ರತನ್ ಟಾಟಾ ಅವರ ನೇತೃತ್ವದಲ್ಲಿ, ಟಾಟಾ ಗ್ರೂಪ್ ಭಾರತದಲ್ಲಿ ಆರೋಗ್ಯ ಮತ್ತು ಶಿಕ್ಷಣವನ್ನು ಸುಧಾರಿಸುವಲ್ಲಿ ಪ್ರಮುಖ ಪಾತ್ರವನ್ನು ವಹಿಸಿದೆ. ಅವರ ಹೆಸರು ದೇಶದ ಶ್ರೀಮಂತ ವ್ಯಕ್ತಿಗಳ ಪಟ್ಟಿಯಲ್ಲಿ ಇಲ್ಲದಿದ್ದರೂ,ರತನ್ ಟಾಟಾ ಅವರ ವ್ಯಾಪಾರ ಸಾಮ್ರಾಜ್ಯ ದೇಶದ ಹಿರಿಮೆ ಎನಿಸಿತ್ತು.
ಅಕ್ಟೋಬರ್ 9 ಬುಧವಾರದಂದು ನಿಧನರಾದ ರತನ್ ಟಾಟಾ ಅವರು ನೆನಪುಗಳ ಖಜಾನೆಯನ್ನು ಬಿಟ್ಟು ಹೋಗಿದ್ದಾರೆ. ಭಾರತದ ಅತ್ಯಂತ ಗೌರವಾನ್ವಿತ ಕೈಗಾರಿಕೋದ್ಯಮಿಗಳ ಕೆಲವು ಪ್ರಮುಖ ಮೈಲಿಗಲ್ಲುಗಳು ಇಲ್ಲಿವೆ.
214
ಆರಂಭಿಕ ಜೀವನ | ರತನ್ ಟಾಟಾ ಅವರು 1937 ಡಿಸೆಂಬರ್ 28 ರಂದು ಬಾಂಬೆಯಲ್ಲಿ ಟಾಟಾ ಕುಟುಂಬದಲ್ಲಿ ಜನಿಸಿದರು. ಭಾರತದ ಅತ್ಯಂತ ಅಪ್ರತಿಮ ವ್ಯಾಪಾರ ಕುಟುಂಬಗಳಲ್ಲಿ ಇವರು ಜನಿಸಿದ್ದರು.ಕೇವಲ 10 ವರ್ಷದವರಾಗಿದ್ದಾಗಲೇ ತಂದೆ-ತಾಯಿ ಬೇರ್ಪಟ್ಟ ಕಾರಣದಿಂದ ಬಾಲ್ಯವನ್ನು ಅವರು ತಮ್ಮ ಅಜ್ಜಿಯ ಜೊತೆಯಲ್ಲಿಯೇ ಕಳೆದಿದ್ದರು.
314
ಶಿಕ್ಷಣ | ರತನ್ ಟಾಟಾ ಅವರು ಕಾರ್ನೆಲ್ ವಿಶ್ವವಿದ್ಯಾಲಯದಲ್ಲಿ ಅಧ್ಯಯನ ಮಾಡಿದ್ದರು. ಅಲ್ಲಿ ಅವರು ಆರ್ಟಿಟೆಕ್ಚರ್ (ವಾಸ್ತುಶಿಲ್ಪ) ಪದವಿ ಪಡೆದಿದ್ದರು.ನಂತರ ಹಾರ್ವರ್ಡ್ ಬ್ಯುಸಿನೆಸ್ ಸ್ಕೂಲ್ನಲ್ಲಿ ಮ್ಯಾನೇಜ್ಮೆಂಟ್ ಪ್ರೋಗ್ರಾಮ್ ಅಧ್ಯಯನ ಮಾಡಿದ್ದರು. ಅವರ ಶೈಕ್ಷಣಿಕ ಹಿನ್ನೆಲೆಯು ಟಾಟಾ ಗ್ರೂಪ್ಗಾಗಿ ಅವರ ಭವಿಷ್ಯದ ದೃಷ್ಟಿಯನ್ನು ರೂಪಿಸಲು ಸಹಾಯ ಮಾಡಿತು.
414
ಟಾಟಾ ಗ್ರೂಪ್ಗೆ ಸೇರಿದ್ದು | ರತನ್ ಟಾಟಾ ಅವರು 1961 ರಲ್ಲಿ ಟಾಟಾ ಗ್ರೂಪ್ಗೆ ಸೇರಿದರು, ಕೆಳಹಂತದಲ್ಲೇ ಅವರು ಟಾಟಾ ಗ್ರೂಪ್ನಲ್ಲಿ ತಮ್ಮ ಪ್ರಯಾಣ ಆರಂಭಿಸಿದ್ದರು. ಜಮ್ಶೆಡ್ಪುರದ ಟಾಟಾ ಸ್ಟೀಲ್ನ ಅಂಗಡಿ ಮಹಡಿಯಲ್ಲಿ ರತನ್ ಟಾಟಾ ಮೊದಲು ಕೆಲಸ ಮಾಡಿದ್ದರು.ಆ ಬಳಿಕ ಟಾಟಾ ಇಂಡಸ್ಟ್ರೀಸ್ನಲ್ಲಿ ಸಹಾಯಕರಾಗಿ ಸೇರಿಕೊಂಡರು.
514
ಟಾಟಾ ಅಧ್ಯಕ್ಷ | 1991 ರಲ್ಲಿ, JRD ಉತ್ತರಾಧಿಕಾರಿಯಾಗಿ ರತನ್ ಟಾಟಾ ಟಾಟಾ ಸಮೂಹದ ಅಧ್ಯಕ್ಷರಾದರು. ಟಾಟಾ ಅವರ ನಾಯಕತ್ವದಲ್ಲಿ, ಸಮೂಹವು ಜಾಗತಿಕ ಮಾರುಕಟ್ಟೆಗಳಿಗೆ ವಿಸ್ತರಿಸಿತು ಮತ್ತು ವೈವಿಧ್ಯಮಯ ಕೈಗಾರಿಕೆಗಳನ್ನು ಆರಂಭಿಸಿತು.
614
ಜಾಗತಿಕ ಸ್ವಾಧೀನಗಳು | ಟೆಟ್ಲಿ (ಯುಕೆ), ಕೋರಸ್ (ಯುಕೆ), ಮತ್ತು ಜಾಗ್ವಾರ್ ಲ್ಯಾಂಡ್ ರೋವರ್ (ಯುಕೆ) ನಂತಹ ಜಾಗತಿಕ ಕಂಪನಿಗಳನ್ನು ಸ್ವಾಧೀನಪಡಿಸಿಕೊಳ್ಳುವುದು ಟಾಟಾದ ದಿಟ್ಟ ಕ್ರಮಗಳಲ್ಲಿ ಒಂದಾಗಿದ್ದವು. ಇದು ಭಾರತೀಯ ವ್ಯವಹಾರಗಳನ್ನು ಜಾಗತಿಕ ಭೂಪಟದಲ್ಲಿ ಇರಿಸಲು ಸಹಾಯ ಮಾಡಿತು.
714
ratan tata
ಟೆಲಿಕಾಂ ಕ್ಷೇತ್ರಕ್ಕೆ ಲಗ್ಗೆ | 1996 ರಲ್ಲಿ, ರತನ್ ಟಾಟಾ ಅವರು ಟಾಟಾ ಟೆಲಿಸರ್ವಿಸಸ್ನೊಂದಿಗೆ ಟೆಲಿಕಾಂ ವಲಯಕ್ಕೆ ದಿಟ್ಟ ಹೆಜ್ಜೆ ಹಾಕಿದರು. ಆ ಮೂಲಕ ಟಾಟಾ ಗ್ರೂಪ್ ವ್ಯಾಪ್ತಿಯನ್ನು ವಿಸ್ತರಿಸಲು ಸಹಾಯ ಮಾಡಿದರು.
814
real love story of Ratan Tata life
ಟಾಟಾ ಇಂಡಿಕಾ | ರತನ್ ಟಾಟಾ ಅವರ ನಾಯಕತ್ವದಲ್ಲಿ, ಟಾಟಾ ಮೋಟಾರ್ಸ್ 1998 ರಲ್ಲಿ ಟಾಟಾ ಇಂಡಿಕಾವನ್ನು ಬಿಡುಗಡೆ ಮಾಡಿತು, ಇದು ಭಾರತದ ಮೊದಲ ಸ್ವದೇಶಿ ವಿನ್ಯಾಸದ ಪ್ರಯಾಣಿಕ ಕಾರು ಎಂಬ ಮಹತ್ವದ ಮೈಲಿಗಲ್ಲನ್ನು ನಿರ್ಮಿಸಿತು.
914
ಟಾಟಾ ಕಮ್ಯುನಿಕೇಷನ್ಸ್ | ಮಹತ್ವದ ಕ್ರಮದಲ್ಲಿ, ಟಾಟಾ ಸನ್ಸ್ 2002 ರಲ್ಲಿ VSNL ಅನ್ನು ಸ್ವಾಧೀನಪಡಿಸಿಕೊಂಡಿತು, ಇದು ಟಾಟಾ ಕಮ್ಯುನಿಕೇಷನ್ಸ್ ಹುಟ್ಟಲು ದಾರಿ ಮಾಡಿಕೊಟ್ಟಿತು.
1014
ಟಾಟಾ ನ್ಯಾನೋ | 2008ರಲ್ಲಿ ರತನ್ ಟಾಟಾ ಅವರು ಜನಸಾಮಾನ್ಯರಿಗಾಗಿ ಕಾರು ತಯಾರಿಸುವ ತಮ್ಮ ಕನಸನ್ನು ನನಸು ಮಾಡಿದರು. ₹ 1 ಲಕ್ಷ ಬೆಲೆಯ ಟಾಟಾ ನ್ಯಾನೋ ಇಂಜಿನಿಯರಿಂಗ್ ಅದ್ಬುತ ಎನಿಸಿತ್ತು.ಭಾರತೀಯ ಬಡ ಕುಟುಂಬಗಳಿಗೆ ಕಾರುಗಳನ್ನು ಕೈಗೆಟುಕುವಂತೆ ಮಾಡುವ ಪ್ರಯತ್ನವಾಗಿತ್ತು ಎಂದು ಹೇಳಿದ್ದರು. ಟಾಟಾ ನ್ಯಾನೋ 2011 ರಲ್ಲಿ ಅಂತರಾಷ್ಟ್ರೀಯ ಮಾರುಕಟ್ಟೆಗಳಿಗೆ ಅನಾವರಣ ಮಾಡುವ ಮೂಲಕ, ಭಾರತದ ನಾವಿನ್ಯತೆಯನ್ನು ಜಗತ್ತಿಗೆ ಪರಿಚಯಿಸಿತ್ತು.
1114
ಸ್ಟಾರ್ಬಕ್ಸ್ ಪಾಲುದಾರಿಕೆ | 2012 ರಲ್ಲಿ, ಟಾಟಾ ಗ್ಲೋಬಲ್ ಬೆವರೇಜಸ್ ಸ್ಟಾರ್ಬಕ್ಸ್ನೊಂದಿಗೆ ಸೇರಿಕೊಂಡು, ಕಾಫಿ ಉದ್ಯಮದಲ್ಲಿ ಮಹತ್ವದ ಸಾಹಸಯಾನ ಆರಂಭಿಸಿತ್ತು.
1214
ಸಾಮಾಜಿಕ ಕಾರ್ಯ| ರತನ್ ಟಾಟಾ ಅವರು ತಮ್ಮ ವ್ಯವಹಾರದ ಕುಶಾಗ್ರಮತಿಗೆ ಮಾತ್ರವಲ್ಲದೆ ಅವರ ಲೋಕೋಪಕಾರಕ್ಕೂ ಹೆಸರುವಾಸಿಯಾಗಿದ್ದಾರೆ. ಟಾಟಾ ಗ್ರೂಪ್ನ ಲಾಭದ ಸುಮಾರು 65% ಶಿಕ್ಷಣ, ಆರೋಗ್ಯ ಮತ್ತು ಗ್ರಾಮೀಣ ಅಭಿವೃದ್ಧಿಯ ಮೇಲೆ ಕೇಂದ್ರೀಕರಿಸುವ ಚಾರಿಟಬಲ್ ಟ್ರಸ್ಟ್ಗಳಿಗೆ ಹೋಗುತ್ತದೆ.
1314
ನಿವೃತ್ತಿ | ರತನ್ ಟಾಟಾ ಅವರು ಡಿಸೆಂಬರ್ 2012 ರಲ್ಲಿ ಟಾಟಾ ಸನ್ಸ್ನ ಅಧ್ಯಕ್ಷರಾಗಿ ನಿವೃತ್ತರಾದರು, ಆದರೆ ಅವರ ಲೋಕೋಪಕಾರಿ ಕೆಲಸದಲ್ಲಿ ಸಕ್ರಿಯರಾಗಿ ವಿವಿಧ ಎನ್ಜಿಓಗಳಿಗೆ ಮಾರ್ಗದರ್ಶನ ನೀಡುತ್ತಿದ್ದರು.
1414
ಗೌರವಗಳು ಮತ್ತು ಪ್ರಶಸ್ತಿಗಳು | ವ್ಯಾಪಾರ ಮತ್ತು ಸಮಾಜಕ್ಕೆ ನೀಡಿದ ಕೊಡುಗೆಗಳಿಗಾಗಿ, ರತನ್ ಟಾಟಾ ಅವರು ಪದ್ಮಭೂಷಣ (2000) ಮತ್ತು ಪದ್ಮವಿಭೂಷಣ (2008), ಭಾರತದ ಮೂರನೇ ಮತ್ತು ಎರಡನೇ ಅತ್ಯುನ್ನತ ನಾಗರಿಕ ಗೌರವಗಳು ಸೇರಿದಂತೆ ಹಲವಾರು ಪ್ರಶಸ್ತಿಗಳನ್ನು ಪಡೆದಿದ್ದಾರೆ.
