ಯಾವಾಗಲೂ ಮಲಗೇ ಇರ್ತೀರಾ? ಹಾಗಾದ್ರೆ ಇವರು ಇದೇ ರಾಶಿಯವರು!

ಕೆಲವು ರಾಶಿಯವರು ಏನಾದರೂ ಮಾಡಬೇಕೆಂದು ಯೋಚಿಸುವಷ್ಟೂ ಆ್ಯಕ್ಟಿವ್ ಆಗಿರೋಲ್ಲ. ಶುದ್ಧ ಸೋಮಾರಿಗಳಿವರು. ಇದಕ್ಕೂ ರಾಶಿಯೇ ಕಾರಣ. ಈ ಐದು ರಾಶಿಯವರು ಬಹಳ ಸೋಮಾರಿಗಳಾಗಿದ್ದು, ಯಾವ ಯಾವ ರಾಶಿಯವರು?

ಮನುಷ್ಯ ಎಂದ ಮೇಲೆ ಆತ ಎಷ್ಟೇ ಚಟುವಟಿಕೆಯಿಂದಿದ್ದರೂ ಎಲ್ಲೋ ಒಂದು ಮೂಲೆಯಲ್ಲಿ ಆಲಸಿತನವೂ ಜೊತೆಯಾಗಿರುತ್ತದೆ. ಇದನ್ನು ಯಾರು ಎಷ್ಟೇ ಅಲ್ಲಗಳೆದರೂ ಸತ್ಯ. ಕಚೇರಿಯಲ್ಲಿ ತುಂಬಾ ಹಾರ್ಡ್‌ವರ್ಕ್ ಮಾಡುವವರೂ ಮನೆಯಲ್ಲೊಂದು ಕಡ್ಡಿಯನ್ನೂ ಅತ್ತಿಂದಿತ್ತ ಇಡದವರೂ ಕಾಣಬಹುದು. ಇನ್ನು ಹೇಳಿದ್ದಷ್ಟನ್ನೇ ಮಾಡಿ ಸುಮ್ಮನಾಗುವವರೂ ಇದ್ದಾರೆ.

ಕೆಲವರು ಆಲಿಸಗಳಾಗಿದ್ದರೂ ಅದನ್ನು ಹೇಗೋ ನಿವಾರಿಸಿಕೊಂಡು ಅದರಿಂದ ದೂರವಿದ್ದು, ಕೆಲಸದಲ್ಲಿ ನಿರತರಾಗಿರುತ್ತಾರೆ. ಇನ್ನು ಕೆಲವರಿಗೆ ನೀವು ಎಷ್ಟೇ ಹೇಳಿ, ತಿರುಗಿಯೂ ನೋಡೋಲ್ಲ. ಮಹಾನ್ ಆಲಿಸಿಗಳಾಗಿರುತ್ತಾರೆ ಇವರು. ಸೋಮಾರಿತನ ಎಂಬುದು ಇವರನ್ನು ನೋಡಿಯೇ ಹುಟ್ಟಿದೆ ಎನ್ನಬಹುದು. ಅಷ್ಟರಮಟ್ಟಿಗೆ ಇರಿಟೇಟ್ ಮಾಡುತ್ತೆ ಇವರ ನಡೆ ನುಡಿ.

ಈ ಆಲಸಿ ಸ್ವಭಾವ ಅವರಿಗೆ ಬರಲು ರಾಶಿಗಳೂ ಕಾರಣ. ಅದರಲ್ಲೂ ಈ ಐದು ರಾಶಿಯವರಿಗಂತೂ ತುಂಬಾ ಸೋಂಬೇರಿತನವಿರುತ್ತದೆಂದು ಜ್ಯೋತಿಷ್ಯ ಶಾಸ್ತ್ರವೇ ಹೇಳುತ್ತದೆ. ಹಾಗಂತ ಈ ರಾಶಿಯಲ್ಲಿ ಹುಟ್ಟಿದವರೆಲ್ಲರೂ ಆಲಿಸಿಗಳೆಂದು ಹೇಳಲಾಗದು. ಅಲ್ಲೂ ಗ್ರಹಗತಿಗಳು ಬದಲಾವಣೆಯಾದರೆ ಆಲಸಿತನ ದೂರವಾಗಿ ಚಟುವಟಿಕೆಯಿಂದಿರುತ್ತಾರೆ. ಆ ಮಹಾನ್ ಆಲಿಸಿತನ ಹೊಂದಿರುವ 5 ರಾಶಿಗಳ ಬಗ್ಗೆ ಮತ್ತೊಂದಿಷ್ಟು ಮಾಹಿತಿ ಇಲ್ಲಿವೆ.

ಕರ್ಕಾಟಕ ರಾಶಿ
ಸೋಮಾರಿಗಳ ಪಟ್ಟಿಯಲ್ಲಿ ಮೊದಲ ಸ್ಥಾನ ಈ ಕರ್ಕಾಟಕ ರಾಶಿಗೇ ಸಿಗಬೇಕು. ಈ ರಾಶಿಯವರು ತುಂಬಾ ಆಲಸಿಗಳಾಗಿದ್ದು, ಸದಾ ಹಾಸಿಗೆಯಲ್ಲೇ ಬಿದ್ದಿರಲು ಇಷ್ಟಪಡುತ್ತಾರೆ. ಹಾಸಿಗೆ ಬಿಟ್ಟು ಏಳುವುದೆಂದರೆ ತುಂಬಾ ದುಃಖದ ವಿಷಯ ಇವರಿಗೆ. ನಿದ್ರೆಯೊಂದಿದ್ದರೆ ಜಗತ್ತಿನಲ್ಲಿ ಎಲ್ಲವೂ ಸಿಕ್ಕಿದಂತೆ ಎಂದೇ ಭಾವಿಸುತ್ತಾರೆ. ಇವರ ಪೂರ್ತಿ ದಿನವನ್ನು ಯಾವ ಕೆಲಸ ಕಾರ್ಯಗಳನ್ನೂ ಮಾಡದೇ, ಕೇವಲ ಮನೆಯಲ್ಲೇ ಸೋಫಾ ಮುಂದೆಯೋ, ಟಿವಿ ಮುಂದೆಯೋ ಕುಳಿತು ಕಾಲಹರಣ ಮಾಡುವುದೇ ಇವರಿಗೆ ಖುಷಿ.

ವೃಷಭ ರಾಶಿ
ಈ ರಾಶಿಯವರೂ ಸೋಮಾರಿಗಳೇ. ಕೆಲಸಗಳಿಂದ ತಪ್ಪಿಸಿಕೊಳ್ಳುವ ಇವರು, ತಮಗೆ ಲಾಭ ಇರುವ ಕೆಲಸವನ್ನು ಮಾಡುತ್ತಾರೆಯೇ ವಿನಾ, ಯಾವುದೇ ಕೆಲಸವನ್ನು ಮೈ ಮೇಲೆ ಎಳೆದುಕೊಂಡು ಮಾಡುವ ವ್ಯಕ್ತಿತ್ವದವರಲ್ಲ. ಕೆಲವೊಮ್ಮೆ ಕೆಲ ಕೆಲಸದಿಂದ ಲಾಭ ಇದೆ ಎಂದು ಗೊತ್ತಿದ್ದರೂ, ಅದರಲ್ಲಿ ಹೆಚ್ಚಿನ ಕೆಲಸ ಇಲ್ಲದಿದ್ದರೆ, ಲಾಭ ಬಹಳ ಜಾಸ್ತಿ ಇದ್ದರೆ ಮಾತ್ರ, ಆ ಕೆಲಸಕ್ಕೆ ಕೈ ಹಾಕುವವರಾಗಿದ್ದಾರೆ.

ವೃಶ್ಚಿಕ ರಾಶಿ
ವೃಶ್ಚಿಕ ರಾಶಿಯವರಿಗೂ ಆಲಸ್ಯಕ್ಕೂ ಅವಿನಾಭಾವ ಸಂಬಂಧ. ಇವರ ಸೋಮಾರಿತನದಿಂದ ಹಲವು ಕೆಲಸ-ಕಾರ್ಯಗಳು ಅರ್ಧಕ್ಕೇ ನಿಂತಿರುತ್ತದೆ. ಇದರಿಂದ ಇವರು ಪಶ್ಚಾತ್ತಾಪ ಪಡುತ್ತಾರೆ. ಹೀಗಿದ್ದರೂ ಈ ರಾಶಿಯ ಕೆಲವರು ಸೋಮಾರಿತನವನ್ನು ಬಿಡುವುದಿಲ್ಲ. ಆದರೆ, ಇವರಲ್ಲಿ ಕೆಲವೇ ಕೆಲವರು ದೃಢ ಸಂಕಲ್ಪ ಮಾಡಿ, ಕೆಲಸ ಕಾರ್ಯಗಳಲ್ಲಿ ನಿರತರಾಗಿ ಯಶಸ್ಸು ಗಳಿಸುತ್ತಾರೆ.

ಮೀನ ರಾಶಿ
ಈ ರಾಶಿಯವರ ಜೀವನ ಒಂದು ಭಾಗವೇ ಸೋಮಾರಿತ. ಸೋಮಾರಿತನಕ್ಕೆ ಮತ್ತೊಂದು ಹೆಸರೇ ಮೀನರಾಶಿ ಎನ್ನಬಹುದು. ಇವರು ಎಷ್ಟರಮಟ್ಟಿಗೆ ಆಲಸಿಗಳೆಂದರೆ ತುಂಬಾ ಚಿಕ್ಕ ಚಿಕ್ಕ ಕೆಲಸಗಳಿಗೂ ಇನ್ನೊಬ್ಬರ ನೆರವು ಇವರಿಗೆ ಅಗತ್ಯ. ಊಟವೂ ಇವರು ಇದ್ದಲ್ಲಿಗೇ ಬರಬೇಕು ಎಂಬುದು ಇವರ ಮನೋಭಾವ. ಹೀಗಾಗಿ ಊಟವನ್ನೂ ಹಾಸಿಗೆ ಬಳಿಯೇ ತರಿಸಿಕೊಳ್ಳುತ್ತಾರೆ.

ಸಿಂಹ ರಾಶಿ
ಈ ರಾಶಿಯವರು ಕಷ್ಟಪಟ್ಟು ದುಡಿಯುವ ಮನೋಭಾವ ಹೊಂದಿದ್ದರೂ, ಕೆಲವೊಮ್ಮೆ ಕೆಲಸದ ಅವಧಿಯಲ್ಲಿ ಯಾವುದಾದರೂ ಆಟದಲ್ಲಿ ಬೇಕಾದರೂ ನಿರತರಾಗಿರುತ್ತಾರೆ. ಇಲ್ಲವೇ ಹಾಳು ಹರಟೆಯಲ್ಲಿ ತೊಡಗಿ ಕೊಳ್ಳುತ್ತಾರೆ. ಇದೇ ಇವರಿಗೆ ಮುಳುವಾಗುತ್ತದೆ.