ಇಂಡಿಗೋ ಏರ್ಲೈನ್ಸ್ನಲ್ಲಿ ನೌಕರಿ ಆಸೆ ತೋರಿಸಿ ಟೋಪಿ: ಮೋಸದ ಬಲೆಗೆ ಬಿದ್ದ ಯುವತಿ
ಸಾರಾಂಶ
ಯುವತಿಗೆ ವಂಚಿಸಿದ ಸೈಬರ್ ಕಳ್ಳರು| ನಿಮ್ಮ ರೆಸ್ಯೂಮ್ ನೋಡಿದೆ. ನಿಮಗೆ ಇಂಡಿಗೋ ಏರ್ಲೈನ್ಸ್ನಲ್ಲಿ ಉದ್ಯೋಗ ಕೊಡಿಸುತ್ತೇನೆ ಎಂದು ಹೇಳಿ, ಆನ್ಲೈನ್ನಲ್ಲೇ ಸಂದರ್ಶನ ಮಾಡಿ ವಂಚಿಸಿದ ಟೀನಾ ಶರ್ಮಾ| ಹಣ ಸಂದಾಯವಾದ ಬಳಿಕ ಟೀನಾಳ ಸಂಪರ್ಕ ಸ್ಥಗಿತ|
ಬೆಂಗಳೂರು(ಜು.11): ವಿಮಾನಯಾನ ಸಂಸ್ಥೆಯಲ್ಲಿ ಕೆಲಸ ಕೊಡಿಸುವ ನೆಪದಲ್ಲಿ ಯುವತಿಯೊಬ್ಬಳಿಗೆ ಸೈಬರ್ ಕಳ್ಳರು ವಂಚಿಸಿದ ಘಟನೆ ನಡೆದಿದೆ.
ಮೈಸೂರು ರಸ್ತೆಯ ಹಳೇ ಗುಡ್ಡದಹಳ್ಳಿಯ 22 ವರ್ಷದ ಯುವತಿ ಮೋಸ ಹೋಗಿದ್ದು, ನೌಕರಿ ಡಾಟ್ಕಾಂನಿಂದ ಫೋನ್ ಮಾಡುತ್ತಿರುವುದಾಗಿ ತಿಳಿಸಿದ ಟೀನಾ ಶರ್ಮಾ ಎಂಬಾಕೆ ನಿಮ್ಮ ರೆಸ್ಯೂಮ್ ನೋಡಿದೆ. ನಿಮಗೆ ಇಂಡಿಗೋ ಏರ್ಲೈನ್ಸ್ನಲ್ಲಿ ಉದ್ಯೋಗ ಕೊಡಿಸುತ್ತೇನೆ ಎಂದು ಹೇಳಿ, ಆನ್ಲೈನ್ನಲ್ಲೇ ಸಂದರ್ಶನ ಸಹ ಮಾಡಿದ್ದಾಳೆ.
ಬಣ್ಣದ ಮಾತಿಗೆ ಮರುಳಾದ ಯುವತಿ..! ಪ್ರೀತಿಯ ಹೆಸರಲ್ಲಿ ದೈಹಿಕ ಸಂಪರ್ಕ ಬೆಳೆಸಿ ವಂಚನೆ
ಬಳಿಕ ಇದಕ್ಕೆ ಶುಲ್ಕ ಭರಿಸಬೇಕಾಗುತ್ತದೆ ಎಂದು ತಿಳಿಸಿದ ಆರೋಪಿ, ತನ್ನ ಖಾತೆಗೆ 22 ಸಾವಿರ ಸಂತ್ರಸ್ತ ಯುವತಿಯಿಂದ ವರ್ಗಾಯಿಸಿಕೊಂಡಿದ್ದಾಳೆ. ಈ ಹಣ ಸಂದಾಯವಾದ ಬಳಿಕ ಟೀನಾಳ ಸಂಪರ್ಕ ಸ್ಥಗಿತವಾಗಿದ್ದು, ಕೊನೆಗೆ ಯುವತಿಯು ಪಶ್ಚಿಮ ವಿಭಾಗದ ಸಿಇಎನ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾಳೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ