ಭಾರತದಲ್ಲಿ ಅತೀ ಹೆಚ್ಚು ಮಾರಾಟವಾಗುವ 7 ಸೀಟುಗಳ ಪ್ರಸಿದ್ಧ ಕಾರುಗಳಿವು

ಅವಿಭಕ್ತ ಕುಟುಂಬಗಳೇ ಹೆಚ್ಚಾಗಿರುವ ಭಾರತದಲ್ಲಿ 7 ಸೀಟುಗಳ ಕಾರುಗಳಿಗೆ ಭಾರಿ ಬೇಡಿಕೆ ಇದೆ. ಭಾರತದಲ್ಲಿ ಅತೀ ಹೆಚ್ಚು ಮಾರಾಟವಾಗುವ 7 ಸೀಟುಗಳ ಪ್ರಸಿದ್ಧ ಕಾರುಗಳು ಯಾವುದು ಅಂತ ಈಗ ನೋಡೋಣ.

ಜನಪ್ರಿಯ 7 ಸೀಟರ್ ಕಾರುಗಳು

7-ಸೀಟರ್ ವಾಹನಗಳಿಗೆ ಭಾರತದಲ್ಲಿ ಬೇಡಿಕೆ ಸ್ಥಿರವಾಗಿದೆ. ದೊಡ್ಡ ಕುಟುಂಬಗಳು ಜಾಗ ಮತ್ತು ಸೌಕರ್ಯ ಎರಡನ್ನೂ ಒದಗಿಸುವ  ದೊಡ್ಡ ಕಾರುಗಳನ್ನೇ ಹೆಚ್ಚಾಗಿ ಬಯಸುತ್ತವೆ. ಮೇ 2025 ರಲ್ಲಿ, ಮಾರುತಿ ಸುಜುಕಿಯ ಎರ್ಟಿಗಾ ಈ ವಿಭಾಗದಲ್ಲಿ ಅತೀ ಹೆಚ್ಚು ಮಾರಾಟವಾಗುವುದರೊಂದಿಗೆ ಮತ್ತೆ ಅಜೇಯ ನಾಯಕನಾಗಿ ಹೊರಹೊಮ್ಮಿದೆ. ₹8.96 ಲಕ್ಷ (ಎಕ್ಸ್-ಶೋರೂಮ್) ಆರಂಭಿಕ ಬೆಲೆಯೊಂದಿಗೆ, ಎರ್ಟಿಗಾ ಒಂದು ಪ್ರಾಯೋಗಿಕ ಮತ್ತು ಬಜೆಟ್-ಸ್ನೇಹಿ ಆಯ್ಕೆಯಾಗಿದೆ.

ಸ್ಕಾರ್ಪಿಯೋ, ಬೊಲೆರೋ ಸ್ಥಾನ

ಮಹೀಂದ್ರಾ ಸ್ಕಾರ್ಪಿಯೋ ಎರಡನೇ ಸ್ಥಾನದಲ್ಲಿದೆ. ಬೊಲೆರೋ ಮೂರನೇ ಸ್ಥಾನದಲ್ಲಿದೆ. ಈ ಎರಡು ಮಹೀಂದ್ರಾ ಮಾದರಿಗಳು 7 ಸೀಟರ್ ವಿಭಾಗದಲ್ಲಿ ತಮ್ಮ ಸ್ಥಾನವನ್ನು ಉಳಿಸಿಕೊಂಡಿವೆ.

ಇನ್ನೋವಾ ಮತ್ತು XUV700

ಟೊಯೋಟಾ ಇನ್ನೋವಾ ಈ ವಿಭಾಗದಲ್ಲಿ ದುಬಾರಿ ಕಾರು ಎನಿಸಿದ್ಯಾದರೂ ಮಾರಾಟದಲ್ಲಿ ಹೆಚ್ಚು ಏರಿಕೆಯಾಗಿದೆ XUV700 ಜನಪ್ರಿಯತೆ ಗಳಿಸುತ್ತಿದೆ.

ಇತರ ಜನಪ್ರಿಯ ಮಾದರಿಗಳು

ಆದರೆ ಕಿಯಾ ಕ್ಯಾರೆನ್ಸ್ ಕಾರು ಮಾರಾಟದಲ್ಲಿ ಕುಸಿತ ಕಂಡಿದೆ. ಮಾರುತಿ XL6 ಮಾರಾಟದಲ್ಲಿ ಮುನ್ನಡೆ ಸಾಧಿಸಿದೆ. ಟೊಯೋಟಾ ಫಾರ್ಚುನರ್, ಟೊಯೋಟಾ ರೂಮಿಯನ್ ಮತ್ತು ಟಾಟಾ ಸಫಾರಿ ಕೂಡ ಈ ಪಟ್ಟಿಯಲ್ಲಿವೆ.

7 ಸೀಟರ್ ಕಾರುಗಳು ಏಕೆ ಜನಪ್ರಿಯ?

7 ಸೀಟರ್ ಕಾರುಗಳ ಜನಪ್ರಿಯತೆ ಅವುಗಳ ಕೈಗೆಟುಕುವ ಬೆಲೆ, ಪ್ರಾಯೋಗಿಕತೆ ಮತ್ತು ಕುಟುಂಬ ಬಳಕೆಗೆ ಸೂಕ್ತವಾಗಿದೆ. ಎರ್ಟಿಗಾದಂತಹ ವಾಹನಗಳು ₹9 ಲಕ್ಷಕ್ಕಿಂತ ಕಡಿಮೆ ಬೆಲೆಯಲ್ಲಿ ಉತ್ತಮ ಮೌಲ್ಯವನ್ನು ನೀಡುತ್ತವೆ.