ಐಎಎಸ್‌ ಅಧಿಕಾರಿ ಟೀನಾ ಡಾಬಿಗೆ ಮುದ್ದಾದ ಗಂಡು ಮಗು: ಮೊದಲ ಮಗು ಸ್ವಾಗತಿಸಿದ ದಂಪತಿ

ಟೀನಾ ಡಾಬಿ ಮತ್ತು ಅವರ ಪತಿ ಪ್ರದೀಪ್ ಗವಾಂಡೆ ತಮ್ಮ ಮದುವೆಯಾದ ಒಂದು ವರ್ಷದ ನಂತರ ಗಂಡು ಮಗುವಾಗಿದೆ.

ಐಎಎಸ್ ಅಧಿಕಾರಿ ಟೀನಾ ಡಾಬಿ ಶುಕ್ರವಾರ ಜೈಪುರ ಆಸ್ಪತ್ರೆಯಲ್ಲಿ ತಮ್ಮ ಮೊದಲ ಮಗುವನ್ನು ತಮ್ಮ ಪತಿ ಮತ್ತು ಸಹ ಐಎಎಸ್ ಅಧಿಕಾರಿ ಪ್ರದೀಪ್ ಗವಾಂಡೆ ಅವರೊಂದಿಗೆ ಸ್ವಾಗತಿಸಿದ್ದಾರೆ. ಟೀನಾ ಡಾಬಿ ಮತ್ತು ಅವರ ಪತಿ ಪ್ರದೀಪ್ ಗವಾಂಡೆ ತಮ್ಮ ಮದುವೆಯಾದ ಒಂದು ವರ್ಷದ ನಂತರ ಗಂಡು ಮಗುವಾಗಿದೆ. ಇತ್ತೀಚೆಗೆ ಟೀನಾ ಡಾಬಿಯ ಸೀಮಂತ ಫೋಟೋಗಳು ವೈರಲ್‌ ಆಗಿದ್ದವು.

ಐಎಎಸ್‌ ದಂಪತಿ ಕೋವಿಡ್ -19 ಸಾಂಕ್ರಾಮಿಕ ಸಮಯದಲ್ಲಿ ಸರಬರಾಜುಗಳನ್ನು ಖಾತ್ರಿಪಡಿಸುವ ಕಾರ್ಯವನ್ನು ನಿರ್ವಹಿಸಿದಾಗ ಭೇಟಿಯಾಗಿದ್ದರು. ಕಳೆದ ವರ್ಷ ಏಪ್ರಿಲ್ 22 ರಂದು ಅವರು ವಿವಾಹವಾದರು. 2016 ರ ರಾಜಸ್ಥಾನ ಕೇಡರ್‌ನ ಅಧಿಕಾರಿ ಟೀನಾ ದಾಬಿ ಅವರನ್ನು ಕೊನೆಯದಾಗಿ ಜೈಸಲ್ಮೇರ್‌ನಲ್ಲಿ ಜಿಲ್ಲಾ ಮ್ಯಾಜಿಸ್ಟ್ರೇಟ್ ಆಗಿ ನಿಯೋಜಿಸಲಾಗಿತ್ತು. ಜುಲೈ 14 ರಂದು, ಅವರು ಕೆಲಸದಿಂದ ವಿರಾಮ ತೆಗೆದುಕೊಳ್ಳುತ್ತಿರುವುದಾಗಿ ಇನ್ಸ್ಟಾಗ್ರಾಮ್‌ ಪೋಸ್ಟ್‌ನಲ್ಲಿ ಘೋಷಿಸಿದರು.

2015 ರ ಯುಪಿಎಸ್ಸಿ ಪರೀಕ್ಷೆಯಲ್ಲಿ AIR 1 ಗಳಿಸಿದ IAS ಟೀನಾ ದಾಬಿ ಜುಲೈನಲ್ಲಿ ತನ್ನ ಹೆರಿಗೆ ರಜೆಗಾಗಿ ಹೊರಡುವಾಗ ಜೈಸಲ್ಮೇರ್ ಜಿಲ್ಲೆಗೆ ವಿದಾಯ ಹೇಳುವ ಹೃದಯಸ್ಪರ್ಶಿ ಸಂದೇಶವನ್ನು ಬರೆದಿದ್ದರು. “ಅಲ್ವಿದಾ ಜೈಸಲ್ಮೇರ್! ಜಿಲ್ಲಾಧಿಕಾರಿ ಮತ್ತು ಮ್ಯಾಜಿಸ್ಟ್ರೇಟ್ ಆಗಿ ಒಂದು ವರ್ಷ ಈ ಅದ್ಭುತ ಜಿಲ್ಲೆಗೆ ಸೇವೆ ಸಲ್ಲಿಸಲು ಅವಕಾಶ ಸಿಕ್ಕಿರುವುದು ನಿಜಕ್ಕೂ ಆಶೀರ್ವಾದವಾಗಿದೆ’’ ಎಂದು ಅವರು ಶೀರ್ಷಿಕೆಯಲ್ಲಿ ಬರೆದಿದ್ದರು. 

ಈ ಹಿಂದೆ ಜೈಸಲ್ಮೇರ್‌ನ ಜಿಲ್ಲಾಧಿಕಾರಿ ಹುದ್ದೆಯನ್ನು ಅಲಂಕರಿಸಿದ್ದ ಟೀನಾ ಡಾಬಿ, ಜೈಪುರ ನಗರದ ಫೀಲ್ಡ್‌ ಕೆಲಸಗಳಲ್ಲದ ಹುದ್ದೆಗೆ ತನ್ನನ್ನು ವರ್ಗಾವಣೆ ಮಾಡುವಂತೆ ರಾಜಸ್ಥಾನ ಸರ್ಕಾರಕ್ಕೆ ಮನವಿ ಮಾಡಿದ್ದರು.

ಟೀನಾ ಡಾಬಿ ಕಳೆದ ವರ್ಷ ಐಎಎಸ್ ಅಧಿಕಾರಿ ಡಾ. ಪ್ರದೀಪ್ ಗವಾಂಡೆ ಅವರನ್ನು ವಿವಾಹವಾದರು. ಅವರ ಮದುವೆಯ ಸ್ವಲ್ಪ ಸಮಯದ ನಂತರ, ಡಾ. ಗವಾಂಡೆ ಅವರನ್ನು ರಾಜಸ್ಥಾನ ಸ್ಟೇಟ್ ಮೈನ್ಸ್ ಮತ್ತು ಮಿನರಲ್ಸ್ ಲಿಮಿಟೆಡ್‌ನ ವ್ಯವಸ್ಥಾಪಕ ನಿರ್ದೇಶಕರಾಗಿ ನೇಮಿಸಲಾಯಿತು ಮತ್ತು ಉದಯಪುರಕ್ಕೆ ವರ್ಗಾಯಿಸಲಾಯಿತು. 

2013ರ ಬ್ಯಾಚ್‌ನ ಐಎಎಸ್ ಅಧಿಕಾರಿ ಪ್ರದೀಪ್ ಗವಾಂಡೆ ಮಹಾರಾಷ್ಟ್ರದ ಲಾತೂರ್‌ನಿಂದ ಬಂದವರು. ಅವರು ಔರಂಗಾಬಾದ್‌ನ ಘಾಟಿ ಆಸ್ಪತ್ರೆಯಲ್ಲಿ ಎಂಬಿಬಿಎಸ್ ಮುಗಿಸಿದರು. 2013 ರಲ್ಲಿ UPSC ಪಾಸಾದ ಅವರು ಈಗ ರಾಜಸ್ಥಾನ ಕೇಡರ್‌ನ IAS ಅಧಿಕಾರಿಯಾಗಿದ್ದಾರೆ.