ಕುಮಾರಸ್ವಾಮಿ ಮಗನಿಗೆ ನನ್ನ ಓಟು ಎಂದು ಮಾತನಾಡಿರುವ ಅಜ್ಜಿಯ 46 ಸೆಕೆಂಡ್‌ಗಳ ವಿಡಿಯೋ ವೈರಲ್ ಆಗಿದೆ. ಶ್ರೀನಿವಾಸ್ ಜಿ ವಿ ಎಂಬುವವರು ತಮ್ಮ ಫೇಸ್‌ಬುಕ್‌ ಖಾತೆಯಲ್ಲಿ ಅಜ್ಜಿಯ ವಿಡಿಯೋವನ್ನು ವೈರಲ್ ಮಾಡಿದ್ದಾರೆ.
ಮಂಡ್ಯ (ಏ. 05): ಕುಮಾರಸ್ವಾಮಿ ಮಗನಿಗೆ ನನ್ನ ಓಟು ಎಂದು ಮಾತನಾಡಿರುವ ಅಜ್ಜಿಯ 46 ಸೆಕೆಂಡ್‌ಗಳ ವಿಡಿಯೋ ವೈರಲ್ ಆಗಿದೆ. ಶ್ರೀನಿವಾಸ್ ಜಿ ವಿ ಎಂಬುವವರು ತಮ್ಮ ಫೇಸ್‌ಬುಕ್‌ ಖಾತೆಯಲ್ಲಿ ಅಜ್ಜಿಯ ವಿಡಿಯೋವನ್ನು ವೈರಲ್ ಮಾಡಿದ್ದಾರೆ.
ನಿಖಿಲ್ ಗೆದ್ದೇ ಗೆಲ್ಲುತ್ತಾನೆ. ಭತ್ತದ ಹೊರೆ ಗುರುತಿಗೆ ನನ್ನ ಮತ. ನಿಖಿಲ್ ಗೆ ನನ್ನ ಮತ ಎಂದು ಅಜ್ಜಿ ಮಾತನಾಡಿದ್ದಾರೆ. ಈ ಅಜ್ಜಿಗೆ ನೂರಾ ಆರು ವರ್ಷ. ನಡೆದುಕೊಂಡು ಹೋಗಿ ವೋಟ್ ಹಾಕುವಷ್ಟು ಶಕ್ತಿಯಿಲ್ಲ. ನನ್ನ ಮೊಮ್ಮಗ ಎತ್ತಕೊಂಡು ಹೋಗಿ ಓಟ್ ಹಾಕಿಸ್ತಾನೆ ಎಂದಿದ್ದಾರೆ ಅಜ್ಜಿ.
ಅಜ್ಜಿಯ ವಿಡಿಯೋ ಬಗ್ಗೆ ಜೋರಾದ ಚರ್ಚೆ ಶುರುವಾಗಿದೆ. ಎಲೆಕ್ಷನ್‌ವರೆಗೂ ಆರೋಗ್ಯವಾಗಿ ನೋಡಿಕೊಳ್ಳಿ ಎಂದು ಸುಮಲತಾ ಬೆಂಬಲಿಗರು ಕಮೆಂಟ್ ಮಾಡಿದ್ದಾರೆ. ಎಲೆಕ್ಷನ್ ಮುಗಿದ ನಂತರ ಇನ್ನೂ 20 ವರ್ಷ ಬದುಕಿರುತ್ತಾರೆ ಎಂದು ಜೆಡಿಎಸ್ ಕಾರ್ಯಕರ್ತರು ಕಮೆಂಟ್ ಮಾಡಿದ್ದಾರೆ.