ಕಿಯಾ ಕ್ಯಾರೆನ್ಸ್ ಫೇಸ್‌ಲಿಫ್ಟ್: 2025ಕ್ಕೆ ಹೊಸ ಲುಕ್‌ನಲ್ಲಿ ರಿಲೀಸ್

ಕಿಯಾ ಕ್ಯಾರೆನ್ಸ್ ಫೇಸ್‌ಲಿಫ್ಟ್ ಮತ್ತು ಎಲೆಕ್ಟ್ರಿಕ್ ವರ್ಷನ್‌ಗಳು ೨೦೨೫ರ ಮಧ್ಯಭಾಗದಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಹೊಸ ಕ್ಯಾರೆನ್ಸ್ ವರ್ಷನ್‌ಗಳು ಈಗಿನ ಮಾಡೆಲ್ ಜೊತೆಗೆ ಮಾರಾಟಕ್ಕೆ ಬರುತ್ತವೆ.

ಕಿಯಾ, ಫೆಬ್ರವರಿ 1 ರಂದು ಸೀರೋಸ್‌ ಅನ್ನು ಬಿಡುಗಡೆ ಮಾಡಲು ಸಜ್ಜಾಗಿದೆ. ಕ್ಯಾರೆನ್ಸ್ ಫೇಸ್‌ಲಿಫ್ಟ್ ಮತ್ತು ಎಲೆಕ್ಟ್ರಿಕ್ ವರ್ಷನ್‌ಗಳು 2025ರ ಮಧ್ಯದಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಹೊಸ ಕ್ಯಾರೆನ್ಸ್ ವರ್ಷನ್‌ಗಳು ಈಗಿನ ಮಾಡೆಲ್ ಜೊತೆಗೆ ಮಾರಾಟಕ್ಕೆ ಬರುತ್ತವೆ. ಫೇಸ್‌ಲಿಫ್ಟ್‌ಗೆ ಹೊಸ ಹೆಸರಿದೆಯಂತೆ.

ವಿನ್ಯಾಸ: ಕ್ಯಾರೆನ್ಸ್ ಫೇಸ್‌ಲಿಫ್ಟ್‌ನಲ್ಲಿ ವಿನ್ಯಾಸದಲ್ಲಿ ಗಮನಾರ್ಹ ಬದಲಾವಣೆಗಳಿವೆ. ಹೊಸ ಗ್ರಿಲ್, ಅಲಾಯ್ ವೀಲ್‌ಗಳಿಗೆ ಹೊಸ ವಿನ್ಯಾಸ, ಸ್ವಲ್ಪ ಒರಟಾದ ಲುಕ್ ಸಿಗಬಹುದು.

ಇಂಟೀರಿಯರ್ ಮತ್ತು ಫೀಚರ್‌ಗಳು: ಫೇಸ್‌ಲಿಫ್ಟ್ MPVಯ ಇಂಟೀರಿಯರ್‌ಗೆ ಪ್ರಮುಖ ಅಪ್‌ಡೇಟ್‌ಗಳು ಸಿಗಲಿವೆ. ಹೊಸ ಡ್ಯಾಶ್‌ಬೋರ್ಡ್ ವಿನ್ಯಾಸ ಮತ್ತು ಲೇಔಟ್, ಹೊಸ ಫೀಚರ್‌ಗಳು ಇರಲಿವೆ. ಇದು ಹೆಚ್ಚು ಪ್ರೀಮಿಯಂ ಲುಕ್ ನೀಡುತ್ತದೆ.

ದೊಡ್ಡ ಟಚ್‌ಸ್ಕ್ರೀನ್, ಮುಂಭಾಗ ಮತ್ತು ಹಿಂಭಾಗದ ವೆಂಟಿಲೇಟೆಡ್ ಸೀಟ್‌ಗಳು, ಪವರ್ ಸೀಟ್‌ಗಳು, ಡ್ಯುಯಲ್-ಝೋನ್ ಕ್ಲೈಮೇಟ್ ಕಂಟ್ರೋಲ್, 360 ಡಿಗ್ರಿ ಕ್ಯಾಮೆರಾ, ಪನೋರಮಿಕ್ ಸನ್‌ರೂಫ್, ಲೆವೆಲ್-2 ADAS ಫೀಚರ್‌ಗಳಿವೆ.

ಬೆಲೆ ಎಷ್ಟಿರಬಹುದು?
ಈಗಿನ ಮಾಡೆಲ್ ರೂ.10.59 ಲಕ್ಷ ಎಕ್ಸ್‌ಶೋರೂಮ್ ಬೆಲೆಯಲ್ಲಿದೆ. ಫೇಸ್‌ಲಿಫ್ಟ್ ಮಾಡೆಲ್ ಪ್ರೀಮಿಯಂ ಲುಕ್ ಹೊಂದಿರುವುದರಿಂದ, ಬೆಲೆ ಸುಮಾರು ರೂ.11.50 ಲಕ್ಷ ಎಕ್ಸ್‌ಶೋರೂಮ್ ಇರಬಹುದು.

ಇದರ ಪ್ರತಿಸ್ಪರ್ಧಿಗಳು ಯಾರು?
2025ರ ಮಧ್ಯದಲ್ಲಿ ಬಿಡುಗಡೆಯಾಗುವ ಈ ಫೇಸ್‌ಲಿಫ್ಟ್ ಮಾಡೆಲ್, ಟೊಯೋಟಾ ಇನ್ನೋವಾ ಕ್ರಿಸ್ಟಾ ಮತ್ತು ಹ್ಯುಂಡೈ ಅಲ್ಕಾಜರ್‌ಗಳೊಂದಿಗೆ ಪೈಪೋಟಿ ನಡೆಸಲಿದೆ.