ಮುಂಬೈ ಇಂಡಿಯನ್ಸ್ ತೆಲುಗು ವೇಗಿ ಸತ್ಯನಾರಾಯಣ ರಾಜು: ಐಪಿಎಲ್ 2025ರಲ್ಲಿ ತೆಲುಗು ಆಟಗಾರ ಸತ್ಯನಾರಾಯಣ ರಾಜು ಮುಂಬೈ ಇಂಡಿಯನ್ಸ್ ಪರವಾಗಿ ಆಡಿದರು. ಆದ್ರೆ, ಐಪಿಎಲ್ ಇತಿಹಾಸದಲ್ಲೇ ಅತಿ ನಿಧಾನದ ಬಾಲ್ ಹಾಕಿ ಸುದ್ದಿ ಆಗಿದ್ದಾರೆ.
ಐಪಿಎಲ್ನಲ್ಲಿ ಅತಿ ನಿಧಾನದ ಬಾಲ್: ಅಹಮದಾಬಾದ್‌ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಗುಜರಾತ್ ಟೈಟಾನ್ಸ್ ಮತ್ತು ಮುಂಬೈ ಇಂಡಿಯನ್ಸ್ ನಡುವೆ ನಡೆದ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2025ರ 9ನೇ ಪಂದ್ಯದಲ್ಲಿ ಮುಖಾಮುಖಿಯಾದರು. ಈ ಪಂದ್ಯದಲ್ಲಿ ತೆಲುಗು ಆಟಗಾರ, ಮುಂಬೈ ತಂಡದಿಂದ ಐಪಿಎಲ್ಗೆ ಪಾದಾರ್ಪಣೆ ಮಾಡಿದ ಸತ್ಯನಾರಾಯಣ ರಾಜು ಐಪಿಎಲ್ ಇತಿಹಾಸದಲ್ಲೇ ಅತಿ ನಿಧಾನದ ಬಾಲ್ ಎಸೆದು ಸುದ್ದಿಯಾದರು.
ಆಂಧ್ರಪ್ರದೇಶದ 25 ವರ್ಷದ ವೇಗಿ ಗುಜರಾತ್ ಇನ್ನಿಂಗ್ಸ್‌ನ 13ನೇ ಓವರ್‌ನಲ್ಲಿ ಜೋಸ್ ಬಟ್ಲರ್ ಬ್ಯಾಟಿಂಗ್ ಮಾಡುತ್ತಿದ್ದಾಗ ಐಪಿಎಲ್ನಲ್ಲಿ ನಿಧಾನವಾದ ಬಾಲ್ ಎಸೆದರು. ಅದು ಜೋಸ್ ಬಟ್ಲರ್ಗೆ ತಲುಪಲು ಸಾಮಾನ್ಯಕ್ಕಿಂತ ಹೆಚ್ಚು ಸಮಯ ತೆಗೆದುಕೊಂಡಿತು. ಬಟ್ಲರ್ ನಿಧಾನವಾಗಿ ಆ ಶಾಟ್ ಆಡಿದರು.
ತುಂಬಾ ಸ್ಲೋ ಆಗಿ ಬಂದ ಆ ಡೆಲಿವರಿಯನ್ನು ಡೀಪ್ ಸ್ಕ್ವೇರ್ ಲೆಗ್ ಮೇಲಿಂದ ಬೌಂಡರಿ ಬಾರಿಸಿದರು. ಇದಕ್ಕೆ ಸಂಬಂಧಿಸಿದ ಫೋಟೋಗಳು, ವಿಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ.
ಸೋಶಿಯಲ್ ಮೀಡಿಯಾದಲ್ಲಿ ಕ್ರಿಕೆಟ್ ಅಭಿಮಾನಿಗಳು ಸತ್ಯನಾರಾಯಣ ರಾಜು ಡೆಲಿವರಿಯನ್ನು ವೆಸ್ಟ್ ಇಂಡೀಸ್ ಗ್ರೇಟ್ ಡ್ವೇನ್ ಬ್ರಾವೋ ಹಾಕಿದ ಕೆಲವು ಸ್ಲೋ ಬಾಲ್ಗಳೊಂದಿಗೆ ಹೋಲಿಸಿದ್ದಾರೆ. ಯಾಕಂದ್ರೆ ಬಹಳ ಸಾರಿ ಬ್ರಾವೋ ಸ್ಲೋ ಡೆಲಿವರಿಗಳಿಂದ ಸ್ಟಾರ್ ಪ್ಲೇಯರ್ಗಳನ್ನು ಪೆವಿಲಿಯನ್ಗೆ ಕಳುಹಿಸಿದ್ದಾರೆ. ಆದರೆ, ಸತ್ಯನಾರಾಯಣ ರಾಜು ಹಾಕಿದ ಬಾಲ್ಗಳಿಂದ ಅಂಥ ಮ್ಯಾಜಿಕ್ ಆಗಲಿಲ್ಲ. ರಾಜು ತಮ್ಮ 3 ಓವರ್ಗಳ ಸ್ಪೆಲ್ನಲ್ಲಿ 40 ರನ್ಗಳನ್ನು ಕೊಟ್ಟರು. ಆದ್ರೆ ಮುಂಬೈ ಇಂಡಿಯನ್ಸ್ ಪರವಾಗಿ ಕೊನೆಯ ಓವರ್ನ್ನು ಅದ್ಭುತವಾಗಿ ಹಾಕಿದರು.
ರಾಜು ಸ್ಲೋ ಬಾಲ್ ಜೊತೆಗೆ ಅವರ ಐಪಿಎಲ್ ಮೊದಲ ವಿಕೆಟ್ ಪಡೆದಿದ್ದು ಕೂಡ ಈ ಮ್ಯಾಚ್ನಲ್ಲಿ ಹೈಲೆಟ್ ಆಗಿತ್ತು. ರಶೀದ್ ಖಾನ್ ಸಿಕ್ಸ್ ಹೊಡೆದು ಜೋಶ್ನಲ್ಲಿ ಇದ್ದಾಗ ಇನ್ನಿಂಗ್ಸ್ ಕೊನೆಯ ಓವರ್ ಬೌಲಿಂಗ್ ಮಾಡಲು ಬಂದ ರಾಜು ಅವರನ್ನು ಔಟ್ ಮಾಡಿ ಐಪಿಎಲ್ನಲ್ಲಿ ತಮ್ಮ ಮೊದಲ ವಿಕೆಟ್ನ್ನು ಪಡೆದರು.
ಚೆನ್ನೈ ಸೂಪರ್ ಕಿಂಗ್ಸ್ ಜೊತೆಗಿನ ಮ್ಯಾಚ್ನಲ್ಲಿ ವಿಘ್ನೇಶ್ ಪುತೂರ್ ಅದ್ಭುತವಾಗಿ ಆಡಿದ್ರೂ, ಪ್ರಮುಖ ಓವರ್ಗಳಲ್ಲಿ ರಾಜು ಅವರನ್ನು ನಂಬಿದ್ದು ಬಹಳಷ್ಟು ಜನರಿಗೆ ಆಶ್ಚರ್ಯ ತಂದಿದೆ. ಈ ಸೀಸನ್ನಲ್ಲಿ ಐಪಿಎಲ್ಗೆ ಪಾದಾರ್ಪಣೆ ಮಾಡಿದ ರಾಜು.. ದೇಶೀಯ ಕ್ರಿಕೆಟ್ನಲ್ಲಿ, ಆಂಧ್ರ ಪ್ರೀಮಿಯರ್ ಲೀಗ್ನಲ್ಲಿ ಆಂಧ್ರಪ್ರದೇಶವನ್ನು ಪ್ರತಿನಿಧಿಸಿದ್ದಾರೆ. ಐಪಿಎಲ್ಗೆ ಪಾದಾರ್ಪಣೆ ಮಾಡುವ ಮೊದಲು ಅವರು ಕೇವಲ 8 ಫಸ್ಟ್-ಕ್ಲಾಸ್ ಮ್ಯಾಚ್ಗಳನ್ನು ಆಡಿದ್ದಾರೆ.
