ವಿಧಾನಸಭೆ ಚುನಾವಣೆ: ಅಸ್ಸಾನಂಲ್ಲಿ ದಾಖಲೆ, ಇನ್ನುಳಿದ ರಾಜ್ಯದಲ್ಲಿ ಸರಾಸರಿ ಮತದಾನ!

ಚುನಾವಣೆ ದೃಷ್ಟಿಯಿಂದ ಇಂದು(ಏ.06) ಆಯೋಗಕ್ಕೆ  ಅತೀ ದೊಡ್ಡ ದಿನವಾಗಿತ್ತು. ಕಾರಣ 4 ರಾಜ್ಯ ಹಾಗೂ ಒಂದು ಕೇಂದ್ರಾಡಳಿತ ಪ್ರದೇಶದಲ್ಲಿ ಮತದಾನ ನಡೆದಿತ್ತು. ಇದರಲ್ಲಿ ಅಸ್ಸಾಂನಲ್ಲಿ ದಾಖಲೆಯ ಮತದಾನವಾಗಿದೆ. ಇನ್ನುಳಿದ ರಾಜ್ಯಗಳಲ್ಲೂ ಗರಿಷ್ಠ ಮತದಾನವಾಗಿದೆ. 

ನವದೆಹಲಿ(ಏ.06):  ಅಸ್ಸಾಂ, ಕೇರಳ, ತಮಿಳುನಾಡು, ಪಶ್ಚಿಮ ಬಂಗಾಳ ಹಾಗೂ ಪುದುಚೇರಿ ವಿಧಾನಸಭಾ ಕ್ಷೇತ್ರಗಳಿಗೆ ಮತದಾನ ನಡೆದಿದೆ. 475 ಕ್ಷೇತ್ರಗಳಿಗೆ ಒಟ್ಟು 1,53,538 ಮತಗಟ್ಟೆಗಳಲ್ಲಿ ಶಾಂತಿಯುತವಾಗಿ ಮತದಾನವಾಗಿದೆ. ಇದರಲ್ಲಿ ಅಸ್ಸಾಂನಲ್ಲಿ ನಡೆದ 3ನೇ ಹಾಗೂ ಅಂತಿಮ ಹಂತದಲ್ಲಿ ಶೇಕಡಾ 82.33 ರಷ್ಟು ಮತದಾನವಾಗಿದೆ. ಈ ಮೂಲಕ ಗರಿಷ್ಠ ಮತದಾನದ ದಾಖಲೆ ಬರೆದಿದೆ.  

ಪಂಚ ರಾಜ್ಯಗಳಲ್ಲಿ ಇಂದು(ಏ.06) ನಡೆದ ಮತದಾನದ ವಿವರ:
ಅಸ್ಸಾಂ =81.66%
ಕೇರಳ  = 69.94%
ತಮಿಳುನಾಡು  = 65.19%
ಪಶ್ಚಿಮ ಬಂಗಾಳ  =77.68%
ಪುದುಚೇರಿ  = 77.90%

ಕೇರಳ, ತಮಿಳುನಾಡು ಹಾಗೂ ಪುದುಚೇರಿ ಒಂದೇ ಹಂತದಲ್ಲಿ ಮತದಾನ ಮುಕ್ತಾಯಗೊಂಡಿದೆ. ಅಸ್ಸಾಂ 3ನೇ ಹಂತದೊಂದಿಗೆ ಅಂತ್ಯಗೊಂಡಿದೆ. ಆದರೆ ಪಶ್ಚಿಮ ಬಂಗಾಳ 3ನೇ ಹಂತದ ಮತದಾನ ಮುಕ್ತಾಯಗೊಂಡಿದ್ದು, ಇನ್ನು 5 ಹಂತದ ಮತದಾನ ಬಾಕಿ ಇದೆ.