ತಾಜ್‌ಮಹಲ್‌ ಹಿಂದಿಕ್ಕಿ ಉತ್ತರ ಪ್ರದೇಶದ ನಂ.1 ಪ್ರವಾಸಿ ಸ್ಥಳ ಎನಿಸಿಕೊಂಡ ಅಯೋಧ್ಯೆ ರಾಮಮಂದಿರ!

ಉತ್ತರ ಪ್ರದೇಶ ಪ್ರವಾಸೋದ್ಯಮ ಇಲಾಖೆಯು 2024 ರ ಜನವರಿ ಮತ್ತು ಸೆಪ್ಟೆಂಬರ್ ನಡುವೆ 13.55 ಕೋಟಿ ದೇಶೀಯ ಪ್ರವಾಸಿಗರನ್ನು ಮತ್ತು 3,153 ಅಂತರಾಷ್ಟ್ರೀಯ ಪ್ರವಾಸಿಗರನ್ನು ಸ್ವಾಗತಿಸಿದೆ ಎಂದು ಹೇಳಿದೆ.

ನವದೆಹಲಿ (ಡಿ.20): ಉತ್ತರ ಪ್ರದೇಶ ರಾಜ್ಯಕ್ಕೆ ಜನವರಿ ಮತ್ತು ಸೆಪ್ಟೆಂಬರ್ 2024 ರ ನಡುವೆ  47.61 ಕೋಟಿ ಪ್ರವಾಸಿಗರನ್ನು ಸ್ವಾಗತಿಸಿದೆ ಎಂದು ರಾಜ್ಯ ಪ್ರವಾಸೋದ್ಯಮ ಇಲಾಖೆ ತಿಳಿಸಿದೆ. ಅಯೋಧ್ಯೆಯ ಶ್ರೀರಾಮ ಮಂದಿರಕ್ಕೆ ಅತ್ಯಧಿಕ ಪ್ರವಾಸಿಗರು ಭೇಟಿ ನೀಡಿದ್ದು, ಇದು ಆಗ್ರಾದಲ್ಲಿರುವ ತಾಜ್‌ಮಹಲ್‌ಗಿಂತ ಹೆಚ್ಚು ಎಂದು ತಿಳಿಸಿದೆ. ಸಾಮಾನ್ಯವಾಗಿ ಉತ್ತರ ಪ್ರದೇಶದಕ್ಕೆ ಭೇಟಿ ನೀಡುವ ಹೆಚ್ಚಿನ ಪ್ರವಾಸಿಗರಲ್ಲಿ ತಾಜ್‌ಮಹಲ್‌ ಮೊದಲ ಸ್ಥಾನದಲ್ಲಿ ಇರುತ್ತಿತ್ತು. ಈ ಅವಧಿಯಲ್ಲಿ ಅಯೋಧ್ಯೆಯು 13.55 ಕೋಟಿ ದೇಶೀಯ ಪ್ರವಾಸಿಗರನ್ನು ಮತ್ತು 3,153 ಅಂತಾರಾಷ್ಟ್ರೀಯ ಪ್ರವಾಸಿಗರನ್ನು ಸ್ವಾಗತಿಸಿದೆ ಎಂದು ಉತ್ತರ ಪ್ರದೇಶ ಪ್ರವಾಸೋದ್ಯಮ ಇಲಾಖೆ ವರದಿ ಮಾಡಿದೆ. ರಾಮ ಮಂದಿರದ ಉದ್ಘಾಟನೆಯು ಈ ಅಭೂತಪೂರ್ವ ಉಲ್ಬಣಕ್ಕೆ ಕಾರಣವಾಗಿದ್ದು, ರಾಜ್ಯದ ಪ್ರವಾಸೋದ್ಯಮ ನಕ್ಷೆಯನ್ನು ಮರುರೂಪಿಸಿದೆ.

ಇನ್ನೊಂದೆಡೆ ಆಗ್ರಾದಲ್ಲಿರುವ ತಾಜ್‌ಮಹಲ್‌ಗೆ ಈ ಅವಧಿಯಲ್ಲಿ 12.51 ಕೋಟಿ ಪ್ರವಾಸಿಗರು ಭೇಟಿ ನೀಡಿದ್ದಾರೆ. ಇದರಲ್ಲಿ 11.59 ಕೋಟಿ ಮಂದಿ ದೇಶೀಯ ಪ್ರವಾಸಿಗರಾಗಿದ್ದರೆ, 9.24 ಲಕ್ಷ ಅಂತಾರಾಷ್ಟ್ರೀಯ ಪ್ರವಾಸಿಗರು ಭೇಟಿ ನೀಡಿದ್ದಾರೆ.  ಈ ಬದಲಾವಣೆಯು ಉತ್ತರ ಪ್ರದೇಶದಲ್ಲಿ ಧಾರ್ಮಿಕ ಪ್ರವಾಸೋದ್ಯಮದ ಹೆಚ್ಚುತ್ತಿರುವ ಪ್ರಾಮುಖ್ಯತೆಯನ್ನು ಹೇಳಿದೆ.

ಪ್ರವಾಸೋದ್ಯಮ ಸಚಿವ ಜೈವೀರ್ ಸಿಂಗ್ ಮಾತನಾಡಿದ್ದು, "ಉತ್ತರ ಪ್ರದೇಶವು ಕಳೆದ ವರ್ಷ 48 ಕೋಟಿ ಪ್ರವಾಸಿಗರನ್ನು ಸ್ವಾಗತಿಸಿದೆ, ಈ ವರ್ಷ ಕೇವಲ ಒಂಬತ್ತು ತಿಂಗಳಲ್ಲಿ ಇದು ಮೈಲಿಗಲ್ಲನ್ನು ತಲುಪಿದೆ' ಎಂದಿದ್ದಾರೆ. ಪ್ರವಾಸೋದ್ಯಮ ಕ್ಷೇತ್ರಕ್ಕೆ ಸಂಬಂಧಿಸಿದ ಜನರು ಧಾರ್ಮಿಕ ಪ್ರವಾಸೋದ್ಯಮಕ್ಕೆ ಈ ಉನ್ನತಿಗೆ ಮನ್ನಣೆ ನೀಡುತ್ತಾರೆ.

"ಅಯೋಧ್ಯೆ ಭಾರತದಲ್ಲಿ ಆಧ್ಯಾತ್ಮಿಕ ಪ್ರವಾಸೋದ್ಯಮದ ಕೇಂದ್ರಬಿಂದುವಾಗಿದೆ" ಎಂದು ಲಕ್ನೋ ಮೂಲದ ಹಿರಿಯ ಪ್ರಯಾಣ ಯೋಜಕ ಮೋಹನ್ ಶರ್ಮಾ ತಿಳಿಸಿದ್ದಾರೆ. "ಧಾರ್ಮಿಕ ಪ್ರವಾಸಗಳ ಬುಕಿಂಗ್‌ಗಳು 70% ಕ್ಕಿಂತ ಹೆಚ್ಚಿವೆ. ಯಾತ್ರಿಕರು ಮತ್ತು ಸಾಂಸ್ಕೃತಿಕ ಪ್ರಯಾಣಿಕರು ಈ ಐತಿಹಾಸಿಕ ರೂಪಾಂತರವನ್ನು ನೇರವಾಗಿ ವೀಕ್ಷಿಸಲು ಉತ್ಸುಕರಾಗಿದ್ದಾರೆ' ಎಂದಿದ್ದಾರೆ.
ತಾಜ್ ಮಹಲ್ ಅಂತರಾಷ್ಟ್ರೀಯ ಪ್ರವಾಸಿಗರನ್ನು ಆಕರ್ಷಿಸುವುದನ್ನು ಮುಂದುವರಿಸಿದ್ದರೆ, ಅದರ ದೇಶೀಯ ಪ್ರವಾಸಿಗರಲ್ಲಿ ಸ್ವಲ್ಪಮಟ್ಟಿಗೆ ಕುಸಿತ ಕಂಡಿದೆ. 2022-23ರಲ್ಲಿ ಅಂತರಾಷ್ಟ್ರೀಯ ಆಗಮನ 26.84 ಲಕ್ಷದಿಂದ 2023-24ರಲ್ಲಿ 27.70 ಲಕ್ಷಕ್ಕೆ ಏರಿಕೆಯಾಗಿದೆ, ಆದರೆ ದೇಶೀಯ ಪ್ರವಾಸಿಗರ ಸಂಖ್ಯೆ 1.93 ಲಕ್ಷದಷ್ಟು ಕಡಿಮೆಯಾಗಿದೆ.

ವಿದೇಶಿ ಪ್ರವಾಸಿಗರು ಈಗಲೂ ಕೂಡ ತಾಜ್‌ಮಹಲ್‌ಅನ್ನು ನೋಡಲೇಬೇಕಾದ ಹೆಗ್ಗುರಾಗಿ ಭಾವಿಸಿದ್ದಾರೆ. ಆದರೆ, ದೇಶೀಯ ಪ್ರವಾಸಿಗರು, ಅಯೋಧ್ಯೆ, ವಾರಣಾಸಿ ಹಾಗೂ ಪ್ರಯಾಗ್‌ರಾಜ್‌ನತ್ತ ಹೆಚ್ಚು ಆಕರ್ಷಿತರಾಗಿದ್ದಾರೆ. ನಮ್ಮ ಪರಂಪರೆ ಹಾಗೂ ಆಧ್ಯಾತ್ಮಿಕ ಕ್ಷೇತ್ರಗಳತ್ತ ಅವರು ಮುಖ ಮಾಡಿದ್ದಾರೆ ಎಂದು ಆಗ್ರಾ ಮೂಲದ ಟೂರ್‌ ಆಪರೇಟರ್‌ ಅರವಿಂದ್ ಮೆಹ್ತಾ ತಿಳಿಸಿದ್ದಾರೆ.

ಪ್ರವಾಸೋದ್ಯಮ ಸಚಿವ ಜೈವೀರ್ ಸಿಂಗ್ ರಾಜ್ಯದ ವಿಶಾಲವಾದ ಧಾರ್ಮಿಕ ಪ್ರವಾಸೋದ್ಯಮ ಯಶಸ್ಸಿನ ಬಗ್ಗೆ ಮಾತನಾಡಿದ್ದಾರೆ. "ಪ್ರವಾಸೋದ್ಯಮ ಉಲ್ಬಣವು ಅಯೋಧ್ಯೆಗೆ ಸೀಮಿತವಾಗಿಲ್ಲ" ಎಂದು ಅವರು ಹೇಳಿದರು. "ವಾರಣಾಸಿಯು 6.2 ಕೋಟಿ ದೇಶೀಯ ಪ್ರವಾಸಿಗರನ್ನು ಮತ್ತು 1.84 ಲಕ್ಷ ವಿದೇಶಿ ಪ್ರವಾಸಿಗರನ್ನು ಆಕರ್ಷಿಸಿದೆ. ಪ್ರಯಾಗರಾಜ್ 4,790 ವಿದೇಶಿಯರನ್ನು ಒಳಗೊಂಡಂತೆ 4.80 ಕೋಟಿ ಪ್ರವಾಸಿಗರನ್ನು ಸೆಳೆದಿದೆ. ಕೃಷ್ಣನ ಜನ್ಮಸ್ಥಳವಾದ ಮಥುರಾವು 87,229 ಅಂತರಾಷ್ಟ್ರೀಯ ಪ್ರವಾಸಿಗರು ಸೇರಿದಂತೆ 6.8 ಕೋಟಿ ಪ್ರವಾಸಿಗರನ್ನು ಕಂಡಿದೆ. ಮಿರ್ಜಾಪುರ ಕೂಡ 1.18 ಕೋಟಿ ಪ್ರವಾಸಿಗರನ್ನು ದಾಖಲಿಸಿದೆ' ಎಂದಿದ್ದಾರೆ.

ರಾಜ್ಯದ ಬೌದ್ಧ ಸರ್ಕ್ಯೂಟ್ ಹಬ್, ಕುಶಿನಗರ ಕೂಡ ಗಣನೀಯ ಬೆಳವಣಿಗೆಯನ್ನು ಕಂಡಿದೆ, 1.53 ಲಕ್ಷ ಅಂತರಾಷ್ಟ್ರೀಯ ಪ್ರವಾಸಿಗರು ಸೇರಿದಂತೆ 16.2 ಲಕ್ಷ ಪ್ರವಾಸಿಗರನ್ನು ಸ್ವಾಗತಿಸಿದೆ. ಆಗ್ರಾ, ಅಯೋಧ್ಯೆಯಿಂದ ಸ್ಪರ್ಧೆಯ ಹೊರತಾಗಿಯೂ 9.24 ಲಕ್ಷ ವಿದೇಶಿಗರು ಸೇರಿದಂತೆ 1.25 ಕೋಟಿ ಪ್ರವಾಸಿಗರನ್ನು ಸ್ವೀಕರಿಸಿದೆ ಎಂದಿದ್ದಾರೆ.