ಎಲ್ಲ ಆಯ್ತು, ಇದೀಗ ಪ್ಯಾನ್ ಕಾರ್ಡ್ ಹಿಂದೆ ಬಿದ್ದ ಅನ್‌ಲೈನ್ ವಂಚಕರು! ಎಚ್ಚರ, ಈ ತಪ್ಪು ಮಾಡ್ಬೇಡಿ!

ಪ್ಯಾನ್ ಕಾರ್ಡ್ ವಿವರಗಳನ್ನು ಅಪ್ಡೇಟ್ ಮಾಡಲು ಹೇಳಿ ಮೆಸೇಜ್ ಬರ್ತಿದೆಯಾ? ಹುಷಾರ್! ಇದು ಮೋಸ ಇರಬಹುದು. ಲಿಂಕ್ ಕ್ಲಿಕ್ ಮಾಡ್ಬೇಡಿ. ನಿಮ್ಮ ಖಾತೆ ಖಾಲಿ ಆಗಬಹುದು. ಪ್ಯಾನ್ ಕಾರ್ಡ್ ಮೋಸ ಹೇಗೆ ಆಗುತ್ತೆ? ಅದ್ರಿಂದ ತಪ್ಪಿಸಿಕೊಳ್ಳೋದು ಹೇಗೆ? ಇಲ್ಲಿ ತಿಳ್ಕೊಳ್ಳಿ.   

ಇಂಡಿಯಾ ಪೋಸ್ಟ್ ಪೇಮೆಂಟ್ಸ್ ಬ್ಯಾಂಕ್ (IPBB) ಗ್ರಾಹಕರಿಗೆ ಪ್ಯಾನ್ ಕಾರ್ಡ್ ಅಪ್ಡೇಟ್ ಮಾಡ್ಲಿಕ್ಕೆ ಹೇಳಿ ಫೇಕ್ ಮೆಸೇಜ್ ಬರ್ತಿದೆ. ಅಕೌಂಟ್ ಬ್ಲಾಕ್ ಆಗುತ್ತೆ ಅಂತ ಹೆದರಿಸುತ್ತಾರೆ. ಲಿಂಕ್ ಕ್ಲಿಕ್ ಮಾಡಿ ಬಹಳಷ್ಟು ಜನ ದುಡ್ಡು ಕಳ್ಕೊಂಡಿದ್ದಾರೆ. 

ಪತ್ರಿಕಾ ಮಾಹಿತಿ ಬ್ಯೂರೋ (ಪಿಐಬಿ) ಈ ಮೆಸೇಜ್ ಫೇಕ್ ಅಂತ ಹೇಳಿದೆ. ಇಂಡಿಯಾ ಪೋಸ್ಟ್ ಹೀಗೆ ಮೆಸೇಜ್ ಕಳಿಸಲ್ಲ. ಯಾವ ಲಿಂಕ್ ಕ್ಲಿಕ್ ಮಾಡ್ಬೇಡಿ, ವೈಯಕ್ತಿಕ ಮಾಹಿತಿ ಶೇರ್ ಮಾಡ್ಬೇಡಿ ಅಂತ ಹೇಳಿದೆ. 

"ಪ್ಯಾನ್ ಅಪ್ಡೇಟ್ ಮಾಡದಿದ್ರೆ ಐಪಿಪಿಬಿ ಖಾತೆ 24 ಗಂಟೆಯಲ್ಲಿ ಬ್ಲಾಕ್ ಆಗುತ್ತೆ ಅಂತ ಮೆಸೇಜ್ ಫೇಕ್. ಇಂಡಿಯಾ ಪೋಸ್ಟ್ ಹೀಗೆ ಮೆಸೇಜ್ ಕಳಿಸಲ್ಲ ಎಂದು ಪಿಐಬಿ ತನ್ನ ಎಕ್ಸ್ ಖಾತೆಯಲ್ಲಿ ತಿಳಿಸಿದೆ. ಫಿಶಿಂಗ್ ಮೋಸಕ್ಕೆ ಹೆದರಬೇಡಿ ಅಂತ ಹೇಳಿದೆ. 

ಫಿಶಿಂಗ್ ಮೋಸ ಅಂದ್ರೆ ಏನು?

ಫಿಶಿಂಗ್ ಒಂದು ಆನ್‌ಲೈನ್ ಮೋಸ. ವಂಚಕರು ನಿಮ್ಮ ವೈಯಕ್ತಿಕ ಮಾಹಿತಿ ಕದಿಯುತ್ತಾರೆ ಅಥವಾ ಹಾನಿಕಾರಕ ಸಾಫ್ಟ್‌ವೇರ್ ಇನ್‌ಸ್ಟಾಲ್ ಮಾಡಿಸುತ್ತಾರೆ.

ಇತ್ತೀಚೆಗೆ ಏನಾಗ್ತಿದೆ ಅಂದ್ರೆ..

ಪ್ಯಾನ್ ವಿವರ ಅಪ್ಡೇಟ್ ಮಾಡದಿದ್ರೆ ಐಪಿಪಿಬಿ ಖಾತೆ ಬ್ಲಾಕ್ ಆಗುತ್ತೆ ಅಂತ ಹೆದರಿಸ್ತಾರೆ. ಮೆಸೇಜ್ ನಿಜವಿರಬಹುದು ಅನಿಸುತ್ತೆ ಆದ್ರೂ  ಫಿಶಿಂಗ್ ಮೋಸ. ಸೈಬರ್ ಕ್ರಿಮಿನಲ್ಸ್ ಪಾಸ್‌ವರ್ಡ್, ಪಿನ್ ನಂಬರ್, ಖಾತೆ ಸಂಖ್ಯೆ ಕದಿಯುತ್ತಾರೆ.

ಸುರಕ್ಷಿತವಾಗಿರೋದು ಹೇಗೆ?

ಸುರಕ್ಷಿತ ಡಿಜಿಟಲ್ ಬ್ಯಾಂಕಿಂಗ್ ಬಳಸಿ. ಪಾಸ್‌ವರ್ಡ್ ಆಗಾಗ ಬದಲಾಯಿಸಿ. ಫೇಕ್ ಕಸ್ಟಮರ್ ಕೇರ್ ನಂಬರ್ ನಂಬಬೇಡಿ. ಖಾತೆ ಚೆಕ್ ಮಾಡ್ಕೊಳ್ಳಿ. ಅನುಮಾನಾಸ್ಪದ ಲಿಂಕ್ ಕ್ಲಿಕ್ ಮಾಡ್ಬೇಡಿ. ಪಬ್ಲಿಕ್ ವೈಫೈ ಬಳಸುವಾಗ ಹುಷಾರ್. ಬ್ಯಾಂಕ್ ಕಳಿಸೋ ಮಾಹಿತಿ ನಿಜನಾ ಚೆಕ್ ಮಾಡಿ. ಡಿಜಿಟಲ್ ಬ್ಯಾಂಕಿಂಗ್‌ನಲ್ಲಿ ಎಚ್ಚರ ಮುಖ್ಯ.