ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಟಿಕ್ ಟಾಕ್ ಖಾತೆ ಓಪನ್ ಮಾಡಿದ್ರಾ ಎನ್ನುವ ಅನುಮಾನ ಶುರುವಾಗಿದೆ. ವಾರ್ನರ್ ಮಾಡಿದ ಕಾಮೆಂಟ್ ಈ ಅನುಮಾನ ಮತ್ತಷ್ಟು ಬಲಗೊಳ್ಳುವಂತೆ ಮಾಡಿದೆ. ಈ ಕುರಿತಾದ ಒಂದು ರಿಪೋರ್ಟ್ ಇಲ್ಲಿದೆ ನೋಡಿ,
ನವದೆಹಲಿ(ಜೂ.08): ಭಾರತ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಸಾಮಾಜಿಕ ತಾಣಗಳಲ್ಲಿ ಒಂದಾದ ಟಿಕ್ ಟಾಕ್‌ನಲ್ಲಿ ಖಾತೆ ತೆರೆದಿದ್ದಾರೆ ಎಂದು ಕೆಲ ಮಾಧ್ಯಮಗಳು ಸುದ್ದಿ ಪ್ರಕಟಿಸಿವೆ. ಕ್ಯಾಪ್ಟನ್ ಕೊಹ್ಲಿ ಭಾನುವಾರವಷ್ಟೇ(ಜೂ.07) ತಾವು ಓಡುತ್ತಿರುವ ವಿಡಿಯೋವೊಂದನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದು, ಅಭಿಮಾನಿಗಳಿಗೆ ಇದಕ್ಕೊಂದು ಶೀರ್ಷಿಕೆ ಕೊಡಿ ಎಂದು ಬರೆದುಕೊಂಡಿದ್ದರು.
ಕೊಹ್ಲಿಯ ಇನ್‌ಸ್ಟಾಗ್ರಾಂ ವಿಡಿಯೋಗೆ ಕಾಮೆಂಟ್ ಮಾಡಿರುವ ಆಸ್ಪ್ರೇಲಿಯಾ ಕ್ರಿಕೆಟಿಗ ಡೇವಿಡ್‌ ವಾರ್ನರ್, ಟಿಕ್ ಟಾಕ್ ಪ್ರವೇಶಿಸಿದ್ದೀರಾ ಎಂದು ಪ್ರಶ್ನಿಸಿದ್ದಾರೆ. ಇನ್ನು ಇಂಗ್ಲೆಂಡ್ ಮಾಜಿ ಕ್ರಿಕೆಟ್ ಪೀಟರ್ಸನ್ ಕೂಡಾ ಇದೇ ಪ್ರಶ್ನೆಯನ್ನು ಕೇಳಿದ್ದಾರೆ. ಇತ್ತೀಚೆಗಷ್ಟೇ, ಆನ್‌ಲೈನ್‌ ಸಂವಾದವೊಂದರಲ್ಲಿ ‘ವಾರ್ನರ್ ತಮಗೆ ಟಿಕ್ ಟಾಕ್ ವಿಡಿಯೋ ಮಾಡುವಂತೆ ಪ್ರಾಣ ತಿನ್ನುತ್ತಿದ್ದಾರೆ’ ಎಂದು ಕೊಹ್ಲಿ ಹೇಳಿಕೊಂಡಿದ್ದರು.
ದುಬೈನಲ್ಲಿ IPL 2020; ಬಿಸಿಸಿಐಗೆ ಆಯೋಜನೆ ಆಫರ್ ಖಚಿತ ಪಡಿಸಿದ UAE!
ಕೊರೋನಾ ವೈರಸ್‌ನಿಂದಾಗಿ ಮಾರ್ಚ್‌ನಿಂದ ಎಲ್ಲಾ ಕ್ರೀಡಾಚಟುವಟಿಕೆಗಳು ಸ್ತಬ್ಧವಾಗಿವೆ. ಇದಕ್ಕೆ ಕ್ರಿಕೆಟ್ ಕೂಡಾ ಹೊರತಾಗಿಲ್ಲ. ಇಂತಹ ಬಿಡುವಿನ ಸಂದರ್ಭವನ್ನು ಆಸೀಸ್ ಆರಂಭಿಕ ಬ್ಯಾಟ್ಸ್‌ಮನ್ ಟಿಕ್ ಟಾಕ್ ವಿಡಿಯೋ ಮಾಡಿಕೊಂಡು ಟೈಂಪಾಸ್ ಮಾಡುತ್ತಿದ್ದಾರೆ. ಈಗಾಗಲೇ ಹಿಂದಿ, ತೆಲುಗು ಹಾಡುಗಳಿಗೆ ತಮ್ಮ ಫ್ಯಾಮಿಲಿ ಜತೆ ಸ್ಟೆಪ್ ಹಾಕಿದ್ದು, ಆ ವಿಡಿಯೋಗಳೆಲ್ಲ ವೈರಲ್ ಆಗಿವೆ.
ಇನ್‌ಸ್ಟಾಗ್ರಾಂನಿಂದ ಆದಾಯ: ಕಿಂಗ್ ಕೊಹ್ಲಿಗೆ ಆರನೇ ಸ್ಥಾನ
ಲಂಡನ್‌: ಕೊರೋನಾ ಲಾಕ್‌ಡೌನ್‌ ಅವಧಿಯಲ್ಲಿ ಸಾಮಾಜಿಕ ಜಾಲತಾಣ ಇನ್‌ಸ್ಟಾಗ್ರಾಂನಿಂದ ಅತ್ಯಧಿಕ ಆದಾಯ ಗಳಿಸಿದ ಅಥ್ಲೀಟ್‌ಗಳ ಅಗ್ರ 10ರ ಪಟ್ಟಿಯಲ್ಲಿ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಸ್ಥಾನ ಪಡೆದಿದ್ದಾರೆ.
ಕೊಹ್ಲಿ 3.64 ಕೋಟಿ ರುಪಾಯಿ ಆದಾಯ ಸಂಪಾದಿಸುವ ಮೂಲಕ 6ನೇ ಸ್ಥಾನ ಪಡೆದಿದ್ದಾರೆ. ಮಾ.12 ರಿಂದ ಮೇ.14 ರವರೆಗಿನ ಅವಧಿಯಲ್ಲಿ ಈ ಆದಾಯ ಗಳಿಕೆಯಾಗಿದೆ. ಈ ಪಟ್ಟಿಯಲ್ಲಿ ಪೋರ್ಚುಗೀಸ್‌ ಫುಟ್ಬಾಲಿಗ ಕ್ರಿಸ್ಟಿಯಾನೊ ರೊನಾಲ್ಡೊ (17.27 ಕೋಟಿ ರುಪಾಯಿ) ಅಗ್ರ ಸ್ಥಾನ ಪಡೆದಿದ್ದರೇ, ಲಿಯೊನೆಲ್‌ ಮೆಸ್ಸಿ (11.51 ಕೋಟಿ ರುಪಾಯಿ) 2ನೇ, ನೇಮರ್‌ (10.55 ಕೋಟಿ ರುಪಾಯಿ) 3ನೇ ಸ್ಥಾನದಲ್ಲಿದ್ದಾರೆ.