ನಾವು ಕೊರೋನಾಕ್ಕೆ ಲಸಿಕೆ ಸಂಶೋಧನೆ ಮಾಡಿದ್ದು. ಅದರ ಕ್ಲಿನಿಕಲ್ ಪ್ರಯೋಗದ ಎಲ್ಲ ಹಂತಗಳೂ ಪೂರ್ಣಗೊಂಡಿವೆ ಎಂದು ರಷ್ಯಾ ಹೇಳಿದೆ.
ರಷ್ಯಾದ ಗಮಾಲಿ ಇನ್ಸ್ಟಿಟ್ಯೂಟ್ ಆಫ್ ಎಪಿಡೆಮಿಯಾಲಜಿ ಆ್ಯಂಡ್ ಮೈಕ್ರೋಬಯಾಲಜಿ ಲಸಿಕೆ ತಯಾರಿಸಿದೆ. ಇನ್ಸ್ಟಿಟ್ಯೂಟ್ ಫಾರ್ ಟ್ರಾನ್ಸ್ಲೇಶನ್ ಮೆಡಿಕಲ್ ಆ್ಯಂಡ್ ಬಯೋಟೆಕ್ನಾಲಜಿಯ ನಿರ್ದೇಶಕ ವಾದಿಮ್ ತಾರಾಸೊವ್ ಮಾಹಿತಿ ನೀಡಿದ್ದಾರೆ.
ಲಸಿಕೆ ಪ್ರಯೋಗದಲ್ಲಿ ಸೆಚೋವ್ ಯೂನಿವರ್ಸಿಟಿಯ ಸ್ವಯಂಸೇವಕರನ್ನು ಒಳಗೊಳ್ಳಲಾಗಿತ್ತು. ಅವರ ಮೇಲೆ ನಡೆಸಿದ ಕ್ಲಿನಿಕಲ್ ಟ್ರಯಲ್ ಯಶಸ್ವಿಯಾಗಿದೆ ಎಂದಿದ್ದಾರೆ.
ಜುನ್ 18 ರಿಂದ ಟ್ರಯಲ್ ಆರಂಭ ಮಾಡಲಾಗಿತ್ತು.
ಮನುಷ್ಯನ ಆರೋಗ್ಯದ ಮೇಲೆ ಈ ಚುಚ್ಚುಮದ್ದು ಯಾವ ಪರಿಣಾಮ ಬೀರಲಿದೆ ಎಂಬುವದನ್ನು ಪರಿಗಣಿಸಲಾಗಿದೆ ಎಂದು ಮೆಡಿಕಲ್ ವಿಭಾಗದ ನಿರ್ದೇಶಕ ಅಲೆಗ್ಸಾಂಡರ್ ಲಕ್ಷುವ್ ತಿಳಿಸಿದ್ದಾರೆ.
ಮನುಷ್ಯನ ದೇಹಕ್ಕೆ ಈ ಲಸಿಕೆ ಎಷ್ಟು ಸುರಕ್ಷಿತ ಎಂಬುದನ್ನು ಪರೀಕ್ಷೆ ಮಾಡಲಾಗಿದೆ. ಲಸಿಕೆಯ ಪ್ರಯೋಗ ಯಶಸ್ವಿಯಾಗಿದೆ. ಲಸಿಕೆಯಿಂದ ಯಾವುದೇ ಸಮಸ್ಯೆಯಿಲ್ಲ ಎಂಬುದು ಸಾಬೀತಾಗಿದೆ ಎಂದು ಯೂನಿವರ್ಸಿಟಿ ತಿಳಿಸಿದೆ.
ಇಡೀ ಪ್ರಪಂಚ ಕೊರೋನಾದಿಂದ ತತ್ತರಿಸಿಹೋಗಿದ್ದು ಎಲ್ಲರೂ ಲಸಿಕೆ ಎದುರು ನೋಡುತ್ತಲೇ ಇದ್ದಾರೆ. ಚೀನಾದಲ್ಲಿ ಹುಟ್ಟಿದ ವೈರಸ್ ಇಡೀ ಜಗತ್ತನ್ನು ವ್ಯಾಪಿಸುತ್ತಲೇ ಇದೆ.