ಭಾರತದಿಂದ ಪ್ರೇರಿತ, ಮರ್ಸಿಡಿಸ್ ಬೆಂಜ್ AMG G 63 ಲಾಂಚ್, ಕೇವಲ 30 ಕಾರು ಮಾತ್ರ ಲಭ್ಯ

ಕೇವಲ 30 ಕಾರು ಮಾತ್ರ ಲಭ್ಯ. ಕಾರು ಖರೀದಿಸುವ ಮಾಲೀಕನ ಹೆಸರು ಕಾರಿನ ಗ್ರ್ಯಾಬ್ ಹ್ಯಾಂಡಲ್‌ನಲ್ಲಿ ಇರಲಿದೆ. ಭಾರತೀಯರಿಗಾಗಿ ಪ್ರತ್ಯೇಕವಾಗಿ ವಿನ್ಯಾಸಗೊಳಿಸಿದ ಮರ್ಸಿಡಿಸ್ ಬೆಂಜ್ AMG G 63 ಬಿಡುಗಡೆಯಾಗಿದೆ.

ಭಾರತದ ಅತ್ಯಂತ ಐಷಾರಾಮಿ ಕಾರು ಮರ್ಸಿಡಿಸ್-ಬೆಂಜ್‌ ಇದೀಗ ಗ್ರಾಹಕರ ಅಭಿರುಚಿ, ಬೇಡಿಕೆಗೆ ಅನುಗುಣವಾಗಿ ಹೊಚ್ಚ ಹೊಸ ಮರ್ಸಿಡಿಸ್-ಎಎಂಜಿ ಜಿ 63 'ಕಲೆಕ್ಟರ್ಸ್ ಎಡಿಷನ್ ಬಿಡುಗಡೆ ಮಾಡಿದೆ. ಭಾರತೀಯರಿಗಾಗಿ ಈ ಹೊಸ ವಾಹನ ವಿನ್ಯಾಸಗೊಳಿಸಲಾಗಿದೆ. ಇದು ಲಿಮಿಟೆಡ್ ಎಡಿಶನ್ ಕಾರು, ಕೇವಲ 30 ಕಾರುಗಳು ಮಾತ್ರ ಲಭ್ಯವಿದೆ. ಹೀಗಾಗಿ ಮೊದಲು ಬುಕ್ ಮಾಡಿದರಿಗೆ ಮಾತ್ರ ಲಭ್ಯವಿದೆ.

ಮರ್ಸಿಡಿಸ್-ಬೆಂಜ್‌ ಸಂಶೋಧನೆ ಮತ್ತು ಅಭಿವೃದ್ಧಿ ಭಾರತ (ಏಂಬಿಆರ್‌ಡಿಐ) ಸಹಯೋಗದಲ್ಲಿ ಜಂಟಿಯಾಗಿ ತಯಾರಿಸಲಾಗಿರುವ ಎಎಂಜಿ ಜಿ 63 'ಕಲೆಕ್ಟರ್ಸ್ ಎಡಿಷನ್' ಭಾರತದ ಜಾಣ ಗ್ರಾಹಕರಿಗೆ ಹೆಚ್ಚು ವೈಯಕ್ತಿಕಗೊಳಿಸಿದ ಮತ್ತು ವಿಶೇಷ ಶ್ರೇಷ್ಠತೆ ಹಾಗೂ ದುಬಾರಿ ಐಷಾರಾಮಿತನವನ್ನು ನೀಡುತ್ತದೆ. ಇದರ ಆರಂಭಿಕ ಬೆಲೆ 4.30 ಕೋಟಿ ರೂಪಾಯಿ(ಎಕ್ಸ್ ಶೋ ರೂಂ).

ಭಾರತದ ಅಗತ್ಯಗಳಿಗೆ ಅನುಗುಣವಾಗಿ ನಿರ್ದಿಷ್ಟ ಬಣ್ಣಗಳೊಂದಿಗೆ ಕಾರು ಲಭ್ಯವಿದೆ. ಆಕರ್ಷಕ ಮ್ಯಾನುಫಕ್ತೂರ್ ಮಿಡ್ ಗ್ರೀನ್ ಮ್ಯಾಗ್ನೊ ಮತ್ತು ಮ್ಯಾನುಫಕ್ತೂರ್ ರೆಡ್ ಮ್ಯಾಗ್ನೊ ಒಳಗೊಂಡಿದೆ. ಲಿಮಿಟೆಡ್ ಎಡಿಶನ್ ವೈಯಕ್ತಿಕ ವೈಶಿಷ್ಟ್ಯಗಳಲ್ಲಿ ಗ್ರಾಹಕರ ಹೆಸರು ಒಳಗೊಂಡ ಗ್ರಾಬ್ ಹ್ಯಾಂಡಲ್ ಸೇರಿದೆ. ಎಎಂಜಿ ಜಿ 63 ಆವೃತ್ತಿಯು ಗ್ರಾಹಕರ ಹೆಸರಿನೊಂದಿಗೆ ವೈಯಕ್ತೀಕರಿಸಿದ ಗ್ರ್ಯಾಬ್ ಹ್ಯಾಂಡಲ್ ಒಳಗೊಂಡಿರುವುದು ಇದೇ ಮೊದಲು. 'ಕಲೆಕ್ಟರ್ಸ್ ಎಡಿಷನ್' "ಮೂವತ್ತರಲ್ಲಿ ಒಂದು" ಎಂದು ಗುರುತಿಸಲಾದ ಆವೃತ್ತಿಯ-ನಿರ್ದಿಷ್ಟ ಲಾಂಛನದ ಫಲಕ ಒಳಗೊಂಡಿದೆ. ಇದಕ್ಕೆ ಪೂರಕವಾಗಿ ಈ ಆವೃತ್ತಿಯ ಹೆಚ್ಚುವರಿ ಚಕ್ರವು 'ಕಲೆಕ್ಟರ್ಸ್ ಎಡಿಷನ್' ಮುದ್ರಿತ ಚಿಹ್ನೆ ಮತ್ತು 'ಕಲೆಕ್ಟರ್ಸ್ ಎಡಿಷನ್' ಬ್ರ್ಯಾಂಡಿಂಗ್‌ನೊಂದಿಗೆ ವಿಶಿಷ್ಟವಾದ ಬಾಹ್ಯ ರಕ್ಷಣಾತ್ಮಕ ಪಟ್ಟಿಯನ್ನು ಹೊಂದಿದೆ.

ಎಎಎಂಜಿ ಜಿ 63 ಕಾರು ಹ್ಯಾಂಡ್‌ಕ್ರಾಫ್ಟೆಡ್ ಎಎಂಜಿ 4.0 ಎಲ್ ವಿ 8 ಬಿಟರ್ಬೊ ಎಂಜಿನ್‌ನಿಂದ ಹೊಂದಿದೆ. ಇದು 430 ಕಿ.ವಾ ಮತ್ತು 850 ಎನ್‌ಎಂ ಟಾರ್ಕ್ + 15 ಕಿ.ವಾ ಹೆಚ್ಚುವರಿ ಉತ್ತೇಜನೆ ನೀಡುತ್ತದೆ. ಕೈಯಿಂದ ನಿರ್ಮಿಸಲಾದ ಎಂಜಿನ್ ಅನ್ನು 48-ವೋಲ್ಟ್ ಆನ್-ಬೋರ್ಡ್ ಎಲೆಕ್ಟ್ರಿಕಲ್ ಸಿಸ್ಟಮ್ ಮತ್ತು ಇಂಟಿಗ್ರೇಟೆಡ್ ಸ್ಟಾರ್ಟರ್ ಜನರೇಟರ್ (ಐಎಸ್‌ಜಿ) ನೊಂದಿಗೆ ವಿದ್ಯುದ್ದೀಕರಿಸಲಾಗಿದೆ. ಇದು ಹೆಚ್ಚುವರಿ 15 ಕಿ.ವಾ.ನೊಂದಿಗೆ ಕಡಿಮೆ ಎಂಜಿನ್ ವೇಗದಲ್ಲಿ ಬೆಂಬಲ ಒದಗಿಸುತ್ತದೆ. ನಿಂತಿರುವ ಸ್ಥಿತಿಯಿಂದ, ಎಎಮ್‌ಜಿ ಜಿ 63 ಕೇವಲ 4.4 ಸೆಕೆಂಡುಗಳಲ್ಲಿ 100 ಕಿ.ಮೀ.ಗೆ ವೇಗ ವೃದ್ಧಿಸಿಕೊಳ್ಳುತ್ತದೆ. ಎಲೆಕ್ಟ್ರಾನಿಕ್ ಆಗಿ ಸೀಮಿತವಾದ 240 ಕಿ.ಮೀ./ಪ್ರತಿ ಗಂಟೆಯ ಗರಿಷ್ಠ ವೇಗದಲ್ಲಿ ಚಲಿಸುತ್ತದೆ. ಹೊಸ ಎಎಎಂಜಿ ಜಿ 63 ಗಾಗಿ ಲಾಂಚ್ ಕಂಟ್ರೋಲ್ ಈಗ ಮೊದಲ ಬಾರಿಗೆ ಲಭ್ಯವಿದೆ.

ಸುಧಾರಿತ ತಂತ್ರಜ್ಞಾನ: ಇತ್ತೀಚಿನ ಎಂಬಿಯುಎಕ್ಸ್‌ ಎನ್‌ಟಿಜಿ7 ಇನ್ಫೋಟೈನ್‌ಮೆಂಟ್ ಸಿಸ್ಟಮ್‌ನೊಂದಿಗೆ ಸಜ್ಜುಗೊಂಡಿರುವ ಎಎಂಜಿ ಜಿ 63 ಸ್ಪರ್ಶ ನಿಯಂತ್ರಣದೊಂದಿಗೆ 12.3-ಇಂಚಿನ ಡ್ರೈವರ್ ಮತ್ತು ಬಹುಮಾಧ್ಯಮ ಡಿಸ್‌ಪ್ಲೇಗಳನ್ನು ನೀಡುತ್ತದೆ. ವೈರ್‌ಲೆಸ್ ಆಂಡ್ರಾಯ್ಡ್ ಆಟೊ® ಅಥವಾ ಆ್ಯಪಲ್‌ ಕಾರ್‌ಪ್ಲೇ ಮೂಲಕ ಸ್ಮಾರ್ಟ್‌ಫೋನ್ ಸಂಯೋಜನೆ ಮತ್ತು ಮೊಬೈಲ್ ಸಾಧನಗಳಿಗಾಗಿ ಯುಎಸ್‌ಬಿ-ಸಿ ಪೋರ್ಟ್‌ಗಳನ್ನು ನೀಡುತ್ತದೆ. ಪ್ರಯಾಣ ಮುಂದುವರೆಸಲು ಎಂಬಿಯುಎಕ್ಸ್‌ ವರ್ಧಿತ ರಿಯಾಲಿಟಿ ಲೈವ್ ಚಿತ್ರಗಳ ಮೇಲೆ ಆಗುಮೆಂಟೆಡ್‌ ರಿಯಾಲಿಟಿ ಫಾರ್‌ ನ್ಯಾವಿಗೇಷನ್ ಮಾಹಿತಿ ನೀಡುತ್ತದೆ. ಸಂಕೀರ್ಣ ಸಂಚಾರ ಸಂದರ್ಭಗಳಲ್ಲಿ ಚಾಲಕನಿಗೆ ಇದು ಹೆಚ್ಚು ನೆರವು ಒದಗಿಸುತ್ತದೆ.

ಎಎಂಜಿ ಜಿ 63 ಸಕ್ರಿಯ ಬ್ರೇಕ್ ನೆರವು, ಲೇನ್-ಕೀಪಿಂಗ್ ನೆರವು ಮತ್ತು 360-ಡಿಗ್ರಿ ಕ್ಯಾಮೆರಾ ವ್ಯವಸ್ಥೆಗಳನ್ನು ಒಳಗೊಂಡಂತೆ ಸುಧಾರಿತ ಸುರಕ್ಷತಾ ತಂತ್ರಜ್ಞಾನಗಳ ಸೌಲಭ್ಯಗಳನ್ನು ಒಳಗೊಂಡಿದೆ. ಇದು ಪ್ರತಿ ಪ್ರಯಾಣದಲ್ಲೂ ಮನಸ್ಸಿನ ಶಾಂತಿಯನ್ನು ಖಾತ್ರಿಗೊಳಿಸುತ್ತದೆ.

ಅಸಾಧಾರಣ ಸದ್ದು ನಿಯಂತ್ರಣ: ಸಮಗ್ರ ಶಬ್ದ ಮತ್ತು ಕಂಪನ ನಿಯಂತ್ರಣದೊಂದಿಗೆ ವಿನ್ಯಾಸಗೊಳಿಸಲಾದ ಎಎಂಜಿ ಜಿ 63 ಪ್ರಶಾಂತ ಕ್ಯಾಬಿನ್ ಪರಿಸರಕ್ಕಾಗಿ ವರ್ಧಿತ ಸುರಕ್ಷತೆ ಮತ್ತು ಧ್ವನಿಯ ತೀವ್ರತೆ ತಗ್ಗಿಸುವ ಗಾಜು ಒಳಗೊಂಡಿದೆ.

ಸರಿ ಸಾಟಿಯಿಲ್ಲದ ಚಾಲನಾ ಅನುಕೂಲತೆ: ಎಎಂಜಿ ಜಿ 63- ಇದು ಎಎಂಜಿ ಕಾರ್ಯಕ್ಷಮತೆ 4ಮ್ಯಾಟಿಕ್‌ ಆಲ್-ವೀಲ್ ಡ್ರೈವ್ ವ್ಯವಸ್ಥೆ ಹೊಂದಿದ್ದು, ಅಸಾಧಾರಣ ಎಳೆತ ಮತ್ತು ಚುರುಕುತನವನ್ನು ಒದಗಿಸುತ್ತದೆ. ಎಎಂಜಿ ಆಕ್ಟೀವ್‌ ರೈಡ್‌ ಕಂಟ್ರೋಲ್‌ , ಸಸ್ಪೆನ್ಶನ್‌ ವಿತ್‌ ಆಕ್ಟಿವ್‌, ಹೈಡ್ರಾಲಿಕ್ ರೋಲ್ ಸ್ಥಿರೀಕರಣ ಮತ್ತು ಹೊಂದಾಣಿಕೆಯ ಡ್ಯಾಂಪಿಂಗ್‌ ಚುರುಕಾದ ನಿರ್ವಹಣೆ ಮತ್ತು ಹೆಚ್ಚುವರಿ ಸೌಕರ್ಯಗಳನ್ನು ಖಚಿತಪಡಿಸುತ್ತದೆ.