ಏರ್ ಇಂಡಿಯಾ ಪತನಕ್ಕೆ ಸ್ವಿಚ್‌ ಕಾರಣವಲ್ಲ, ಬೋಯಿಂಗ್ ಮತ್ತು FAA ಸ್ಪಷ್ಟನೆ, ಹಾಗಾದ್ರೆ ತಪ್ಪಾಗಿದ್ದೆಲ್ಲಿ?

ಅಹಮದಾಬಾದ್‌ನ ಏರ್ ಇಂಡಿಯಾ ವಿಮಾನ ಪತನದ ತನಿಖಾ ವರದಿ ಬಹಿರಂಗಗೊಂಡಿದೆ. ಇಂಧನ ನಿಯಂತ್ರಣ ಸ್ವಿಚ್‌ಗಳು ಅಪಘಾತಕ್ಕೆ ಕಾರಣವಲ್ಲ ಎಂದು ವರದಿ ಸ್ಪಷ್ಟಪಡಿಸಿದೆ. ಟೇಕ್ ಆಫ್ ಸಮಯದಲ್ಲಿ ಇಂಧನ ಸ್ವಿಚ್‌ಗಳು ಏಕೆ ನಿಷ್ಕ್ರಿಯಗೊಂಡವು ಎಂಬುದು ಇನ್ನೂ ನಿಗೂಢವಾಗಿದೆ.

ಅಹಮದಾಬಾದ್‌ನಲ್ಲಿ ನಡೆದ ಏರ್ ಇಂಡಿಯಾ ವಿಮಾನ ಪತನ ಪ್ರಕರಣ ಸಂಬಂಧ ಭಾರತದ ವಿಮಾನ ಅಪಘಾತ ತನಿಖಾ ಬ್ಯೂರೋ (AAIB) ನೀಡಿರುವ ವರದಿಯಿಂದ ಹಲವು ಹೊಸ ಮಾಹಿತಿಗಳು ಬಹಿರಂಗವಾಗಿವೆ. ಅಪಘಾತಕ್ಕೆ ಇಂಧನ ನಿಯಂತ್ರಣ ಸ್ವಿಚ್‌ಗಳು ಕಾರಣವಲ್ಲ ಎಂದು ವರದಿ ಸ್ಪಷ್ಟಪಡಿಸಿದೆ. ಇಂಧನ ಸ್ವಿಚ್ ಲಾಕ್‌ಗಳು ಸಂಪೂರ್ಣ ಸುರಕ್ಷಿತವಾಗಿವೆ ಎಂದು ಯುಎಸ್ ಫೆಡರಲ್ ಏವಿಯೇಷನ್ ಅಡ್ಮಿನಿಸ್ಟ್ರೇಶನ್ (FAA) ಮತ್ತು ಬೋಯಿಂಗ್ ಕಂಪನಿ ತಿಳಿಸಿವೆ. ಬೋಯಿಂಗ್ ವಿಮಾನಗಳ ಇಂಧನ ಸ್ವಿಚ್ ಲಾಕ್‌ಗಳು ಸಂಪೂರ್ಣ ಸುರಕ್ಷಿತವಾಗಿವೆ ಎಂದು ಯುಎಸ್ ಫೆಡರಲ್ ಏವಿಯೇಷನ್ ಅಡ್ಮಿನಿಸ್ಟ್ರೇಷನ್ (ಎಫ್‌ಎಎ) ಮತ್ತು ಬೋಯಿಂಗ್ ಕಂಪನಿ ಖಾಸಗಿಯಾಗಿ ಅಧಿಸೂಚನೆ ಹೊರಡಿಸಿವೆ ಎಂದು ಮೂಲಗಳನ್ನು ಉಲ್ಲೇಖಿಸಿ ರಾಯಿಟರ್ಸ್ ಸುದ್ದಿ ಸಂಸ್ಥೆ ವರದಿ ಮಾಡಿದೆ.

ಈ ಸ್ಪಷ್ಟನೆ, ಜೂನ್ 12ರಂದು ಸಂಭವಿಸಿದ ಏರ್ ಇಂಡಿಯಾ ಫ್ಲೈಟ್ 171 ಅಪಘಾತ ಸಂಬಂಧ ಭಾರತೀಯ ವಿಮಾನ ಅಪಘಾತ ತನಿಖಾ ಬ್ಯೂರೋ (ಎಎಐಬಿ) ಬಿಡುಗಡೆ ಮಾಡಿದ ಪ್ರಾಥಮಿಕ ವರದಿಗೆ ಅನುಸರಿಸಿ ನೀಡಲಾಗಿದೆ. ಟೇಕ್ ಆಫ್ ಆದ ಸ್ವಲ್ಪ ಕ್ಷಣಗಳ ಬಳಿಕ ವಿಮಾನದ ಇಂಧನ ಸ್ವಿಚ್‌ಗಳು ಆಕಸ್ಮಿಕವಾಗಿ ಸಕ್ರಿಯಗೊಂಡಿರುವ ಸಾಧ್ಯತೆಗಳ ಬಗ್ಗೆ ಎಎಐಬಿ ತನ್ನ ವರದಿಯಲ್ಲಿ ಪ್ರಶ್ನೆ ಎತ್ತಿದೆ. ಈ ತೊಂದರೆಯೇ ಎಂಜಿನ್ ವೈಫಲ್ಯಕ್ಕೆ ಕಾರಣವಾಯಿತೇ ಎಂಬ ಪ್ರಶ್ನೆಗೆ ಇನ್ನೂ ಸ್ಪಷ್ಟ ಉತ್ತರ ಸಿಕ್ಕಿಲ್ಲ.

AAIB ತನಿಖಾ ವರದಿ ಹಾಗೂ ಬಳಿಕ ನಡೆಸಿದ ತಾಂತ್ರಿಕ ವಿಶ್ಲೇಷಣೆಗಳಿಂದ ತಿಳಿದಂತೆ, ಇಂಧನ ನಿಯಂತ್ರಣ ಸ್ವಿಚ್ ವಿನ್ಯಾಸವು ಯಾವುದೇ ಅಸುರಕ್ಷಿತ ಸ್ಥಿತಿಯನ್ನು ಉಂಟುಮಾಡುವುದಿಲ್ಲ. ಬೋಯಿಂಗ್ 787 ವಿಮಾನ ಅಪಘಾತಕ್ಕೀಡಾಗುವ ಮುನ್ನ ಏರ್ ಇಂಡಿಯಾ ತನ್ನ ವಿಮಾನದ ಇಂಧನ ನಿಯಂತ್ರಣ ಸ್ವಿಚ್ ಮಾಡ್ಯೂಲ್ ಅನ್ನು ಎರಡು ಬಾರಿ ಬದಲಾಯಿಸಿತ್ತು. ಈ ಬದಲಾವಣೆಗಳು 2019 ಮತ್ತು 2023ರಲ್ಲಿ ನಡೆದಿದ್ದು, ನಿರ್ಣಾಯಕವಾದ ಥ್ರೊಟಲ್ ಕಂಟ್ರೋಲ್ ಮಾಡ್ಯೂಲ್ (TCM) ಬದಲಾವಣೆ ಕೂಡ ಸೇರಿದೆ.

ಟೇಕ್ ಆಫ್ ಸಮಯದಲ್ಲಿ ವಿಮಾನದ ಇಂಧನ ಕಟ್ ಆಫ್ ಸ್ವಿಚ್‌ಗಳು ಏಕೆ ನಿಷ್ಕ್ರಿಯಗೊಂಡವು ಎಂಬುದರ ಕುರಿತು ತನಿಖೆ ಇನ್ನೂ ಮುಂದುವರಿಯುತ್ತಿದೆ. ವರದಿ ಪ್ರಕಾರ, ಟೇಕ್ ಆಫ್ ಆದ ಕೆಲವೇ ಕ್ಷಣಗಳಲ್ಲಿ ಇಂಧನ ಸ್ವಿಚ್‌ಗಳು ಕಟ್‌ಆಫ್ ಆಗಿ ಎಂಜಿನ್‌ಗಳು ನಿಷ್ಕ್ರಿಯಗೊಂಡವು.

ಅಲ್ಲದೇ, ಯುಎಸ್ ನಿಯಂತ್ರಣ ವ್ಯವಸ್ಥೆ (US Control System) ಯಾವುದೇ ಅಸುರಕ್ಷಿತ ಸ್ಥಿತಿಯನ್ನು ತಳ್ಳಿಹಾಕಿದೆ. ಬೋಯಿಂಗ್ ವಿರುದ್ಧ ತುರ್ತು ಕ್ರಮ ಕೈಗೊಳ್ಳಬೇಕಾದ ಅಗತ್ಯವಿಲ್ಲ ಎಂದು ವರದಿ ಉಲ್ಲೇಖಿಸಿದೆ.

ಕಾಕ್‌ಪಿಟ್ ಎರಡು ಬಾರಿ ಬದಲಾಯಿಸಿತು ಎಂಬುದನ್ನು ವರದಿ ದೃಢಪಡಿಸಿದರೂ, ಅದನ್ನು ಅಪಘಾತಕ್ಕೆ ನೇರ ಕಾರಣವೆಂದು ಪರಿಗಣಿಸಿಲ್ಲ. ಬೋಯಿಂಗ್‌ನ ನಿರ್ವಹಣಾ ಯೋಜನಾ ದಾಖಲೆ (MPD) ಪ್ರಕಾರ, ಥ್ರೊಟಲ್ ಕಂಟ್ರೋಲ್ ಮಾಡ್ಯೂಲ್ ಅನ್ನು ಪ್ರತಿ 24,000 ಹಾರಾಟದ ಗಂಟೆಗಳಿಗೊಮ್ಮೆ ಬದಲಾಯಿಸುವುದು ನಿಯಮಿತವಾಗಿದೆ ಎಂದು ವರದಿ ತಿಳಿಸಿದೆ.