ರಾಜಸ್ಥಾನದ ಬಾರ್ಮರ್‌ನಲ್ಲಿ ವಾಯುಪಡೆಯ ಮಿಗ್-21 ಜೆಟ್ ಪತನ: ಇಬ್ಬರು ಪೈಲಟ್‌ ಸಾವು

ಗುರುವಾರ ಸಂಜೆ ರಾಜಸ್ಥಾನದ ಬಾರ್ಮರ್‌ನಲ್ಲಿ ವಾಯುಪಡೆಯ ಮಿಗ್ -21 ಜೆಟ್ ತರಬೇತಿಯ ವೇಳೆ ಪತನಗೊಂಡು ಇಬ್ಬರು ಪೈಲಟ್‌ಗಳು ಸಾವನ್ನಪ್ಪಿದ್ದಾರೆ.

ರಾಜಸ್ಥಾನ (ಜು. 28): ಗುರುವಾರ ಸಂಜೆ ರಾಜಸ್ಥಾನದ ಬಾರ್ಮರ್‌ನಲ್ಲಿ ವಾಯುಪಡೆಯ ಮಿಗ್ -21 ಜೆಟ್ ತರಬೇತಿಯ ವೇಳೆ ಪತನಗೊಂಡು ಇಬ್ಬರು ಪೈಲಟ್‌ಗಳು ಸಾವನ್ನಪ್ಪಿದ್ದಾರೆ. "ಐಎಎಫ್‌ನ ಅವಳಿ ಆಸನಗಳ ಮಿಗ್-21 ತರಬೇತುದಾರ ವಿಮಾನವು ಇಂದು ಸಂಜೆ ರಾಜಸ್ಥಾನದ ಉತರ್ಲೈ ವಾಯುನೆಲೆಯಿಂದ ತರಬೇತಿಗಾಗಿ ಹಾರಾಟ ನಡೆಸುತಿತ್ತು. ರಾತ್ರಿ 9:10 ರ ಸುಮಾರಿಗೆ ಬಾರ್ಮರ್ ಬಳಿ ವಿಮಾನ ಅಪಘಾತಕ್ಕೀಡಾಯಿತು. ಇಬ್ಬರೂ ಪೈಲಟ್‌ಗಳಿಗೆ ಮಾರಣಾಂತಿಕ ಗಾಯಗಳಾಗಿವೆ," ಎಂದು ವಾಯುಪಡೆ ಹೇಳಿಕೆಯಲ್ಲಿ ತಿಳಿಸಿದೆ.

"ಐಎಎಫ್ ಜೀವಹಾನಿಗೆ ತೀವ್ರವಾಗಿ ವಿಷಾದಿಸುತ್ತದೆ ಮತ್ತು ದುಃಖಿತ ಕುಟುಂಬಗಳೊಂದಿಗೆ ದೃಢವಾಗಿ ನಿಂತಿದೆ" ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ . ಅಪಘಾತದ ಕಾರಣವನ್ನು ಕಂಡುಹಿಡಿಯಲು ನ್ಯಾಯಾಲಯದ ವಿಚಾರಣೆಗೆ ಆದೇಶಿಸಲಾಗಿದೆ.

ವಾಯುಪಡೆಯ ಪ್ರಕಾರ, MiG-21 ಸೋವಿಯತ್ ಇರಾ ಸಿಂಗಲ್-ಎಂಜಿನ್ ಮಲ್ಟಿರೋಲ್ ಫೈಟರ್/ಗ್ರೌಂಡ್ ಅಟ್ಯಾಕ್ ಏರ್‌ಕ್ರಾಫ್ಟ್ ಆಗಿದ್ದು ಅದು ತನ್ನ ಫ್ಲೀಟ್‌ನ ಬೆನ್ನೆಲುಬಾಗಿದೆ. ಇಂಡೋ-ಚೀನಾ ಯುದ್ಧದ ನಂತರ ಇದನ್ನು 1960 ರ ದಶಕದಲ್ಲಿ ಮೊದಲ ಬಾರಿಗೆ ಭಾರತೀಯ ವಾಯುಸೇನೆಗೆ ಸೇರಿಸಲಾಯಿತು ಮತ್ತು 2006 ರಲ್ಲಿ MiG-21 ಬೈಸನ್ ಆವೃತ್ತಿಗೆ ನವೀಕರಿಸಲಾಯಿತು.ನವೀಕರಣಗಳು ಶಕ್ತಿಯುತ ಮಲ್ಟಿ-ಮೋಡ್ ರಾಡಾರ್‌ಗಳು, ಉತ್ತಮ ಏವಿಯಾನಿಕ್ಸ್ ಮತ್ತು ಸಂವಹನ ವ್ಯವಸ್ಥೆಗಳನ್ನು ಒಳಗೊಂಡಿವೆ.