ಶ್ರೀಮಂತರ ಬಂಗಲೆಯಿಂದ ತುಂಬಿತ್ತು ಈ ಹಳ್ಳಿ, 2015ರಲ್ಲಿ ಕಟ್ಟ ಕಡೆಯ ವ್ಯಕ್ತಿ ಸಾವು!
First Published Sep 14, 2020, 5:28 PM ISTಸಮಯದೊಂದಿಗೆ ಅಂತ್ಯವಾದ ಸ್ಥಳಗಳು ಜಗತ್ತಿನಲ್ಲಿ ಹಲವಿದೆ. ಅನೇಕ ಮಂದಿ ವಾಸಿಸುತ್ತಿದ್ದ ಜನರಿಂದ ತುಂಬಿದ್ದ ಅನೇಕ ಹಳ್ಳಿಗಳು ಇಂದು ನಿರ್ಜನವಾಗಿದೆ. ರಷ್ಯಾದ ಡೈಂಗೆಸ್ತಾನ್ ಕೂಡಾ ಇಂತಹ ಸ್ಥಳಗಳ ಪಟ್ಟಿಯಲ್ಲಿ ಗುರುತಿಸಿಕೊಳ್ಳುತ್ತದೆ. ಇಲ್ಲಿನ ನಿರ್ಜನ ಪ್ರದೇಶವಾಗಿರುವ ಫೋಟೋಗಳು ವೈರಲ್ ಆಗಿವೆ. ಡ್ರೋನ್ ಮೂಲಕ ತೆಗೆಯಲಾದ ಈ ಫೋಟೋಗಳಲ್ಲಿ ಈ ನಿರ್ಜನಗೊಂಡಿರುವ ನಗರ ಭಯಾನಕವಾಗಿ ಕಾಣಿಸುತ್ತದೆ. 2000 ವರ್ಷ ಹಳೆಯ ಈ ಹಳ್ಳಿಯ ಕತೆಯೂ ಅಷ್ಟೇ ರೋಚಕವಾದದ್ದು, ಇದೇ ಕಾರಣದಿಂದ ಇಲ್ಲಿ ಪ್ರವಾಸಿಗರ ದಂಡೇ ಸೇರುತ್ತದೆ. ಅನೇಕ ವರ್ಷಗಳ ಹಿಂದೆ ಶ್ರೀಮಂತರಿಂದ ತುಂಬಿದ್ದ ಈ ಹಳ್ಳಿ 1950ರ ಬಳಿಕ ನಿಧಾನವಾಗಿ ನಿರ್ಜನವಾಗಲಾರಂಭಿಸಿತು. 2015ರಲ್ಲಿ ಈ ಹಳ್ಳಿಯ ನಿವಾಸಿಯಾಗಿದ್ದ ಕಟ್ಟ ಕಡೆಯ ವ್ಯಕ್ತಿಯೂ ಮೃತಪಟ್ಟಿದ್ದು, ಇದಾದ ಬಳಿಕ ಇಲ್ಲಿ ಯಾರೂ ವಾಸಿಸುತ್ತಿಲ್ಲ. ಸದ್ಯ ಈ ಸ್ಥಳ ಹಾಗೂ ಇಲ್ಲಿನ ಕತೆಗಳಷ್ಟೇ ಪ್ರವಾಸಿಗರನ್ನು ಇಲ್ಲಿ ಬರುವಂತೆ ಮಾಡುತ್ತಿವೆ.