ಕ್ರಿಕೆಟ್ ಇತಿಹಾಸದ ಅತಿಚಿಕ್ಕ ಪಂದ್ಯ: ಕೇವಲ 7 ರನ್ಗಳಿಗೆ ಅಲೌಟ್..!
ಸಾರಾಂಶ
* ಅತಿ ಕಡಿಮೆ ಅವಧಿಯ ಪಂದ್ಯಕ್ಕೆ ಸಾಕ್ಷಿಯಾದ ಯಾರ್ಕ್ಶೈರ್ ಪ್ರೀಮಿಯರ್ ಲೀಗ್ * ಕೇವಲ 7 ರನ್ಗಳಿಗೆ ಆಲೌಟ್ ಆದ ಹಿಲಮ್ ಮಾಂಕ್ ಫ್ರಿಸ್ಟನ್ ಕ್ರಿಕೆಟ್ ಕ್ಲಬ್ * ಎರಡು ಓವರ್ಗಳೊಳಗಾಗಿ ಗೆಲುವಿನ ನಗೆ ಬೀರಿದ ಈಸ್ವರಿಂಗ್ಟನ್ ಕ್ಲಬ್
ಲಂಡನ್(ಜು.14): ಇಂಗ್ಲೆಂಡ್ನಲ್ಲಿ ನಡೆಯುತ್ತಿರುವ ಯಾರ್ಕ್ಶೈರ್ ಪ್ರೀಮಿಯರ್ ಲೀಗ್ನ ಪಂದ್ಯವೊಂದು 56 ಎಸೆತಗಳಲ್ಲಿ ಪೂರ್ಣಗೊಂಡಿದ್ದು, ಕ್ರಿಕೆಟ್ ಇತಿಹಾಸದ ಕಡಿಮೆ ಅವಧಿಯ ಪಂದ್ಯ ಎಂದು ಹೇಳಲಾಗಿದೆ.
ಪಂದ್ಯಾವಳಿಯಲ್ಲಿ ಈಸ್ಟರಿಂಗ್ಟನ್ ಕ್ಲಬ್ ಮತ್ತು ಹಿಲಮ್ ಮಾಂಕ್ ಫ್ರಿಸ್ಟನ್ ಕ್ರಿಕೆಟ್ ಕ್ಲಬ್ ಮುಖಾಮುಖಿಯಾಗಿದ್ದು, ಮೊದಲು ಬ್ಯಾಟ್ ಮಾಡಿದ ಹಿಲಮ್ ತಂಡ 7 ರನ್ ಗಳಿಗೆ ಸರ್ವಪತನ ಕಂಡಿತು. 8 ಬ್ಯಾಟ್ಸ್ಮನ್ಗಳು ಡಕೌಟ್ ಆದರೆ, ಇಬ್ಬರು ದಾಂಡಿಗರು ತಲಾ 2 ರನ್ ಗಳಿಸಿದ್ದೇ ದೊಡ್ಡ ಮೊತ್ತವಾಗಿತ್ತು. ಇನ್ನುಳಿದ 3 ರನ್ಗಳು ಹೆಚ್ಚುವರಿಯಾಗಿ ತಂಡಕ್ಕೆ ಲಭಿಸಿತು. ಈಸ್ಟರಿಂಗ್ಟನ್ನ ಬೌಲರ್ ನಾಥನ್ ಕ್ರೀಗರ್ 4 ಓವರ್ಗಳಲ್ಲಿ 3 ರನ್ ನೀಡಿ 7 ವಿಕೆಟ್ ಉರುಳಿಸಿದರು.
ಟಿ20 ಸರಣಿ ಮೇಲೆ ಭಾರತ ಮಹಿಳಾ ಕ್ರಿಕೆಟ್ ತಂಡದ ಕಣ್ಣು
ಕೇವಲ 8 ರನ್ ಗುರಿ ಪಡೆದ ಈಸ್ವರಿಂಗ್ಟನ್ ಕೇವಲ 1.2 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೇ ಜಯ ಗೆರೆ ದಾಟಿತು. ಅಂದರೆ ಕೇವಲ 8 ಎಸೆತಗಳಲ್ಲಿ 8 ರನ್ ಬಾರಿಸಿ ಈಸ್ಟರಿಂಗ್ಟನ್ ಗೆಲುವಿನ ನಗೆ ಬೀರಿತು. ಕಡಿಮೆ ಅವಧಿಯ ಪಂದ್ಯದ ಜತೆಗೆ ಇದನ್ನು ಅತ್ಯಂತ ಕಳಪೆ ಪ್ರದರ್ಶನ ಪಂದ್ಯ ಎಂದು ಸಹ ಕರೆಯಲಾಗಿದೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.