ಟಿ20 ವಿಶ್ವಕಪ್‌ ಬಳಿಕ ಟೀಂ ಇಂಡಿಯಾದ ಸ್ಟಾರ್ ಆಟಗಾರರು ಆಡಿದ್ದಕ್ಕಿಂತ ಹೊರಗುಳಿದಿದ್ದೇ ಹೆಚ್ಚು..!

ಬೆಂಗಳೂರು: ಟೀಂ​ ಇಂಡಿಯಾ ಒಂದೆಡೆ ಬ್ಯಾಕ್ ಟು ಬ್ಯಾಕ್ ಸೀರಿಸ್ ಗೆಲ್ತಿದೆ. ಒಂದು ಸಾಲದೆಂಬಂತೆ ಏಕಕಾಲಕ್ಕೆ ಎರಡು ತಂಡಗಳನ್ನ ಆಡಿಸ್ತಿದೆ. ಆ ಮೂಲಕ ತಂಡ ಬೆಂಚ್​ ಸ್ಟ್ರೆಂಥ್​​ ಹೆಚ್ಚಳಕ್ಕೆ ಮುಂದಾಗಿದೆ. ಇನ್ನೊಂದೆಡೆ ಆಟಗಾರ ವರ್ಕ್​ಲೋಡ್​​​​ ಕಮ್ಮಿ ಮಾಡಲು ಸೀನಿಯರ್​ ಪ್ಲೇಯರ್ಸ್​ಗೆ ಮೇಲಿಂದ ಮೇಲೆ ರೆಸ್ಟ್​ ಕೊಡ್ತಿದೆ. 2021ರ ಟಿ20 ವಿಶ್ವಕಪ್​​ನಿಂದ ಶುರುವಾದ ಈ ವಿಶ್ರಾಂತಿ ಕಥೆ, ಸದ್ಯದ ವೆಸ್ಟ್​​ಇಂಡೀಸ್​ ಸರಣಿವರೆಗೆ ಬಂದು ನಿಂತಿದೆ. ಕಳೆದ 8 ತಿಂಗಳಲ್ಲಿ ಐವರು ಸ್ಟಾರ್ ಪ್ಲೇಯರ್ಸ್​ ಆಡಿದ್ದಕ್ಕಿಂತ ಹೆಚ್ಚಾಗಿ ತಂಡದಿಂದ ಹೊರಗುಳಿದಿದ್ದಾರೆ. ಹಾಗಾದ್ರೆ ಟಿ20 ವಿಶ್ವಕಪ್​ ಬಳಿಕ ಐವರು ಬಿಗ್​ ಪ್ಲೇಯರ್ಸ್​ ಎಷ್ಟು ಪಂದ್ಯಗಳನ್ನ ಆಡಿದ್ದಾರೆ ? ಎಷ್ಟು ಪಂದ್ಯಗಳನ್ನ ಮಿಸ್ ಮಾಡಿಕೊಂಡಿದ್ದಾರೆ ಅನ್ನೋದನ್ನ ತೋರಿಸ್ತೀವಿ ನೋಡಿ..

ಕಿಂಗ್​ ಕೊಹ್ಲಿ ಆಡಿದ್ದು 19, 25 ಪಂದ್ಯಕ್ಕೆ ಮಿಸ್​​: 

ಸತತ ವೈಫಲ್ಯ ಕಾಣ್ತಿರೋ ವಿರಾಟ್ ಕೊಹ್ಲಿ ಇತ್ತೀಚೆಗೆ ಆಟಕ್ಕಿಂತ ಹೆಚ್ಚಾಗಿ ರೆಸ್ಟ್​​​​ ನಿಂದಲೇ ಹೆಚ್ಚು ಸುದ್ದಿಯಾಗ್ತಿದ್ದಾರೆ. ಇವರು 2021ರ ಟಿ20 ವಿಶ್ವಕಪ್​ ಬಳಿಕ 25 ಪಂದ್ಯವನ್ನ ಮಿಸ್​ ಮಾಡಿಕೊಂಡ್ರೆ, ಬರೀ 19 ಪಂದ್ಯಗಳನ್ನಷ್ಟೇ ಆಡಿದ್ದಾರೆ. 7 ಸರಣಿಗಳಿಗೆ ವಿಶ್ರಾಂತಿ ಅಥವಾ ಇತರೆ ಕಾರಣಗಳಿಂದ ಅಲಭ್ಯರಾಗಿದ್ದಾರೆ.

ರೋಹಿತ್​​ ಶರ್ಮಾ 27 ಪಂದ್ಯ ಆಡಿದ್ರೆ, 16 ರಿಂದ ಔಟ್​​​: 

ಇನ್ನು ಕ್ಯಾಪ್ಟನ್ ರೋಹಿತ್​ ಈ ವಿಚಾರದಲ್ಲಿ ಕೊಹ್ಲಿಗೆ ಹೋಲಿಸಿದ್ರೆ ಕೊಂಚ ಉತ್ತಮ. ಇವರು 27 ಪಂದ್ಯಗಳನ್ನ ಆಡಿದ್ದಾರೆ. ಆದ್ರೆ 16 ಪಂದ್ಯಗಳಿಂದ ಹೊರಗುಳಿದಿದ್ದಾರೆ. ಇವರ ಅಲಭ್ಯತೆಯಿಂದ ಭಾರತ ತಂಡ ವರ್ಷವೊಂದರಲ್ಲೇ 7 ನಾಯಕರನ್ನ ಕಂಡಿದೆ.

13 ಆಡಿ 27 ಪಂದ್ಯ ಗಳಿಂದ ಹೊರಗುಳಿದ ರಾಹುಲ್​: 

ಕೆ.ಎಲ್ ರಾಹುಲ್​ ಅದ್ಭುತ ಟ್ಯಾಲೆಂಟೆಡ್ ಕ್ರಿಕೆಟರ್​ ಅನ್ನೋದ್ರಲ್ಲಿ ಎರಡು ಮಾತಿಲ್ಲ. ಆದ್ರೆ ಇವರಿಗೆ ಕಳೆದೊಂದು ವರ್ಷದಿಂದ ಬೆನ್ನು ನೋವು ವಕ್ಕರಿಸಿದೆ. ಅದಕ್ಕೆ ಇವರು ಹೊರಗುಳಿದ 27 ಪಂದ್ಯಗಳೇ ಬೆಸ್ಟ್ ಎಕ್ಸಾಂಪಲ್​​​. ಇನ್ನು ಆಡಿದ್ದು ಬರೀ 13 ಪಂದ್ಯಗಳಷ್ಟೇ.

ರಾಹುಲ್ ಹಾದಿಯನ್ನೇ ತುಳಿದ ಆಲ್​ರೌಂಡರ್​ ಜಡ್ಡು : ಇನ್ನು ಆಲ್​ರೌಂಡರ್​ ಜಡೇಜಾ ಈ ವಿಚಾರದಲ್ಲಿ ಕೆಎಲ್ ರಾಹುಲ್​ ಹಾದಿಯನ್ನ ತುಳಿದಿದ್ದಾರೆ. ಅಂದ್ರೆ ಕಳೆದ 8 ತಿಂಗಳಲ್ಲೇ ರಾಹುಲ್​​​​ರಷ್ಟೇ ಪಂದ್ಯಗಳನ್ನಾಡಿದ್ರೆ, ಅವರಷ್ಟೇ ಪಂದ್ಯಗಳನ್ನ ಮಿಸ್​ ಮಾಡಿಕೊಂಡಿದ್ದಾರೆ.

ಜಸ್ಪ್ರೀತ್ ಬುಮ್ರಾ 14 ರಲ್ಲಿ ಇನ್​​​, 27 ರಿಂದ ಔಟ್​​: 

ಸ್ಟಾರ್ ವೇಗಿ ಜಸ್​ಪ್ರಿತ್​ ಬುಮ್ರಾ ತಂಡದ ಪ್ರಮುಖ ಬೌಲರ್​​​. ಮಹತ್ವವಿಲ್ಲದ ಸರಣಿಗಳಿಂದ ಇವರಿಗೆ ರೆಸ್ಟ್​ ನೀಡಿ, ಬಲಾಢ್ಯ ತಂಡಗಳ ವಿರುದ್ಧ ಆಡ್ತಿದ್ದಾರೆ. ಇವರು ಟಿ20 ವಿಶ್ವಕಪ್​​ ಬಳಿಕ 14 ಪಂದ್ಯವಾಡಿದ್ರೆ, 27 ರಿಂದ ವಂಚಿತರಾಗಿದ್ದಾರೆ.