ಹೊಸಕೆರೆಹಳ್ಳಿ ಸಮೀಪದ ನಿವಾಸಿ ಸಶಸ್ತ್ರ ಮೀಸಲು ಪಡೆಯ ಕಾನ್‌ಸ್ಟೇಬಲ್ ಚೇತನ್ ಮನೆಯಲ್ಲಿ ಕಳ್ಳತನವಾಗಿದ್ದು, ಈ ಸಂಬಂಧ ಗಿರಿನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಎರಡು ದಿನಗಳ ಹಿಂದೆ ಚೇತನ್ ಮನೆಯಲ್ಲಿ ಯಾರೂ ಇಲ್ಲದ ವೇಳೆ ಮಧ್ಯಾಹ್ನದ ಹೊತ್ತಿನಲ್ಲಿ ಈ ಕೃತ್ಯ ನಡೆದಿದೆ.
ಬೆಂಗಳೂರು(ನ.25): ಮನೆ ಮುಂದೆ ಒಣ ಹಾಕಿದ್ದ ಖಾಕಿ ಬಣ್ಣದ ಸಾಕ್ಸ್‌ಗಳನ್ನೇ ಕೈ ಗ್ಲೋಸ್‌ ಮಾಡಿಕೊಂಡು ಕಾನ್‌ಸ್ಟೇಬಲ್‌ವೊಬ್ಬರ ಮನೆ ಬೀಗ ಮುರಿದು ಹಾಡಹಗಲೇ ಕಿಡಿಗೇಡಿಗಳು ಚಿನ್ನಾಭರಣ ದೋಚಿದ್ದಾರೆ.
ಹೊಸಕೆರೆಹಳ್ಳಿ ಸಮೀಪದ ನಿವಾಸಿ ಸಶಸ್ತ್ರ ಮೀಸಲು ಪಡೆಯ ಕಾನ್‌ಸ್ಟೇಬಲ್ ಚೇತನ್ ಮನೆಯಲ್ಲಿ ಕಳ್ಳತನವಾಗಿದ್ದು, ಈ ಸಂಬಂಧ ಗಿರಿನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಎರಡು ದಿನಗಳ ಹಿಂದೆ ಚೇತನ್ ಮನೆಯಲ್ಲಿ ಯಾರೂ ಇಲ್ಲದ ವೇಳೆ ಮಧ್ಯಾಹ್ನದ ಹೊತ್ತಿನಲ್ಲಿ ಈ ಕೃತ್ಯ ನಡೆದಿದೆ ಎಂದು ತಿಳಿದು ಬಂದಿದೆ.
undefined
ಯಾದಗಿರಿ ಶ್ರೀಗಂಧ ಕಳವು: ಶಿವಮೊಗ್ಗ, ಕೇರಳದ ನಂಟು
ಹೊಸಕೆರೆಹಳ್ಳಿ ಬಳಿ ಚೇತನ್ ಕುಟುಂಬ ನೆಲೆಸಿದ್ದು, ಈ ದಂಪತಿ ಜತೆ ಚೇತನ್ ಭಾಮೈದ ಸಹ ನೆಲೆಸಿದ್ದಾರೆ. ಚೇತನ್ ಪತ್ನಿ ಸಹ ನೌಕರಿಯಲ್ಲಿದ್ದಾರೆ. ಎಂದಿನಂತೆ ಕೆಲಸಕ್ಕೆ ಬೆಳಗ್ಗೆ ದಂಪತಿ ತೆರಳಿದ್ದರು. ಸಾಫ್ಟ್‌ವೇರ್ ಉದ್ಯೋಗಿ ಆಗಿರುವ ಅವರ ಭಾಮೈದ ಸಹ ಕೆಲಸಕ್ಕೆ ಹೋಗಿದ್ದರು. ಆ ವೇಳೆ ಮನೆ ಬಳಿ ಬಂದಿರುವ ಕಳ್ಳರು, ಚೇತನ್ ಮನೆ ಮುಂದೆ ಒಣ ಹಾಕಿದ್ದ ಸಾಕ್ಸ್‌ಗಳನ್ನು ಕೈಗ್ಲೋಸ್‌ ಮಾಡಿಕೊಂಡು ಬೀಗ ಮುರಿದು ಒಳ ಪ್ರವೇಶಿಸಿದ್ದಾರೆ. ಬಳಿಕ ಮನೆಯಲ್ಲಿದ್ದ ಚಿನ್ನ ಸೇರಿದಂತೆ ₹1.3 ಲಕ್ಷ ಮೌಲ್ಯದ ವಸ್ತುಗಳನ್ನು ದೋಚಿದ್ದಾರೆ. ಸಂಜೆ ಕೆಲಸ ಮುಗಿಸಿ ಚೇತನ್ ಭಾಮೈದ ಮನೆಗೆ ಮರಳಿದಾಗ ಕೃತ್ಯ ಬೆಳಕಿಗೆ ಬಂದಿದೆ ಎಂದು ಪೊಲೀಸರು ಹೇಳಿದ್ದಾರೆ.