಳಲಾಗಿದೆ. ಪೋಸ್ಟ್ ಮಾಡಿದ ನಂತರ, ಇದು ಎರಡು ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಗಳಿಸಿದೆ. ಪೋಸ್ಟ್ ಸುಮಾರು 4,000 ಲೈಕ್ಗಳು ಮತ್ತು ಹಲವಾರು ಕಾಮೆಂಟ್‌ಗಳನ್ನು ಹೊಂದಿದೆ.

ಒಬ್ಬ ವ್ಯಕ್ತಿ, 'ವಾವ್ ಮ್ಯಾನೇಜರ್, ನೀವು ಸಹ ಕಚೇರಿಯಲ್ಲಿ ಪಂದ್ಯವನ್ನು ನೋಡುತ್ತಿದ್ದೀರಾ?' ಎಂದು ಬರೆದಿದ್ದಾರೆ.

'OMG, ಬಿಗ್ ಹಾರ್ಡ್ ಲಕ್' ಎಂದು ಇನ್ನೊಬ್ಬರು ಬರೆದಿದ್ದಾರೆ.