ಗಮನಕ್ಕೆ..ಸೈನಿಕ ಶಾಲೆಗಳ ಪ್ರವೇಶ ಪರೀಕ್ಷೆಗೆ ಅರ್ಜಿ ಹಾಕಲು ನಾಳೆಯೇ ಕೊನೇ ದಿನ!

2025-26ನೇ ಶೈಕ್ಷಣಿಕ ವರ್ಷದಲ್ಲಿ ನಿಮ್ಮ ಮಕ್ಕಳನ್ನು ಸೈನಿಕ ಶಾಲೆಗೆ ಸೇರಿಸಬೇಕೆಂದಿದ್ದೀರಾ? ಹಾಗಾದರೆ ಇದೇ ಸುವರ್ಣಾವಕಾಶ... ನಾಳೆಯೊಳಗೆ ಅರ್ಜಿ ಸಲ್ಲಿಸಿ.

ನಿಮ್ಮ ಮಕ್ಕಳು ಭಾರತೀಯ ಸೇನೆಯಲ್ಲಿ ಸೇವೆ ಸಲ್ಲಿಸಬೇಕೆಂಬುದು ನಿಮ್ಮ ಆಸೆಯೇ? ಹಾಗಾದರೆ ಕೇಂದ್ರ ಸರ್ಕಾರದ ಸೈನಿಕ ಶಾಲೆಗೆ ಅವರನ್ನು ಸೇರಿಸಿ. 2025-26ನೇ ಶೈಕ್ಷಣಿಕ ವರ್ಷದ ಆರನೇ ಮತ್ತು ಒಂಬತ್ತನೇ ತರಗತಿಗಳಿಗೆ ಅಖಿಲ ಭಾರತ ಸೈನಿಕ ಶಾಲಾ ಪ್ರವೇಶ ಪರೀಕ್ಷೆಗೆ (AISSEE 2025) ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (NTA) ಅರ್ಜಿ ಆಹ್ವಾನಿಸಿದೆ.

ರಕ್ಷಣಾ ಸಚಿವಾಲಯ ಮತ್ತು ರಾಜ್ಯ ಸರ್ಕಾರಗಳು ಜಂಟಿಯಾಗಿ ನಡೆಸುವ ವಸತಿ ಶಾಲೆಯೇ ಸೈನಿಕ ಶಾಲೆ. ಭಾರತೀಯ ಪಬ್ಲಿಕ್ ಶಾಲೆಗಳ ಸಮ್ಮೇಳನದ ಪಠ್ಯಕ್ರಮವನ್ನು ಇದು ಅನುಸರಿಸುತ್ತದೆ. ಈ ಶಾಲೆಗಳಲ್ಲಿ ಹುಡುಗರಿಗೆ ಮಾತ್ವೇರ ಪ್ರವೇಶ ನೀಡಲಾಗುತ್ತದೆ. ದೇಶಾದ್ಯಂತ 33 ಸೈನಿಕ ಶಾಲೆಗಳಲ್ಲಿ ಆರನೇ ಮತ್ತು ಒಂಬತ್ತನೇ ತರಗತಿಗಳಿಗೆ ಪ್ರತಿವರ್ಷ ಪ್ರವೇಶ ಪರೀಕ್ಷೆ ನಡೆಸಲಾಗುತ್ತದೆ.

ಸೈನಿಕ ಶಾಲಾ ಪ್ರವೇಶ ೨೦೨೫

2025-26ನೇ ಶೈಕ್ಷಣಿಕ ವರ್ಷದ ಆರನೇ ಮತ್ತು ಒಂಬತ್ತನೇ ತರಗತಿಗಳಿಗೆ ರಾಷ್ಟ್ರೀಯ ಮಟ್ಟದ ಪ್ರವೇಶ ಪರೀಕ್ಷೆ ಫೆಬ್ರವರಿಯಲ್ಲಿ ನಡೆಯಲಿದೆ. ಆನ್‌ಲೈನ್ ಅರ್ಜಿಗಳು ಡಿಸೆಂಬರ್ 24 ರಿಂದ ಆರಂಭವಾಗಿವೆ.

ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ ನಾಳೆ (ಜನವರಿ 23, ಗುರುವಾರ). ಆಸಕ್ತ ಅಭ್ಯರ್ಥಿಗಳು https://exams.nta.ac.in/AISSEE/ ಮೂಲಕ ತಕ್ಷಣ ಅರ್ಜಿ ಸಲ್ಲಿಸಬೇಕು. ಪರಿಶಿಷ್ಟ ಜಾತಿ/ಪರಿಶಿಷ್ಟ ಪಂಗಡದ ಅಭ್ಯರ್ಥಿಗಳಿಗೆ ಅರ್ಜಿ ಶುಲ್ಕ ₹650 ಮತ್ತು ಇತರರಿಗೆ ₹800. ಜನವರಿ 24ರೊಳಗೆ ಆನ್‌ಲೈನ್‌ನಲ್ಲಿ ಪಾವತಿಸಬೇಕು.

ಅರ್ಹತೆಗಳು :

ಆರನೇ ತರಗತಿಗೆ ಅರ್ಜಿ ಸಲ್ಲಿಸುವ ವಿದ್ಯಾರ್ಥಿಗಳು ಐದನೇ ತರಗತಿ ಪಾಸಾಗಿ ಮಾರ್ಚ್ 31, 2025ಕ್ಕೆ 10 ರಿಂದ 12 ವರ್ಷದೊಳಗಿರಬೇಕು. ಒಂಬತ್ತನೇ ತರಗತಿಗೆ ಅರ್ಜಿ ಸಲ್ಲಿಸುವವರು ಎಂಟನೇ ತರಗತಿ ಪಾಸಾಗಿ 13 ರಿಂದ 15 ವರ್ಷದೊಳಗಿರಬೇಕು.

ಪರೀಕ್ಷಾ ವಿಧಾನ :

ಆರನೇ ತರಗತಿ ವಿದ್ಯಾರ್ಥಿಗಳಿಗೆ ಮಧ್ಯಾಹ್ನ 2 ರಿಂದ ಸಂಜೆ 4:40 ರವರೆಗೆ ಪರೀಕ್ಷೆ ಇರುತ್ತದೆ. ಒಂಬತ್ತನೇ ತರಗತಿ ವಿದ್ಯಾರ್ಥಿಗಳಿಗೆ ಮಧ್ಯಾಹ್ನ 2 ರಿಂದ ಸಂಜೆ 5 ರವರೆಗೆ ಪರೀಕ್ಷೆ ಇರುತ್ತದೆ.

ಆರನೇ ತರಗತಿ ಪ್ರವೇಶಕ್ಕೆ 125 ಪ್ರಶ್ನೆಗಳಿಗೆ 300 ಅಂಕಗಳು ಇರುತ್ತವೆ. ಭಾಷೆಗಳಿಗೆ 25 ಪ್ರಶ್ನೆಗಳಿಗೆ 50 ಅಂಕಗಳು, ಗಣಿತಕ್ಕೆ 50 ಪ್ರಶ್ನೆಗಳಿಗೆ 150 ಅಂಕಗಳು, ಬುದ್ಧಿಮತ್ತೆಗೆ 25 ಪ್ರಶ್ನೆಗಳಿಗೆ 50 ಅಂಕಗಳು, ಸಾಮಾನ್ಯ ಜ್ಞಾನಕ್ಕೆ 25 ಪ್ರಶ್ನೆಗಳಿಗೆ 50 ಅಂಕಗಳು ಇರುತ್ತವೆ.

ಒಂಬತ್ತನೇ ತರಗತಿ ಪ್ರವೇಶಕ್ಕೆ 150 ಪ್ರಶ್ನೆಗಳಿಗೆ 400 ಅಂಕಗಳು ಇರುತ್ತವೆ. ಗಣಿತಕ್ಕೆ 50 ಪ್ರಶ್ನೆಗಳಿಗೆ 200 ಅಂಕಗಳು, ಬುದ್ಧಿಮತ್ತೆಗೆ 25 ಪ್ರಶ್ನೆಗಳಿಗೆ 50 ಅಂಕಗಳು, ಇಂಗ್ಲಿಷ್‌ಗೆ 25 ಪ್ರಶ್ನೆಗಳಿಗೆ 50 ಅಂಕಗಳು, ಸಾಮಾನ್ಯ ವಿಜ್ಞಾನಕ್ಕೆ 25 ಪ್ರಶ್ನೆಗಳಿಗೆ 50 ಅಂಕಗಳು, ಸಮಾಜ ವಿಜ್ಞಾನಕ್ಕೆ 25 ಪ್ರಶ್ನೆಗಳಿಗೆ 50 ಅಂಕಗಳು ಇರುತ್ತವೆ.

ಅರ್ಜಿ ಸಲ್ಲಿಕೆ ವಿಧಾನ, ಅರ್ಹತಾ ಮಾನದಂಡಗಳು, ಹಾಲ್ ಟಿಕೆಟ್ ಬಿಡುಗಡೆ ಮತ್ತು ಇತರ ಮಾಹಿತಿಗಾಗಿ NTA ವೆಬ್‌ಸೈಟ್ (www.nta.ac.in) ಗೆ ಭೇಟಿ ನೀಡಿ. ಯಾವುದೇ ಪ್ರಶ್ನೆಗಳಿದ್ದರೆ, 011-011-40759000ಗೆ ಕರೆ ಮಾಡಿ ಅಥವಾ aissee@nta.ac.in ಗೆ ಇಮೇಲ್ ಕಳುಹಿಸಿ.