ಆನ್‌ಲೈನ್‌ನಲ್ಲಿ ಕಾರು ಖರೀದಿಗೆ ಹೋದವಳಿಗೆ ಮಹಾವಂಚನೆ.. ಎಲ್ಲರಿಗೂ ಎಚ್ಚರಿಕೆ

ವೈದ್ಯ ಮಹಿಳೆಗೆ ಕಾರಿನ ಹೆಸರಿನಲ್ಲಿ ವಂಚನೆ/ ಒಂದು ಲಕ್ಷ ರು. ಕಳೆದುಕೊಂಡ ಮಹಿಳೆ/ ಆನ್ ಲೈನ್ ನಲ್ಲಿ ಕಾರು ಬುಕ್ ಮಾಡಲು ಹೋದಾಗ ವಂಚನೆ/ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ ಎಂದು ಸಂದೇಶ ಕಳಿಸಿದ್ದ

ರಾಜ್ ಕೋಟ್(ಏ. 05)   ಆನ್ ಲೈನ್ ನಲ್ಲಿ ಕಾರು ಬುಕ್ ಮಾಡಲು ಹೋಗಿ ಮಹಿಳೆಯೊಬ್ಬರು  1 ಲಕ್ಷ ರೂ. ಕಳೆದುಕೊಂಡಿದ್ದಾರೆ.   ಗುಜರಾತ್‌ನ ಜಾಮ್‌ನಗರ್‌ನಲ್ಲಿ ವೃದ್ಧೆಯೊಬ್ಬರು ಆನ್‌ಲೈನ್ ವಂಚನೆಗೆ ಬಲಿಯಾಗಿದ್ದಾರೆ. ವೈದ್ಯರಾಗಿ ಕೆಲಸ ಮಾಡುತ್ತಿರುವ 71 ವರ್ಷದ ಮಹಿಳೆ  ಹಣ ಕಳೆದುಕೊಂಡಿದ್ದಾರೆ.

 ಆನ್ ಲೈನ್ ನಲ್ಲಿ ಕಾರು ಕಾಯ್ದಿರಿಸಲು ಯತ್ನಿಸುತ್ತಿದ್ದಾಗ ಒಂದು  ನಂಬರ್ ಸಿಕ್ಕಿದ್ದು ಅದಕ್ಕೆ ಕರೆ ಮಾಡಿದ್ದಾಳೆ.  ಕಂಪನಿಯ ಸೇಲ್ಸ್ ಎಕ್ಸಿಕ್ಯೂಟಿವ್ ಎಂದು ವ್ಯಕ್ತಿಯೊಬ್ಬ ಪರಿಚಯ ಮಾಡಿಕೊಂಡಿದ್ದಾನೆ.

ಮಹಿಳೆ ಡಾ. ಕಲ್ಪನಾ ಶಾಗೆ ಒಂದಷ್ಟು ಡಿಟೆಲ್ಸ್ ಕಳಿಸಿ ಇದರಲ್ಲಿ ಯಾವ ಕಾರು ನಿಉಮಗೆ ಓಕೆ? ಬುಕ್ ಮಾಡಿ ಎಂದಿದ್ದಾನೆ. ಒಂದು ನಂಬರ್ ಕೊಟ್ಟು ನೀವು ಕಾಲ್ ಮಾಡಿದರೆ ಕಾರು ಬುಕ್ ಆಗುತ್ತದೆ ಎಂದು ನಂಬಿಸಿದ್ದಾನೆ.

ಒಂದಿಷ್ಟು ಆಪ್  ಗಳ ಲಿಂಕ್ ಕಳಿಸಿ ಇದನ್ನು ಡೌನ್ ಲೋಡ್ ಮಾಡಿಕೊಂಡು ಬುಕ್ ಮಾಡಬೇಕು ಎಂಇದ್ದಾನೆ. ನಂಬಿದ ಮಹಿಳೆ ಹಾಗೆ ಮಾಡಿದ್ದು ಆಕೆಯ ಪೋನ್ ನಲ್ಲಿದ್ದ ಎಲ್ಲ ವಿವರಗಳು ವಂಚಕನ ಪಾಲಾಗಿದೆ. ಇದಾದ ಮೇಲೆ ಮಹಿಳೆ ಮೊಬೈಲ್ ಗೆ ಮೂರು ಟೆಕ್ಸ್ಟ್ ಮೆಸೇಜ್ ಬಂದಿದ್ದು ಹಣ ಕಟ್ ಆಗಿದೆ.

ಹಣ ಕಳೆದುಕೊಂಡ ಮಹಿಳೆ ವಂಚಕ ನೀಡಿದ್ದ ನಂಬರ್ ಗೆ ಕಾಲ್ ಮಾಡಿದರೆ ಸ್ವಿಚ್ ಆಫ್ ಬಂದಿದೆ. ಏನೂ ಮಾಡಲೂ ತೋಚದೆ ಮಹಿಳೆ ಕೊನೆಗೆ ಪೊಲೀಸರ ಮೊರೆ ಹೋಗಿದ್ದಾರೆ.  ನೀವು ಹಣ ಗೆದ್ದಿರುವಿರಿ, ಈ ಲಿಂಕ್ ಓಪನ್ ಮಾಡಿ ಎಂಬ ಸಂದೇಶಗಳು ಎಲ್ಲರ ಮೊಬೈಲ್ ಗೆ ಬರುತ್ತಲಿದ್ದು ದಯವಿಟ್ಟು ತೆರೆಯಲು ಹೋಗಬೇಡಿ .