ಹೊಂಡಾ ತನ್ನ ಹೊಸ ಸ್ಕೂಟರ್ ಆಕ್ಟಿವಾ 7G ಬಿಡುಗಡೆಗೆ ಸಜ್ಜಾಗಿದೆ. ಹೊಸ ತಂತ್ರಜ್ಞಾನ, ಉತ್ತಮ ವಿನ್ಯಾಸ ಮತ್ತು ಸ್ಪೋರ್ಟಿ ಲುಕ್‌ನೊಂದಿಗೆ, ಈ ಸ್ಕೂಟರ್ ಮಧ್ಯಮ ಬಜೆಟ್ ವಿಭಾಗದಲ್ಲಿ ಎಲ್ಲಾ ಸ್ಕೂಟರ್‌ಗಳಿಗೆ ಕಠಿಣ ಸ್ಪರ್ಧೆಯನ್ನು ನೀಡುವ ನಿರೀಕ್ಷೆಯಿದೆ.
ಭಾರತೀಯ ಆಟೋಮೊಬೈಲ್ ಮಾರುಕಟ್ಟೆಯಲ್ಲಿ ಸ್ಕೂಟರ್ ನಡುವೆ ಭಾರಿ ಪೈಪೋಟಿ ಇದೆ. ಪ್ರತಿ ತಿಂಗಳು ಹೊಸ ಹೊಸ ಸ್ಕೂಟರ್ ಬಿಡುಗಡೆಯಾಗುತ್ತಿದೆ. ಇದೀಗ ಹೋಂಡಾ ತನ್ನ ಜನಪ್ರಿಯ ಹೊಂಡಾ ಆ್ಯಕ್ಟೀವಾ ಸ್ಕೂಟರನ್ನು ಮತ್ತಷ್ತು ಅತ್ಯಾಧುನಿಕ ಮಾದರಿಯಲ್ಲಿ ಬಿಡುಗಡೆ ಮಾಡುತ್ತಿದೆ. ಇದೀಗ ಹೊಂಡಾ ಆಕ್ಟಿವಾ 7G ಪರಿಚಯಿಸಲು ಸಿದ್ಧತೆ ನಡೆಸುತ್ತಿದೆ. ಇದು ಹೊಸ ತಂತ್ರಜ್ಞಾನ, ಉತ್ತಮ ಪ್ಯಾಕಿಂಗ್ ಮತ್ತು ಸ್ಪೋರ್ಟಿ ಲುಕ್ ಹೊಂದಿದೆ.
ಮಧ್ಯಮ-ಬಜೆಟ್ ವಿಭಾಗವನ್ನು ಗುರಿಯಾಗಿಟ್ಟುಕೊಂಡು, ಇದು ಕಠಿಣ ಸ್ಪರ್ಧೆಯನ್ನು ನೀಡುವ ನಿರೀಕ್ಷೆಯಿದೆ. ಆಕ್ಟಿವಾ 7G ಅತ್ಯುತ್ತಮ ಡಿಸ್ಪ್ಲೇಯೊಂದಿಗೆ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕಂಟ್ರೋಲ್, USB ಚಾರ್ಜಿಂಗ್ ಪೋರ್ಟ್, ಮ್ಯೂಸಿಕ್ ಕಂಟ್ರೋಲ್, ಕರೆ ಮತ್ತು SMS ಅಲರ್ಟ್‌ಗಳನ್ನು ಹೊಂದಿದೆ. ಹೀಗಾಗಿ ಹೆಚ್ಚಿನ ತಂತ್ರಜ್ಞಾನವನ್ನು ಅಳವಡಿಸಿಕೊಂಡು ಗ್ರಾಹಕರ ರೈಡಿಂಗ್ ಅನುಭವ ಹೆಚ್ಚಿಸಲು ಹೋಂಡಾ ಮುಂದಾಗಿದೆ.
ಇದು ಡಿಸ್ಕ್ ಬ್ರೇಕ್‌ಗಳು, ಎಲ್‌ಇಡಿ ಹೆಡ್‌ಲೈಟ್‌ಗಳು, ಟರ್ನ್ ಸಿಗ್ನಲ್ ಇಂಡಿಕೇಟರ್‌ಗಳು, ಕ್ಲಾಕ್, ಡಿಜಿಟಲ್ ಸ್ಪೀಡೋಮೀಟರ್, ಓಡೋಮೀಟರ್, ಟ್ರಿಪ್ ಮೀಟರ್, ಟ್ಯಾಕೋಮೀಟರ್ ಮತ್ತು ಬ್ಲೂಟೂತ್ ಸಂಪರ್ಕವನ್ನು ನೀಡುತ್ತದೆ. ನ್ಯಾವಿಗೇಷನ್ ಸಿಸ್ಟಮ್ ಕೂಡ ನಿರೀಕ್ಷಿಸಲಾಗಿದೆ. ಇವು ನಗರ ಹಾಗೂ ಗ್ರಾಮೀಣ ಭಾಗದಲ್ಲಿ ರೈಡಿಂಗ್ ಸುಗಮಗೊಳಿಸುತ್ತದೆ.
ಇದು 125cc ಎಂಜಿನ್ ಮತ್ತು 6-ಲೀಟರ್ ಇಂಧನ ಟ್ಯಾಂಕ್ ಹೊಂದಿರುತ್ತದೆ ಎಂದು ವದಂತಿಗಳಿವೆ. ಎರಡೂ ಚಕ್ರಗಳಲ್ಲಿ ಡಿಸ್ಕ್ ಬ್ರೇಕ್‌ಗಳ ಜೊತೆಗೆ ಟೆಲಿಸ್ಕೋಪಿಕ್ ಫ್ರಂಟ್ ಸಸ್ಪೆನ್ಷನ್ ಮತ್ತು ಸ್ವಿಂಗ್‌ಆರ್ಮ್ ರಿಯರ್ ಸಸ್ಪೆನ್ಷನ್ ನಿರೀಕ್ಷಿಸಲಾಗಿದೆ.
ಹೊಂಡಾ ಆ್ಯಕ್ಟೀವಾ 7ಜಿ ಸ್ಕೂಟರ್ ಬೆಲೆ ಬಹಿರಂಗವಾಗಿಲ್ಲ. ಆದರೆ ಮೂಲಗಳ ಪ್ರಕಾರ ಹೊಸ ಆ್ಯಕ್ಟೀವಾ 7ಜಿ ಸ್ಕೂಟರ್ ಬೆಲೆ 90,000 ರೂಪಾಯಿ ಅಸುಪಾಸಿನಲ್ಲಿರಲಿದೆ ಎಂದು ನಿರೀಕ್ಷಿಸಲಾಗಿದೆ. 2025 ರಲ್ಲಿ ಉಡಾವಣೆಯಾಗುವ ನಿರೀಕ್ಷೆಯಿದೆ. ಸದ್ಯ ಮಾರುಕಟ್ಟೆಯಲ್ಲಿರುವ ಹೋಂಡಾ ಆ್ಯಕ್ಚಿವಾ 6ಜಿ ಸ್ಕೂಟರ್ ಬೆಲೆ 89,422 ರೂಪಾಯಿ(ಎಕ್ಸ್ ಶೋ ರೂಂ).