ಬೆಂಗಳೂರು(ಅ.7): 9ನೇ ಆವೃತ್ತಿಯ ಪ್ರೊ ಕಬಡ್ಡಿ ಲೀಗ್ ಟೂರ್ನಿ ಆರಂಭಕ್ಕೆ ಕ್ಷಣಗಣನೆ ಆರಂಭವಾಗಿದ್ದು, ಇಂದಿನಿಂದ ಇಲ್ಲಿನ ಶ್ರೀ ಕಂಠೀರವ ಒಳಾಂಗಣ ಸ್ಟೇಡಿಯಂನಲ್ಲಿ ಅಧಿಕೃತ ಚಾಲನೆ ಸಿಗಲಿದೆ. ಹಾಲಿ ಚಾಂಪಿಯನ್ ದಬಾಂಗ್ ಡೆಲ್ಲಿ ಹಾಗೂ ಯು ಮುಂಬಾ ತಂಡಗಳು ಉದ್ಘಾಟನಾ ಪಂದ್ಯದಲ್ಲಿ ಸೆಣಸಾಟ ನಡೆಸಲಿವೆ. 9ನೇ ಆವೃತ್ತಿಯ ಪಿಕೆಎಲ್ ಟೂರ್ನಿಗೂ ಮುನ್ನ ಎಲ್ಲಾ ತಂಡಗಳ ಬಲಾಬಲ ಹೀಗಿದೆ ನೋಡಿ.
ತಂಡದಲ್ಲಿ ತಾರಾ ಆಟಗಾರರ ಕೊರತೆ ಇದೆ. ಸಂಪೂರ್ಣ ಹೊಸ ರೈಡಿಂಗ್‌ ಪಡೆ ಹೊಂದಿದ್ದು, ವಿಕಾಸ್‌ ಖಂಡೋಲಾ ಮೇಲೆ ಹೆಚ್ಚಿನ ನಿರೀಕ್ಷೆ ಇಡಲಾಗಿದೆ. ಮಹೇಂದರ್‌ ನಾಯಕತ್ವ ಕುತೂಹಲ ಮೂಡಿಸಿದೆ.
ಕಳೆದ ಆವೃತ್ತಿ ಸಾಧನೆ: ಸೆಮಿಫೈನಲ್‌ ಪ್ರವೇಶ
ರೈಡ್‌ ಮಷಿನ್‌ ನವೀನ್‌ ಕುಮಾರ್ ಈ ಬಾರಿ ನಾಯಕತ್ವದ ಒತ್ತಡ ನಿಭಾಯಿಸುವುದರ ಜೊತೆಗೆ ಪ್ರಮುಖ ರೈಡರ್‌ ಆಗಿ ಆಟಬೇಕು. ಅನುಭವಿ ಡಿಫೆಂಡರ್‌ಗಳ ಉಪಸ್ಥಿತಿ ತಂಡ ಬಲಿಷ್ಠವಾಗಿ ತೋರುವಂತೆ ಮಾಡಿದೆ.
ಕಳೆದ ಆವೃತ್ತಿ ಸಾಧನೆ: ಚಾಂಪಿಯನ್
ಕಳೆದ ವರ್ಷವಿದ್ದ ಬಹುತೇಕರನ್ನು ಉಳಿಸಿಕೊಳ್ಳಲಾಗಿದೆ. ಸಚಿನ್‌ ರೈಡರ್‌ಗಳನ್ನು ಮುನ್ನಡೆಸಲಿದ್ದು, ರಕ್ಷಣಾ ಪಡೆಯನ್ನು ನಾಯಕ ನೀರಜ್‌, ಇರಾನ್‌ನ ಮೊಹಮದ್‌ ರೇಜಾ ನೋಡಿಕೊಳ್ಳಲಿದ್ದಾರೆ.
ಕಳೆದ ಆವೃತ್ತಿ ಸಾಧನೆ: ರನ್ನರ್‌-ಅಪ್‌
ಕಳೆದ ಆವೃತ್ತಿಯಲ್ಲಿ ಗಾಯಗೊಂಡಿದ್ದ ಪ್ರದೀಪ್‌ ನರ್ವಾಲ್‌ ಈ ಬಾರಿ ಫಿಟ್‌ ಆಗಿದ್ದಾರೆ. ಇದು ತಂಡದ ಬಹುದೊಡ್ಡ ಪ್ಲಸ್‌ ಪಾಯಿಂಟ್‌. ಉತ್ತಮ ಡಿಫೆಂಡರ್‌ಗಳಿದ್ದು ತಂಡ ಬಲಿಷ್ಠವಾಗಿದೆ.
ಕಳೆದ ಆವೃತ್ತಿ ಸಾಧನೆ: ಸೆಮಿಫೈನಲ್‌ ಪ್ರವೇಶ
ಮಣೀಂದರ್‌ ಜೊತೆಗೆ ರೈಡಿಂಗ್‌ ಪಡೆಗೆ ಶ್ರೀಕಾಂತ್‌, ದೀಪಕ್‌ ಹೂಡಾ ಸೇರ್ಪಡೆಯಿಂದ ಬಲ ಹೆಚ್ಚಿದೆ. ರಕ್ಷಣಾ ಪಡೆ ಸ್ವಲ್ಪ ದುರ್ಬಲವಾಗಿ ತೋರುತ್ತಿದ್ದು, ಲೀಗ್ ಸಾಗಿದಂತೆ ಸಮಸ್ಯೆ ಆಗಬಹುದು.
ಕಳೆದ ಆವೃತ್ತಿ ಸಾಧನೆ: 9ನೇ ಸ್ಥಾನ
ಹೊಸ ಕೋಚ್‌, ಹೊಸ ನಾಯಕ ತಂಡ ಹೊಸ ರೂಪ ಪಡೆದು ಕಣಕ್ಕಿಳಿಯಲಿದೆ. ಕಳೆದ ಆವೃತ್ತಿಯಲ್ಲಿ ಮಿಂಚಿದ್ದ ರೈಡರ್‌ಗಳಾದ ರಾಕೇಶ್‌ ಹಾಗೂ ಪ್ರದೀಪ್‌ ಮೇಲೆ ಭಾರೀ ನಿರೀಕ್ಷೆ ಇಡಲಾಗಿದೆ.
ಕಳೆದ ಆವೃತ್ತಿ ಸಾಧನೆ: 6ನೇ ಸ್ಥಾನ
ಉತ್ತಮ ರೈಡರ್‌ಗಳನ್ನು ಹೊಂದಿರುವ ತಂಡ ಡಿಫೆನ್ಸ್‌ನಲ್ಲಿ ದುರ್ಬಲವಾಗಿ ತೋರುತ್ತಿದೆ. ಜೊತೆಗೆ ನಾಯಕ ಜೋಗಿಂದರ್‌ ನಿವೃತ್ತಿಯ ಅಂಚಿನಲ್ಲಿದ್ದು ಅವರಿಂದ ಪರಿಣಾಮಕಾರಿ ಪ್ರದರ್ಶನ ಅನುಮಾನ.
ಕಳೆದ ಆವೃತ್ತಿ ಸಾಧನೆ: 7ನೇ ಸ್ಥಾನ
ರಾಹುಲ್ ಚೌಧರಿ ರಾಷ್ಟ್ರೀಯ ಚಾಂಪಿಯನ್‌ಶಿಪ್‌ನಲ್ಲಿ ಉತ್ತಮ ಲಯ ತೋರಿದ್ದರು. ಅವರ ಸೇರ್ಪಡೆ ತಂಡಕ್ಕೆ ಬೋನಸ್‌. ಡಿಫೆನ್ಸ್‌ನಲ್ಲಿ ನಾಯಕ ಸುನೀಲ್‌ ಕುಮಾರ್ ನಿರ್ಣಾಯಕ ಪಾತ್ರ ವಹಿಸಬೇಕು.
ಕಳೆದ ಆವೃತ್ತಿ ಸಾಧನೆ: 8ನೇ ಸ್ಥಾನ
ಕಾಗದದ ಮೇಲೆ ಅತ್ಯಂತ ಬಲಿಷ್ಠವಾಗಿ ಕಾಣುತ್ತಿರುವ ತಂಡ. ಇರಾನ್‌ನ ಫಜಲ್‌, ನಬೀಬಕ್‌್ಷ ಟ್ರಂಪ್‌ ಕಾರ್ಡ್ಸ್ ಆಗಬಹುದು. ಅಸ್ಲಾಂ, ಮೋಹಿತ್‌, ಪಂಕಜ್‌, ಶುಭಂ ರೈಡಿಂಗ್‌ನಲ್ಲಿ ಮಿಂಚು ಹರಿಸಬಲ್ಲರು.
ಕಳೆದ ಆವೃತ್ತಿ ಸಾಧನೆ: 5ನೇ ಸ್ಥಾನ
ಏಕಾಂಗಿಯಾಗಿ ತಂಡವನ್ನು ಗೆಲ್ಲಿಸಬಲ್ಲ ಆಟಗಾರ ಪವನ್‌ ಶೆರಾವತ್‌ ಸೇರ್ಪಡೆ ತಂಡದ ಚಿತ್ರಣವನ್ನೇ ಬದಲಿಸಿದೆ. ಡಿಫೆಂಡರ್‌ಗಳಿಂದ ಉತ್ತಮ ಬೆಂಬಲ ದೊರೆತರೆ ತಂಡ ಪ್ಲೇ-ಆಫ್‌ಗೇರಬಹುದು.
ಕಳೆದ ಆವೃತ್ತಿ ಸಾಧನೆ: 11ನೇ ಸ್ಥಾನ
ಟ್ರೋಫಿ ಗೆಲ್ಲಬಲ್ಲ ನೆಚ್ಚಿನ ತಂಡಗಳ ಪೈಕಿ ಒಂದು. ಸಿದ್ಧಾಥ್‌ರ್‍, ಅಭಿಷೇಕ್‌, ಮೋನು ಗೋಯತ್‌ ರೈಡಿಂಗ್‌ ಬಲ. ಡಿಫೆನ್ಸ್‌ನಲ್ಲಿ ರವೀಂದರ್‌, ಸುರ್ಜೀತ್‌, ವಿಶಾಲ್‌, ಪರ್ವೇಶ್‌ ಇದ್ದಾರೆ.
ಕಳೆದ ಆವೃತ್ತಿ ಸಾಧನೆ: 12ನೇ ಸ್ಥಾನ
ಕಳೆದ ಆವೃತ್ತಿಯಲ್ಲಿ ಮಿಂಚಿದ್ದ ಗುಮಾನ್‌ ಸಿಂಗ್‌ ಈ ಬಾರಿ ಮುಂಬೈನ ಪ್ರಮುಖ ರೈಡರ್‌. ತಾರಾ ಹಾಗೂ ಅನುಭವಿಗಳ ಕೊರತೆ ಕಾಣುತ್ತಿದೆ. ಯುವ ಪ್ರತಿಭೆಗಳ ಮೇಲೆ ತಂಡ ಅವಲಂಬಿತಗೊಂಡಿದೆ.
ಕಳೆದ ಆವೃತ್ತಿ ಸಾಧನೆ: 10ನೇ ಸ್ಥಾನ