ದೇವದತ್ ಪಡಿಕ್ಕಲ್ ಸದ್ಯ ಆರ್‌ಸಿಬಿ ತಂಡದ ಅತ್ಯಂತ ನಂಬಿಕಸ್ಥ ಆರಂಭಿಕ ಬ್ಯಾಟ್ಸ್ಮನ್ ಆಗಿ ಗುರುತಿಸಿಕೊಳ್ಳುವ ಮೂಲಕ ತಮ್ಮ ಸ್ಥಾನವನ್ನು ಭದ್ರಪಡಿಸಿಕೊಂಡಿದ್ದಾರೆ.
undefined
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಆರಂಭಿಕ ಬ್ಯಾಟ್ಸ್ಮನ್ ಕರ್ನಾಟಕದ ದೇವದತ್ ಪಡಿಕ್ಕಲ್ ಬ್ಯಾಟಿಂಗ್ ಶೈಲಿ, ಆಸೀಸ್‌ನ ಮಾಜಿ ಆರಂಭಿಕ ಆಟಗಾರ ಮ್ಯಾಥ್ಯೂ ಹೇಡನ್ ಅವರಂತೆ ಇದೆ ಎಂದು ಆಲ್ರೌಂಡರ್ ಮೋರಿಸ್ ಹೇಳಿದ್ದಾರೆ.
undefined
ಶುಕ್ರವಾರ(ಅ.23)ರಂದು ನಡೆದ ವಚ್ರ್ಯುವಲ್‌ ಆನ್‌ಲೈನ್‌ ವಿಡಿಯೋ ಕಾನ್ಫರೆನ್ಸ್‌ನಲ್ಲಿ ಆರ್‌ಸಿಬಿ ಸ್ಟಾರ್ ಆಲ್ರೌಂಡರ್ ಕ್ರಿಸ್ ಮೋರಿಸ್ ಈ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
undefined
ಪಡಿಕ್ಕಲ್ ಬ್ಯಾಟಿಂಗ್ ವೇಳೆ ಆಯ್ಕೆ ಮಾಡುವ ಹೊಡೆತಗಳು ಹೇಡನ್ ರನ್ನು ನೆನಪಿಸುತ್ತದೆ. ಪಡಿಕ್ಕಲ್ ಆರಂಭದಲ್ಲಿ ಎದುರಾಳಿ ಬೌಲರ್‌ಗಳ ಮೇಲೆ ಸವಾರಿ ಮಾಡುವ ಆಟ ನಿಜಕ್ಕೂ ಮೆಚ್ಚುವಂತದ್ದಾಗಿದೆ ಎಂದು ದಕ್ಷಿಣ ಆಫ್ರಿಕಾ ಆಲ್ರೌಂಡರ್ ಕನ್ನಡಿಗನ ಆಟದ ಗುಣಗಾನ ಮಾಡಿದ್ದಾರೆ.
undefined
ಪಡಿಕ್ಕಲ್ ಆಸೀಸ್ ಆರಂಭಿಕ ಬ್ಯಾಟ್ಸ್ಮನ್ ಹೇಡನ್ ಅವರಂತೆ ದೈತ್ಯ ಆಟಗಾರನಲ್ಲದಿದ್ದರೂ, ಬ್ಯಾಟಿಂಗ್ ಶೈಲಿ ಅವರಂತೆಯೇ ಇದೆ ಎಂದಿದ್ದಾರೆ.
undefined
ದೇವದತ್ ಪಡಿಕ್ಕಲ್ ಭಾರತ ಕ್ರಿಕೆಟ್ ತಂಡದ ಭವಿಷ್ಯದ ಆಶಾಕಿರಣ ಎಂದು ಕ್ರಿಸ್ ಮೋರಿಸ್ ಭವಿಷ್ಯ ನುಡಿದಿದ್ದಾರೆ.
undefined
ಇದೇ ವೇಳೆ ಪ್ರಸಕ್ತ ಆವೃತ್ತಿಯ ಐಪಿಎಲ್ ಟೂರ್ನಿಯಲ್ಲಿ ಅದ್ಭುತ ಪ್ರದರ್ಶನ ತೋರುತ್ತಿರುವ ಯುವ ಆಲ್ರೌಂಡರ್ ವಾಷಿಂಗ್ಟನ್‌ ಸುಂದರ್‌ ಕೂಡ ಅತ್ಯದ್ಭುತ ಆಟಗಾರ ಎಂದಿದ್ದಾರೆ.
undefined
ಪಂದ್ಯಕ್ಕೂ ಮುನ್ನ ಯುವ ವೇಗಿಗಳಾದ ನವದೀಪ್‌ ಸೈನಿ ಹಾಗೂ ಮೊಹಮದ್‌ ಸಿರಾಜ್ ಪೂರ್ವಭಾವಿ ಅಭ್ಯಾಸವನ್ನು ಮೋರಿಸ್ ಮೆಚ್ಚಿಕೊಂಡಿದ್ದಾರೆ. ನಾನು ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಪರ ಆಡುವಾಗ ಸೈನಿ ನೆಟ್ ಬೌಲರ್ ಆಗಿದ್ದರು.
undefined
ಆಗ ರಾಕೆಟ್ ವೇಗದಲ್ಲಿ ಬೌಲಿಂಗ್‌ ಮಾಡುವ ಸೈನಿ ಇನ್ನೂ ಯಾಕೆ ಐಪಿಎಲ್‌ನಲ್ಲಿ ಆಡುತ್ತಿಲ್ಲ ಎಂದು ಆಶ್ಚರ್ಯವಾಗಿತ್ತು. ಈಗ ಸೈನಿ ಅಂತಾರಾಷ್ಟ್ರೀಯ ಆಟಗಾರನಾಗಿ ಬೆಳೆದಿರುವುದನ್ನು ನೋಡಿ ಖುಷಿಯಾಗುತ್ತಿದೆ ಎಂದು ಮೋರಿಸ್ ಹೇಳಿದ್ದಾರೆ.
undefined
ಸದ್ಯ ಕ್ರಿಸ್ ಮೋರಿಸ್ ಆರ್‌ಸಿಬಿ ತಂಡದ ಡೆತ್ ಓವರ್ ಸ್ಪೆಷಲಿಸ್ಟ್ ಬೌಲರ್ ಆಗಿ ಗುರುತಿಸಿಕೊಂಡಿದ್ದು, ಮೊದಲ 5 ಪಂದ್ಯಗಳಲ್ಲಿ 9 ವಿಕೆಟ್ ಕಬಳಿಸಿ ತಂಡಕ್ಕೆ ನೆರವಾಗಿದ್ದಾರೆ.
undefined
33 ವರ್ಷದ ಕ್ರಿಸ್ ಮೋರಿಸ್ ಗಾಯದ ಸಮಸ್ಯೆಯಿಂದಾಗಿ 13ನೇ ಆವೃತ್ತಿಯ ಐಪಿಎಲ್ ಟೂರ್ನಿಯ ಆರಂಭಿಕ ಹಂತದ ಪಂದ್ಯಗಳಿಂದ ಹೊರಗುಳಿದಿದ್ದರು.
undefined