ಹೌದು ಹೋಟೆಲ್ ಗೆ ಗೋಡೆಗಳೂ ಇಲ್ಲ, ಛಾವಣಿಯೂ ಇಲ್ಲ... ಆಕಾಶದ ಕೆಳಗೆ ತೆರೆದ ಪ್ರದೇಶದಲ್ಲಿದೆ. ಇದು ಒಂದು ಪ್ರಕಾರದಲ್ಲಿ ಓಪನ್ ಏರ್ ಹೋಟೆಲ್ ರೂಂ ಎನ್ನಬಹುದು. ಸ್ವಿಡ್ಜರ್ಲೆಂಡ್ ನ ಸುಂದರವಾದ ಬೆಟ್ಟ ಗುಡ್ಡಗಳ ನಡುವೆ ಇದನ್ನು ನಿರ್ಮಿಸಲಾಗಿದೆ.
undefined
ಈ ಹೋಟೆಲ್ ಹೆಸರು the null stern hotel. ಛಾವಣಿಯಾಗಲೀ ನಾಲ್ಕೂ ಕಡೆ ಗೋಡೆಗಳಿಲ್ಲದೇ ಇರುವುದು ಈ ಹೋಟೆಲ್ ವಿಶೇಷತೆ. ಇಲ್ಲೊಂದು ಸುಂದರವಾದ ಕ್ವೀನ್ ಸೈಜ್ ಬೆಡ್ ಹಾಕಿದ್ದು, ಇದರ ಮೇಲೆ ಬಿಳಿ ಬಣ್ಣದ ಬೆಡ್ ಶೀಟ್ ಹಾಸಿಟ್ಟಿರುತ್ತಾರೆ. ಈ ಬೆಡ್ ಸುತ್ತಲೂ ಲ್ಯಾಂಪ್ ಸೆಟ್ ಗಳನ್ನು ಹಾಕಿರುತ್ತಾರೆ.
undefined
ಇಲ್ಲಿ ಬೆಡ್ ಬಿಟ್ಟರೆ ಮತ್ತೇನೂ ಇರುವುದಿಲ್ಲ. ಇದು ಕೇಳಲು ವಿಚಿತ್ರವಾಗಿದ್ದರೂ, ಫೋಟೋ ನೋಡಿದ ಬಳಿಕ ಒಂದು ಬಾರಿಯಾದರೂ ನೋಡಬೇಕೆಂಬ ಇಚ್ಛೆ ಮೂಡುವುದರಲ್ಲಿ ಅನುಮಾನವಿಲ್ಲ. ಯಾಕೆಂದರೆ ಈ ಹೋಟೇಲ್ ರೂಂ ಸುತ್ತಮುತ್ತಲಿನ ಪರಿಸರವೇ ಅಷ್ಟು ಮನಮೋಹಕವಾಗಿದೆ.
undefined
ಸಮುದ್ರ ಮಟ್ಟಕ್ಕಿಂತ ಸುಮಾರು 6,463 ಅಡಿ ಎತ್ತರದಲ್ಲಿರುವ ಈ ರೂಂನಲ್ಲಿ ಒಂದು ರಾತ್ರಿ ಉಳಿದುಕೊಳ್ಳಬೇಕಾದರೆ 15,000 ರೂಪಾಯಿ ಬಾಡಿಗೆ ನೀಡಬೇಕಾಗುತ್ತದೆ.
undefined
ಜರ್ಮನ್ ನಲ್ಲಿ ಈ ಹೋಟೆಲ್ ಹೆಸರು ಜೀರೋ ಸ್ಟಾರ್ ಎಂಬ ಅರ್ಥ ಪಡೆದುಕೊಳ್ಳುತ್ತದೆ. ಜಗತ್ತಿನಾದ್ಯಂತ ಹೋಟೇಲ್ ಗಳ ವಿಸೇಷತೆಯನ್ನು ಅವುಗಳಿಗೆ ನೀಡಲಾಗುವ ಸ್ಟಾರ್ ಗಳನ್ನು ಅವಲಂಭಿಸಿರುತ್ತದೆ. ಆದರೆ ಈ ಹೋಟೆಲ್ ಹೆಸರು ಮಾತ್ರ ಹೀರೋ ಸ್ಟಾರ್ ಎಂಬುವುದು ಬಹಳ ಅಚ್ಚರಿ ಮುಡಿಸುವ ವಿಚಾರ.
undefined
2016ರಲ್ಲಿ ಆರಂಭವಾದ ಈ ಹೋಟೆಲ್ ಬುಕ್ಕಿಂಗ್ ಆರಂಭವಾಗಿದ್ದು ಮಾತ್ರ 2017ರಲ್ಲಿ. ಈ ಹೋಟೆಲ್ ಡಿಮ್ಯಾಂಡ್ ಅದೆಷ್ಟರ ಮಟ್ಟಿಗೆ ಇದೆ ಎಂದರೆ ಸದ್ಯ ಇದರ ಮಾಲೀಕ ಇಂತಹುದೇ ಇನ್ನೂ ಹಲವು ಹೋಟೇಲ್ ನಿರ್ಮಿಸುವ ಯೋಚನೆಯಲ್ಲಿದ್ದಾರೆ.
undefined
ಹೊಟೇಲ್ ಮಾಲೀಕರು ಹೋಟೆಲ್ ಕುರಿತಾಗಿ ಮಾತನಾಡುತ್ತಾ ಇಲ್ಲಿಗೆ ಭೇಟಿ ನೀಡಿ ಉಳಿದುಕೊಳ್ಳುವವರೇ ನಮ್ಮ ಸ್ಟಾರ್ ಗಳು. ನಾವು ಈ ಹೋಟೆಲ್ ಗೋಡೆ, ಛಾವಣಿ ಎಲ್ಲವನ್ನೂ ತೆಗೆದಿದ್ದೇವೆ. ಕೇವಲ ಇಲ್ಲಿಗೆ ಭೇಟಿ ನೀಡುವ ಜನರ ನೆನಪುಗಳನ್ನಷ್ಟೇ ಉಳಿಸಿಕೊಂಡಿದ್ದೇವೆ ಎಂದಿದ್ದಾರೆ.
undefined