ಕನಸಲ್ಲಿ ದುಡ್ಡು ಕಂಡ್ರೆ ಏನರ್ಥ? ಈ ಆರು ರೀತಿಯ ಹಣದ ಕನಸುಗಳ ಬಗ್ಗೆ ಸ್ವಪ್ನ ಶಾಸ್ತ್ರ ಹೇಳೋದೇನು?

ಹಣ ಅಂದ್ರೆ ಯಾರಿಗೆ ತಾನೇ ಇಷ್ಟ ಇಲ್ಲ ಹೇಳಿ? ಪ್ರತಿಯೊಬ್ಬರಿಗೂ ದುಡ್ಡು ಬೇಕು, ಅದಕ್ಕಾಗಿಯೇ ಹಗಲಿರುಳು ದುಡಿಯುತ್ತಾರೆ. ಕೆಲವೊಮ್ಮೆ ಇದೇ ಹಣ ಕನಸಿನಲ್ಲೂ ಕಾಣಿಸಿಕೊಳ್ಳುತ್ತೆ. ಹಾಗಾದ್ರೆ ಕನಸಲ್ಲಿ ಹಣ ಕಂಡ್ರೆ ಏನರ್ಥ? ಇದು ಶುಭವೋ ಅಶುಭವೋ? ಸ್ವಪ್ನ ಶಾಸ್ತ್ರ ಹೇಳೋದೇನು?

ಕನಸಿನಲ್ಲಿ ನೋಟಿನ ಬದಲು ನಾಣ್ಯ ಕಂಡರೇ?

ಕನಸಲ್ಲಿ ನೋಟುಗಳ ಬದಲು ನಾಣ್ಯಗಳು ಕಂಡರೆ ಅದು ಮಿಶ್ರ ಫಲಿತಾಂಶ ನೀಡುತ್ತದೆ. ನಾಣ್ಯಗಳ ಶಬ್ದ ಕೇಳಿಸಿದರೆ ಮನೆಯಲ್ಲಿ ಸಣ್ಣಪುಟ್ಟ ಜಗಳಗಳಾಗಬಹುದು. ಹಣವನ್ನು ಉಳಿತಾಯ ಮಾಡುವಂತೆ ಕನಸು ಕಂಡರೆ, ನೀವು ಭವಿಷ್ಯದ ಬಗ್ಗೆ ಹೆಚ್ಚು ಚಿಂತಿತರಾಗಿದ್ದೀರಿ ಎಂದರ್ಥ. ಇನ್ನು ಕದ್ದ ಹಣ ಕನಸಲ್ಲಿ ಕಂಡರೆ, ನೀವು ತಪ್ಪು ದಾರಿಯಲ್ಲಿ ಸಾಗುತ್ತಿರಬಹುದು ಎಂಬ ಎಚ್ಚರಿಕೆಯಾಗಿದೆ.

ಹಣದ ಕನಸು ನಿಮ್ಮ ಮಾನಸಿಕತೆಯನ್ನು ಪ್ರತಿಬಿಂಬಿಸುತ್ತದೆ

ಸ್ವಪ್ನ ಶಾಸ್ತ್ರದ ಪ್ರಕಾರ, ಹಣದ ಕನಸುಗಳು ನಿಮ್ಮ ಆರ್ಥಿಕ ಸ್ಥಿತಿಗಿಂತ ನಿಮ್ಮ ಮಾನಸಿಕ ಸ್ಥಿತಿಯನ್ನೇ ಹೆಚ್ಚು ತೋರಿಸುತ್ತವೆ. ಕೆಟ್ಟ ಕನಸು ಬಿದ್ದರೆ, ಮರುದಿನ ದೇವರನ್ನು ಪ್ರಾರ್ಥಿಸುವುದರಿಂದ ಅದರ ಪ್ರಭಾವ ತಗ್ಗುತ್ತದೆ.

ನೆಲದ ಮೇಲೆ ಹಣ ಸಿಕ್ಕಂತೆ ಕಂಡರೇ ಅದು ಗುಡ್ ನ್ಯೂಸ್

ಕನಸಿನಲ್ಲಿ ನೆಲದ ಮೇಲೆ ಹಣ ಸಿಕ್ಕಂತೆ ಕಂಡರೆ, ಅದು ನಿಜವಾಗಿಯೂ ಶುಭ ಸಂಕೇತ. ನೀವು ಶೀಘ್ರದಲ್ಲೇ ಅನಿರೀಕ್ಷಿತ ಹಣದ ಲಾಭವನ್ನು ಪಡೆಯಲಿದ್ದೀರಿ ಎಂದು ಈ ಕನಸು ಸೂಚಿಸುತ್ತದೆ. ನಿಮ್ಮ ಶ್ರಮಕ್ಕೆ ತಕ್ಕ ಪ್ರತಿಫಲ ಸಿಗಲಿದೆ ಮತ್ತು ನಿಂತುಹೋದ ಕೆಲಸಗಳು ವೇಗವಾಗಿ ಪೂರ್ಣಗೊಳ್ಳಲಿವೆ.

ಕನಸಿನಲ್ಲಿ ನೋಟು ಗಾಳಿಯಲ್ಲಿ ತೇಲುತ್ತಿದ್ದರೇ ಅನಿರೀಕ್ಷಿತ ಲಾಭ ಎಂದರ್ಥ

ಒಂದು ವೇಳೆ, ಕನಸಿನಲ್ಲಿ ನೋಟುಗಳು ಗಾಳಿಯಲ್ಲಿ ತೇಲುತ್ತಿರುವಂತೆ ಕಂಡರೆ, ಭವಿಷ್ಯದಲ್ಲಿ ನೀವು ಅನಿರೀಕ್ಷಿತ ಆರ್ಥಿಕ ಲಾಭವನ್ನು ಪಡೆಯುತ್ತೀರಿ ಎಂದರ್ಥ. ಆದರೆ, ಆ ನೋಟುಗಳನ್ನು ಹಿಡಿಯಲು ಪ್ರಯತ್ನಿಸುತ್ತಿದ್ದರೆ, ನೀವು ಅನಗತ್ಯ ಆಸೆಗಳಿಂದ ಸಮಯ ವ್ಯರ್ಥ ಮಾಡುತ್ತಿದ್ದೀರಿ ಎಂದು ಸೂಚಿಸುತ್ತದೆ.

ಹಣಕೊಡುವ ವ್ಯಕ್ತಿ ಕನಸಲ್ಲಿ ಸಾವನ್ನಪ್ಪಿದರೇ ಏನರ್ಥ?

ನಿಮಗೆ ಬರಬೇಕಾದ ಹಳೆಯ ಬಾಕಿಗಳು ವಸೂಲಿಯಾಗುತ್ತವೆ. ಸಮಾಜದಲ್ಲಿ ನಿಮ್ಮ ಗೌರವ ಹೆಚ್ಚಾಗುತ್ತದೆ. ಒಂದು ವೇಳೆ, ಹಣ ಕೊಡುವ ವ್ಯಕ್ತಿ ಮೃತಪಟ್ಟಿದ್ದರೆ, ನಿಮಗೆ ಪಿತ್ರಾರ್ಜಿತ ಆಸ್ತಿ ಅಥವಾ ಹಿರಿಯರ ಆಶೀರ್ವಾದ ಸಿಗಲಿದೆ ಎಂದರ್ಥ.

ಹಣ ಕಳೆದುಕೊಳ್ಳುವ ಕನಸು ಬಿದ್ದರೇ ಎಚ್ಚರಿಕೆಯ ಕರೆಗಂಟೆ

ಇನ್ನು, ನಿಮ್ಮ ಹಣವನ್ನು ಕಳೆದುಕೊಂಡಂತೆ ಕನಸು ಬಿದ್ದರೆ, ಇದು ಅಶುಭ ಸಂಕೇತವಲ್ಲ, ಆದರೆ ಒಂದು ಎಚ್ಚರಿಕೆ. ಮುಂಬರುವ ದಿನಗಳಲ್ಲಿ ನಿರ್ಧಾರಗಳನ್ನು ತೆಗೆದುಕೊಳ್ಳುವಾಗ, ವಿಶೇಷವಾಗಿ ಹಣಕಾಸಿನ ಹೂಡಿಕೆಗಳಲ್ಲಿ ಜಾಗರೂಕರಾಗಿರಬೇಕು ಎಂದು ಈ ಕನಸು ಹೇಳುತ್ತದೆ.