15 ಸಾವಿರ ವರ್ಷ ಹಿಂದೆ ಮಾನವನಿಂದ 'ದಾನವ'ನ ಬೇಟೆ: ಸಾಕ್ಷಿಗೆ ಸಿಕ್ತು ಬೃಹತ್ ಮೂಳೆ!
First Published May 22, 2020, 5:54 PM ISTಮೆಕ್ಸಿಕೋದ ಫೆಲಿಪೆ ಏಂಜಲೀಸ್ ಇಂಟರ್‌ ನ್ಯಾಷನಲ್ ವಿಮಾನ ನಿಲ್ದಾಣದ ಬಳಿ ಭೂಮಿ ಅಗೆಯುತ್ತಿದ್ದ ವೇಳೆ ಯಾರೂ ಊಹಿಸದಿರುವ ವಸ್ತುಗಳು ಕಾರ್ಮಿಕರಿಗೆ ಸಿಕ್ಕಿವೆ. ಇಲ್ಲಿನ ಕಾಮಗಾರಿ ವೇಳೆ ಒಂದೆರಡಲ್ಲ ಬದಲಾಗಿ ಬರೋಬ್ಬರಿ 60 ಬೃಹದ್ಗಜಗಳ ಮೂಳೆಗಳು ಸಿಕ್ಕಿವೆ. ಇಷ್ಟೇ ಅಲ್ಲದೇ ಇಲ್ಲಿ ಕೆಲ ಕಾಡು ಕೋಣ ಒಂಟೆಗಳ ಮೂಳೆಗಳೂ ಲಭ್ಯವಾಗಿವೆ. ಅದಕ್ಕೂ ಅಚ್ಚರಿಯ ವಿಚಾರವೆಂದರೆ ಇವೆಲ್ಲದರ ನಡುವೆ ಸುಮಾರು ಹದಿನೈದು ಮಾನವರ ತಲೆ ಬುರುಡೆಯೂ ಲಭ್ಯವಾಗಿವೆ. ಇವೆಲ್ಲವೂ ಕಳೆದ ವರ್ಷವೇ ಸಿಕ್ಕಿವೆ, ಸದ್ಯ ಇದರ ಫೋಟೋಗಳು ಬಹಿರಂಗಗೊಂಡಿವೆ. ಸದ್ಯ ಈ ವಿಮಾನ ನಿಲ್ದಾಣ ಇರುವಲ್ಲಿ ಹಲವಾರು ವರ್ಷಗಳ ಹಿಂದೆ ಪ್ರಾಣಿಗಳನ್ನು ಕೂಡಿಡಲಾಗುತ್ತಿತ್ತು ಎಂಬ ಮಾತುಗಳು ಕೇಳಿ ಬಂದಿವೆ. ಅಲ್ಲದೇ ಈ ಮೂಳೆಗಳು ಸುಮಾರು ಹದಿನೈದು ಸಾವಿರ ಹಳೆಯದೆನ್ನಲಾಗಿದೆ. ವಿಶಾಲವಾದ ದೇಹ ಹೊಂದಿದ್ದ ಬೃಹದ್ಗಜಗಳು ಈಗ ಅಳಿದು ಹೋಗಿವೆ.