ದೇವಸ್ಥಾನದ ಹುಂಡಿಗೆ ಬಿದ್ದ ಮೊಬೈಲ್ ಯಾರಿಗೆ ಸೇರುತ್ತೆ? ಐಫೋನ್ ಮಾಲೀಕನ ಗೋಳಾಟ

ತಿರುಪ್ಪೋರೂರು ಕಂದಸ್ವಾಮಿ ದೇವಸ್ಥಾನದ ಹುಂಡಿಯಲ್ಲಿ ಐಫೋನ್ ಸಿಕ್ಕಿದೆ. ಫೋನ್ ಓನರ್ ವಾಪಸ್ ಕೇಳಿದ್ರೆ ದೇವಸ್ಥಾನದವರು ಕೊಡೋದಿಲ್ಲ ಅಂತ ಹೇಳಿದ್ದಾರೆ. ಎಲ್ಲವೂ ದೇವರಿಗೆ ಸಮರ್ಪಣೆ ಅಂತೆ.

ತಿರುಪ್ಪೋರೂರು ದೇವಸ್ಥಾನ

ಚೆಂಗಲ್ಪಟ್ಟು ಜಿಲ್ಲೆಯ ತಿರುಪ್ಪೋರೂರಿನಲ್ಲಿ ಪ್ರಸಿದ್ಧ ಕಂದಸ್ವಾಮಿ ದೇವಸ್ಥಾನವಿದೆ. ಈ ದೇವಸ್ಥಾನಕ್ಕೆ ಚೆನ್ನೈನಿಂದ ಮಾತ್ರವಲ್ಲದೆ ಬೇರೆ ರಾಜ್ಯಗಳಿಂದಲೂ ಭಕ್ತರು ಬರ್ತಾರೆ. ಮಂಗಳವಾರದಂದು ಜಾತ್ರೆ ನಡೆದಿತ್ತು. 6 ತಿಂಗಳ ನಂತರ ಹುಂಡಿ ತೆಗೆದು ಹಣ ಎಣಿಸಿದಾಗ ಐಫೋನ್ ಸಿಕ್ಕಿದೆ.

ತಿರುಪ್ಪೋರೂರು ದೇವಸ್ಥಾನ

52 ಲಕ್ಷ ರೂಪಾಯಿ, 286 ಗ್ರಾಂ ಚಿನ್ನ, 6820 ಗ್ರಾಂ ಬೆಳ್ಳಿ ಹುಂಡಿಯಲ್ಲಿತ್ತು. ಹಣ ಎಣಿಸುವಾಗ ಒಂದು ಐಫೋನ್ ಸಿಕ್ಕಿದೆ. ಫೋನ್ ಯಾರದ್ದು ಅಂತ ವಿಚಾರಿಸಿದಾಗ ಅದು ಚೆನ್ನೈನ ಅಂಬತ್ತೂರಿನ ದಿನೇಶ್ ಅವರದ್ದು ಅಂತ ಗೊತ್ತಾಗಿದೆ.

ದಿನೇಶ್ ಅಕ್ಟೋಬರ್ 18 ರಂದು ಕುಟುಂಬದೊಂದಿಗೆ ದೇವಸ್ಥಾನಕ್ಕೆ ಬಂದಾಗ ಹಣ ಹಾಕುವಾಗ ಫೋನ್ ಹುಂಡಿಗೆ ಬಿದ್ದಿದೆ ಅಂತ ದೇವಸ್ಥಾನದವರಿಗೆ ದೂರು ಕೊಟ್ಟಿದ್ದರು. ದೇವಸ್ಥಾನದವರು ಹುಂಡಿಗೆ ಬಿದ್ದಿದ್ದೆಲ್ಲ ದೇವರಿಗೆ ಸೇರಿದ್ದು ಅಂತ ಹೇಳಿ ಫೋನ್ ಕೊಡೋಕೆ ಒಪ್ಪಲಿಲ್ಲ.

ಮೊಬೈಲ್ ಫೋನ್

ದಿನೇಶ್ ಚೆನ್ನೈನಲ್ಲಿರುವ ಹಿಂದೂ ಧಾರ್ಮಿಕ ದತ್ತಿ ಇಲಾಖೆಗೆ ದೂರು ಕೊಟ್ಟಿದ್ದಾರೆ. ಅವರ ಫೋನ್ ವಾಪಸ್ ಕೊಡಬೇಕು ಅಂತ ಕೇಳಿದ್ದಾರೆ. ವಿಚಾರಣೆ ನಡೆಸಿ ಫೋನ್ ಕೊಡಬೇಕೋ ಬೇಡವೋ ಅಂತ ನಿರ್ಧರಿಸುತ್ತಾರೆ ಅಂತ ಅಧಿಕಾರಿಗಳು ಹೇಳಿದ್ದಾರೆ.

ಮಂತ್ರಿ ಸೇಕರ್ ಬಾಬು

ಈ ಬಗ್ಗೆ ಮಂತ್ರಿ ಸೇಕರ್ ಬಾಬು ಹೇಳಿಕೆ ಕೊಟ್ಟಿದ್ದಾರೆ. ಹುಂಡಿಗೆ ಬಿದ್ದ ಎಲ್ಲವೂ ದೇವರಿಗೆ ಸಮರ್ಪಣೆ ಅಂತ ಹೇಳಿದ್ದಾರೆ. ಇದಕ್ಕೆ ಕಾನೂನು ವಿನಾಯಿತಿ ಇದೆಯಾ ಅಂತ ವಿಚಾರಿಸಿ ತಕ್ಕ ಕ್ರಮ ತೆಗೆದುಕೊಳ್ಳುತ್ತೇವೆ ಅಂತ ಹೇಳಿದ್ದಾರೆ.