ಭಾರತದಲ್ಲಿ ಕೊರೋನಾ ವೈರಸ್‌ಗೆ ನಾಲ್ಕನೇ ಬಲಿ!

ಭಾರತದಲ್ಲಿ ಕೊರೊನಾಗೆ 4ನೇ ಬಲಿ | ಪಂಜಾಬ್ನಲ್ಲಿ ಕೊರೊನಾಗೆ ಮೊದಲ ಸಾವು| ಜರ್ಮನ್ನಿಂದ ಬಂದಿದ್ದ ವ್ಯಕ್ತಿ ಕೊರೊನಾ ಸೋಂಕಿಗೆ ಬಲಿ| 

ನವದೆಹಲಿ[ಮಾ.19]: ಭಾರತದಲ್ಲಿ ಕೊರೋನಾ ವೈರಸ್‌ಗೆ ನಾಲ್ಕನೇ ಬಲಿಯಾಗಿದೆ. ಜರ್ಮನಿಯಿಂದ ಇಟಲಿ ಮೂಲಕ ಪಂಜಾಬ್‌ಗೆ ಬಂದಿದ್ದ 72 ವರ್ಷದ ವೃದ್ಧ ಗುರುವಾರದಂದು ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ.

ಮಧುಮೇಹ ಹಾಗೂ ಅಧಿಕ ರಕ್ತದೊತ್ತಡದಿಂದ ಬಳಲುತ್ತಿದ್ದ ಈ ವೃದ್ಧನನ್ನು ಬುಧವಾರದಂದು ಬಂಗಾ ಕಮ್ಯೂನಿಟಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಈತನಿಗೆ ಕೊರೋನಾ ಟೆಸ್ಟ್ ಮಾಡಿದ್ದು, ಪಾಸಿಟಿವ್ ಎಂದು ವರದಿ ಬಂದಿತ್ತು.

ಸದ್ಯ ಭಾರತದಲ್ಲಿ ಕೊರೋನಾಗೆ ಬಲಿಯಾದವರ ಸಂಖ್ಯೆ 4ಕ್ಕೇರಿದ್ದು, ಸೋಂಕಿತರ ಸಂಖ್ಯೆ 186ಕ್ಕೆ ಏರಿಕೆಯಾಗಿದೆ. ಒಂದೇ ದಿನ ದೇಶದಲ್ಲಿ ಸೋಂಕಿತರ ಸಂಖ್ಯೆ 30ಕ್ಕೇಯಾಗಿದೆ.