Daily Horoscope: ಮೇಲಧಿಕಾರಿಯ ಧೋರಣೆಗೆ ಕುಂಭ ಹೈರಾಣು

11 ಅಕ್ಟೋಬರ್ 2022, ಸೋಮವಾರ ಕಟಕಕ್ಕೆ ಏಕಾಗ್ರತೆ ಕೊರತೆ, ಚಂಚಲತೆಯಿಂದ ಕೆಲಸದಲ್ಲಿ ಗುಣಮಟ್ಟ ಕಡಿಮೆಯಾಗುವುದು. ಸಿಂಹಕ್ಕೆ ಹಿತವಂಚಕರ ಮೋಸ ಬಯಲಾಗಿ ಆಘಾತ

ಮೇಷ(Aries): ಹಣದ ನಷ್ಟ ಉಂಟಾಗಬಹುದು. ನಿಮ್ಮ ಶತ್ರುಗಳು ನಿಮ್ಮ ಯಶಸ್ಸನ್ನು ಹಾಳುಗೆಡವಲು ಪ್ರಯತ್ನಿಸಬಹುದು. ಕಚೇರಿಯ ರಾಜಕೀಯಕ್ಕೆ ಹೈರಾಣಾಗುವಿರಿ. ಕೆಲಸ ಬಿಡುವ ಯೋಚನೆ ಕಾಡಬಹುದು. ಅಪರಿಚಿತರೊಂದಿಗೆ ಯಾವುದೇ ಸಂಭಾಷಣೆ ಅಥವಾ ಪ್ರಮುಖ ಕೆಲಸದ ಮೊದಲು ಸಂಪೂರ್ಣ ತನಿಖೆ ಮಾಡಿ. ದ್ರೋಹವಾಗುವ ಸಂಭವವಿದೆ. 

ವೃಷಭ(Taurus): ವೃತ್ತಿ ಬದಲಾವಣೆಗಾಗಿ ಪ್ರಯತ್ನ ಹೆಚ್ಚಿಸಲಿರುವಿರಿ. ಅವಕಾಶಗಳು ಕಾಣದೇ ಅಸಹಾಯಕತೆ ಕಾಡಬಹುದು. ಅಪಾಯಕಾರಿ ಕೆಲಸಗಳಿಂದ ದೂರವಿರಿ. ನಷ್ಟವನ್ನು ಹೊರತುಪಡಿಸಿ ಏನೂ ಸಿಗುವುದಿಲ್ಲ. ನಿಕಟ ಸಂಬಂಧಿಗಳೊಂದಿಗೆ ಸಹ ವಿವಾದಗಳು ಉಂಟಾಗಬಹುದು. ವ್ಯಾಪಾರದಲ್ಲಿ ಲಾಭ ಇರಲಿದೆ.

ಮಿಥುನ(Gemini): ಇಂದು ಹೆಚ್ಚಿನ ಸಮಯವನ್ನು ಮನೆ-ಕುಟುಂಬ ಮತ್ತು ಸಂಬಂಧಿಕರೊಂದಿಗೆ ಕಳೆಯಲಾಗುತ್ತದೆ. ನಿಕಟ ಸಂಬಂಧಿ ಅಥವಾ ಸ್ನೇಹಿತರೊಂದಿಗೆ ಸಂಘರ್ಷದ ಪರಿಸ್ಥಿತಿಯಿರಬಹುದು, ನಿಮ್ಮ ಕೋಪ ಮತ್ತು ಪ್ರಚೋದನೆಯನ್ನು ನಿಯಂತ್ರಿಸಿ. ಪತಿ ಪತ್ನಿಯರು ಪರಸ್ಪರ ಉತ್ತಮ ಬಾಂಧವ್ಯವನ್ನು ಹೊಂದಿರುತ್ತಾರೆ. 

ಕಟಕ(Cancer): ಏಕಾಗ್ರತೆ ಕೊರತೆಯಿಂದಾಗಿ ಕೆಲಸಗಳು ವಿಳಂಬವಾಗುವ ಜೊತೆಗೆ ಗುಣಮಟ್ಟದ ಕೊರತೆ ಕಾಡಲಿದೆ. ದೇಹವು ಅರೆನಿದ್ರಾವಸ್ಥೆ ಮತ್ತು ಆಯಾಸದಂತಹ ಪರಿಸ್ಥಿತಿಗಳನ್ನು ಹೊಂದಿರಬಹುದು. ವೃತ್ತಿ ಕ್ಷೇತ್ರದಲ್ಲಿ ಇನ್ನಷ್ಟು ಕಠಿಣ ಪರಿಶ್ರಮ ಮತ್ತು ಕೆಲವು ಬದಲಾವಣೆಗಳ ಅಗತ್ಯವಿದೆ. ವಾಹನ ವಿಚಾರದಲ್ಲಿ ಎಚ್ಚರಿಕೆ ಅಗತ್ಯ.

ಸಿಂಹ(Leo): ನಿಮ್ಮ ಜೊತೆಯಿರುವವರ ಮೋಸ ಬಯಲಾಗಲಿದೆ. ಇದು ಆಘಾತ ತರಲಿದೆ. ವಿವಾಹ ವಿಳಂಬದಿಂದ ಕಿರಿಕಿರಿ ಹೆಚ್ಚಾಗಲಿದೆ. ಕೆಲಸದ ಸ್ಥಳದಲ್ಲಿ ನಿಮ್ಮ ಅನಿಸಿಕೆ ಮತ್ತು ಖ್ಯಾತಿಗೆ ಕಳಂಕ ಬರಬಹುದು. ಕೌಟುಂಬಿಕ ವಾತಾವರಣ ಸಂತೋಷವಾಗಿರಬಹುದು.

ಕನ್ಯಾ(Virgo): ಇಂದು ಯಾವುದೇ ಫೋನ್ ಕರೆಯನ್ನು ನಿರ್ಲಕ್ಷಿಸಬೇಡಿ. ಭಯ ಇಲ್ಲವೇ ದುರಾಸೆ ಕಾರಣಕ್ಕೆ ಒಳ್ಳೆಯ ಅವಕಾಶಗಳನ್ನು ಕಳೆದುಕೊಳ್ಳುವಿರಿ. ಕೀಳರಿಮೆಯಿಂದ ಹೊರ ಬರಲು ಪ್ರಯತ್ನ ಮಾಡದಿದ್ದಲ್ಲಿ ಸಾಕಷ್ಟನ್ನು ಕಳೆದುಕೊಳ್ಳಬೇಕಾದೀತು. ಆಯಾಸ ಕಾಡಬಹುದು. 

ತುಲಾ(Libra): ವೈಯಕ್ತಿಕ ಕಾರ್ಯಗಳಲ್ಲಿ ಯಶಸ್ಸು ಮನಸ್ಸಿಗೆ ನೆಮ್ಮದಿ ತರುತ್ತದೆ. ಅತ್ಯಂತ ಕಷ್ಟಕರವಾದ ಕಾರ್ಯಗಳನ್ನು ನಿರ್ಣಯದೊಂದಿಗೆ ಪೂರ್ಣಗೊಳಿಸುವ ಸಾಮರ್ಥ್ಯವನ್ನು ಹೊಂದಿರಿ. ಆತ್ಮಸ್ಥೈರ್ಯದಿಂದ ಕೆಲಸ ಮಾಡಿ, ನೀವು ಖಂಡಿತವಾಗಿಯೂ ಯಶಸ್ಸನ್ನು ಸಾಧಿಸುವಿರಿ. ನಿಮ್ಮ ಸಂಪರ್ಕಗಳ ವ್ಯಾಪ್ತಿಯನ್ನು ವಿಸ್ತರಿಸುವ ಅಗತ್ಯವಿದೆ. 

ವೃಶ್ಚಿಕ(Scorpio): ಅವಿವಾಹಿತರಿಗೆ ಯೋಗ್ಯ ಸಂಬಂಧ ಒದಗಿ ಬಂದು ಮನೆಯಲ್ಲಿ ಸಂತಸದ ವಾತಾವರಣ ಏರ್ಪಡುವುದು. ವಿದ್ಯಾರ್ಥಿಗಳಿಗೆ ಓದಿನಲ್ಲಿ ಆಸಕ್ತಿ ಹೆಚ್ಚುವ ಜೊತೆಗೆ ಏಕಾಗ್ರತೆಯೂ ಹೆಚ್ಚುವುದು. ಅಲ್ಪಾವಧಿಯ ಷೇರು ವ್ಯವಹಾರಗಳು ನಷ್ಟ ತರಬಹುದು. 

ಧನುಸ್ಸು(Sagittarius): ಸಮಸ್ಯೆಗಳ ಸುಳಿಯಲ್ಲಿ ಸಿಕ್ಕಂತೆನಿಸಬಹುದು. ಕಾಲ ಎಲ್ಲಕ್ಕೂ ಪರಿಹಾರ ನೀಡುತ್ತದೆ ಎಂಬುದು ನೆನಪಿರಲಿ. ಮಕ್ಕಳ ಭಯ, ಕೀಳರಿಮೆ ಚಿಂತೆಯಾಗಿ ಕಾಡಬಹುದು. ಪರಿಹಾರ ಮಾರ್ಗಗಳತ್ತ ಗಮನ ಹರಿಸಿ. ಸಾಲ ಮಾಡಲು ಇಲ್ಲವೇ ಕೊಡಲು ಹೋಗಬೇಡಿ. 

ಮಕರ(Capricorn): ಬುದ್ಧಿ ಬಲವಿರುವುದರಿಂದ ಒಂದಾದ ಮೇಲೊಂದರಂತೆ ಕೆಲಸವನ್ನು ಸಮಾಧಾನವಾಗಿ ನಿರ್ವಹಿಸಿದರೆ  ದಿನಾಂತ್ಯಕ್ಕೆ ಖುಷಿ ಇರಲಿದೆ. ನಿರುದ್ಯೋಗಿಗಳಿಗೆ ಅವಕಾಶಗಳು ಅರಸಿ ಬರುವುವು. ಸಾಲ ಮಾಡಲು ಇಲ್ಲವೇ ಕೊಡಲು ಹೋಗಬೇಡಿ. ಉಳಿತಾಯ ಯೋಜನೆಗಳ ಬಗ್ಗೆ ಗಮನ ಹರಿಸಿ.

ಕುಂಭ(Aquarius): ಉದ್ಯೋಗಿಗಳಿಗೆ ಮೇಲಧಿಕಾರಿಗಳಿಂದ ಕಿರಿಕಿರಿ ತಪ್ಪಿದ್ದಲ್ಲ. ಎಲ್ಲರೂ ಇದ್ದೂ ಯಾರೂ ಅರ್ಥ ಮಾಡಿಕೊಳ್ಳುವುದಿಲ್ಲ ಎಂಬ ಕೊರಗು ಕಾಡುವುದು. ಮನೆಯ ಹಿರಿಯರ ಧೋರಣೆಗೆ ಬೇಸತ್ತು ಹೋಗುವಿರಿ. ಸುಸ್ತು, ಬೆನ್ನು ನೋವು ಕಾಡುವುದು. ವಿಶ್ರಾಂತಿ ಕೊರತೆ ಹಿಂಸೆ ತರುವುದು.

ಮೀನ(Pisces): ಪದೇ ಪದೆ ಕಾಡುವ ಸಣ್ಣಪುಟ್ಟ ಆರೋಗ್ಯ ಸಮಸ್ಯೆಗಳಿಗೆ ಯೋಗ, ಧ್ಯಾನ ಅಭ್ಯಾಸ ಮಾಡಿ. ನಂಬಿಕಸ್ಥರು ನಿಮ್ಮ ಬಳಿ ಸಹಾಯ ಯಾಚಿಸಿ ಬರಬಹುದು. ಕೈಲಾದ ಸಹಾಯ ಮಾಡಿ. ಪ್ರೇಮಿಗಳಿಗೆ ದಿನ ಚೆನ್ನಾಗಿದೆ. ಪೂರ್ವಪೀಡಿತ ಯೋಚನೆಯಿಂದ ಯಾರನ್ನೂ ಭೇಟಿಯಾಗಬೇಡಿ.