2022ರ ರನ್ ಸಾಧಕರಿಗಿಲ್ಲ ಏಷ್ಯಾಕಪ್ನಲ್ಲಿ ಸ್ಥಾನ..!
ಸಾರಾಂಶ
* ಏಷ್ಯಾಕಪ್ ಟೂರ್ನಿಗೆ ಪ್ರಕಟವಾದ ಭಾರತ ತಂಡದಲ್ಲಿ ರನ್ ಸರದಾರರಿಗಿಲ್ಲ ಸ್ಥಾನ * ಶ್ರೇಯಸ್ ಅಯ್ಯರ್ ಹಾಗೂ ಇಶಾನ್ ಕಿಶನ್ಗೆ ಏಷ್ಯಾಕಪ್ಗಿಲ್ಲ ಸ್ಥಾನ..! * ಈ ಇಬ್ಬರು ಆಟಗಾರರು ಟಿ20 ವಿಶ್ವಕಪ್ನಲ್ಲೂ ಸ್ಥಾನ ಪಡೆಯುವುದು ಡೌಟ್
ಬೆಂಗಳೂರು(ಆ.12): ಈ ವರ್ಷ ಭಾರತದ ಪರ ಟಿ20 ಕ್ರಿಕೆಟ್ನಲ್ಲಿ ಗರಿಷ್ಠ ರನ್ ಹೊಡೆದಿರೋದು ಯಾರು ಹೇಳಿ..? ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ, ಕೆ ಎಲ್ ರಾಹುಲ್, ಸೂರ್ಯಕುಮಾರ್ ಯಾದವ್, ರಿಷಭ್ ಪಂತ್, ಹಾರ್ದಿಕ್ ಪಾಂಡ್ಯ, ದಿನೇಶ್ ಕಾರ್ತಿಕ್. ದೀಪಕ್ ಹೂಡಾ. ಉಫ್.. ನೋ ಚಾನ್ಸ್.. ಏಷ್ಯಾಕಪ್ ಟೂರ್ನಿಗೆ ಟೀಂ ಇಂಡಿಯಾದಲ್ಲಿ ಸ್ಥಾನ ಪಡೆದಿರೋ ಈ ಆರು ಬ್ಯಾಟರ್ಗಳಲ್ಲಿ ಯಾರೂ ಈ ವರ್ಷ ಭಾರತದ ಪರ ಹೆಚ್ಚು ರನ್ ಹೊಡೆದಿಲ್ಲ. ಮತ್ತಿನ್ಯಾರು ಅಂತಿರಾ..? ಪಾಪ ಅವರಿಬ್ಬರು ಏಷ್ಯಾಕಪ್ ಟೀಮ್ನಲ್ಲೂ ಇಲ್ಲ, ಟಿ20 ವರ್ಲ್ಡ್ಕಪ್ ಟೀಮ್ನಲ್ಲೂ ಇರಲ್ಲ.
ಟಿ20 ರನ್ಧೀರ ಈಗ ಮೀಸಲು ಆಟಗಾರ:
ನಿಮಗೆ ಆಶ್ಚರ್ಯವಾಗ್ತಿದ್ಯಾ..? ಹೌದು, ಶ್ರೇಯಸ್ ಅಯ್ಯರ್ ಅಸ್ಥಿರ ಪ್ರದರ್ಶನ ನೀಡ್ತಿದ್ದಾರೆ. ಕ್ಯಾಪ್ಟನ್ ರೋಹಿತ್ ಶರ್ಮಾ ಕೃಪೆಯಿಂದ ಟೀಂ ಇಂಡಿಯಾದಲ್ಲಿದ್ದಾರೆ ಅಂತ ನಾವೇ ಸ್ಟೋರಿ ಮಾಡಿದ್ವಿ. ಅದು ನಿಜ ಕೂಡ. ಈಗ ಶ್ರೇಯಸ್ಸೇ ಈ ವರ್ಷ ಭಾರತದ ಪರ ಟಿ20ಯಲ್ಲಿ ಗರಿಷ್ಠ ರನ್ ಸರದಾರ. ಆದ್ರೆ ಇದೇ ಮುಂಬೈಕರ್ಗೆ ಏಷ್ಯಾಕಪ್ ಟೀಂನಲ್ಲಿ ಸ್ಥಾನವಿಲ್ಲ. ಕೇವಲ ಮೀಸಲು ಆಟಗಾರ ಅಷ್ಟೆ. ಆಕಸ್ಮಾತ್ ಆರು ಬ್ಯಾಟರ್ಗಳಲ್ಲಿ ಯಾರಾದ್ರೂ ಇಂಜುರಿಯಾದ್ರೆ ಮಾತ್ರ ಶ್ರೇಯಸ್, ಏಷ್ಯಾಕಪ್ ಮತ್ತು ವರ್ಲ್ಡ್ಕಪ್ ಆಡ್ತಾರೆ. ಇಲ್ಲದಿದ್ದರೆ ಮುಂಬೈನಲ್ಲೇ ಕೂತು ಮ್ಯಾಚ್ ನೋಡ್ತಾರೆ.
ಕಳೆದ ವರ್ಷ ವಿಶ್ವಕಪ್ ಆಡಿದ್ದ, ಈ ವರ್ಷ ಏಷ್ಯಾಕಪ್ ಸಹ ಆಡಲ್ಲ:
ವೇಗ ಎಂದಿದ್ದರೂ ಅಪಾಯಕಾರಿ ಅನ್ನೋ ಮಾತಿದೆ. ಹಾಗೆ ಆಗಿದೆ ಇಶಾನ್ ಕಿಶನ್ ಕಥೆ. ಐಪಿಎಲ್ನಲ್ಲಿ ಮುಂಬೈ ಇಂಡಿಯನ್ಸ್ ಪರ ಆರ್ಭಟಿಸಿದ ಬೆನ್ನಲ್ಲೇ ಕಳೆದ ವರ್ಷ ಟಿ20 ವರ್ಲ್ಡ್ಕಪ್ಗೆ ಸೆಲೆಕ್ಟ್ ಮಾಡಲಾಯ್ತು. ವಿಶ್ವಕಪ್ ನಂತರವೂ ಟೀಂ ಇಂಡಿಯಾದಲ್ಲಿ ಇದ್ದರು. ಈ ವರ್ಷ ಭಾರತದ ಪರ 2ನೇ ಗರಿಷ್ಠ ರನ್ ಹೊಡೆದ ಆಟಗಾರ ಎನಿಸಿಕೊಂಡಿದ್ದಾರೆ. ಆದ್ರೆ ಪಾಪ ಏಷ್ಯಾಕಪ್ ಟೀಮ್ನಲ್ಲಿ ಸ್ಥಾನ ಸಿಕ್ಕಿಲ್ಲ. ಇನ್ನು ಟಿ20 ವಿಶ್ವಕಪ್ ಆಡೋದು ಕನಸಿನ ಮಾತೇ ಅನ್ನಿ.
Asia Cup 2022: ಅಕ್ಷರ್ ಪಟೇಲ್ಗೆ ಸ್ಥಾನ ನೀಡದಿದ್ದಕ್ಕೆ ಅಚ್ಚರಿ ವ್ಯಕ್ತಪಡಿಸಿದ ಪಾರ್ಥಿವ್ ಪಟೇಲ್..!
ಈ ವರ್ಷ ಭಾರತದ ಪರ ಟಿ20 ಕ್ರಿಕೆಟ್ನಲ್ಲಿ ಗರಿಷ್ಠ ರನ್ ಹೊಡೆದ ಟಾಪ್-4 ಬ್ಯಾಟರ್ಸ್ ಇಲ್ಲಿದ್ದಾರೆ ನೋಡಿ. ಶ್ರೇಯಸ್ ಅಯ್ಯರ್ 14 ಇನ್ನಿಂಗ್ಸ್ನಿಂದ 142.99ರ ಸ್ಟ್ರೈಕ್ರೇಟ್ನಲ್ಲಿ 449 ರನ್ ಹೊಡೆದಿದ್ದಾರೆ. ಇಶಾನ್ ಕಿಶನ್ ಸಹ 14 ಇನ್ನಿಂಗ್ಸ್ ಆಡಿದ್ದು 130.30ರ ಸ್ಟ್ರೈಕ್ರೇಟ್ನಲ್ಲಿ 430 ರನ್ ಬಾರಿಸಿದ್ದಾರೆ. ಸೂರ್ಯಕುಮಾರ್ 12 ಇನ್ನಿಂಗ್ಸ್ಗಳಲ್ಲಿ 428 ರನ್ ಗಳಿಸಿದ್ದಾರೆ. 189.38ರ ಸ್ಟ್ರೈಕ್ರೇಟ್ನಲ್ಲಿ ಬ್ಯಾಟಿಂಗ್ ಮಾಡಿದ್ದಾರೆ. ರೋಹಿತ್ ಶರ್ಮಾ 13 ಇನ್ನಿಂಗ್ಸ್ನಿಂದ 140.09ರ ಸ್ಟ್ರೈಕ್ರೇಟ್ನಲ್ಲಿ 290 ರನ್ ಹೊಡೆದಿದ್ದಾರೆ.
ನೋಡಿ, ಈ ವರ್ಷ ಟಿ20ಯಲ್ಲಿ ಗರಿಷ್ಠ ರನ್ ಹೊಡೆದಿರುವ ಪಟ್ಟಿಯಲ್ಲಿ ಟಾಪ್-4ನಲ್ಲಿ ಕೊಹ್ಲಿಯೂ ಇಲ್ಲ, ರಾಹುಲ್ಲೂ ಇಲ್ಲ, ಪಾಂಡ್ಯನೂ ಇಲ್ಲ, ಡಿಕೆಯಂತೂ ಇಲ್ಲವೇ ಇಲ್ಲ. ಪಂತ್ ಅಡ್ರೆಸ್ಸಿಗೇ ಇಲ್ಲ ಬಿಡಿ. ಆದ್ರೂ ಅವರೆಲ್ಲಾ ಏಷ್ಯಾಕಪ್ ಮತ್ತು ಟಿ20 ವರ್ಲ್ಡ್ಕಪ್ ಆಡಲು ರೆಡಿಯಾಗಿದ್ದಾರೆ. ಆದ್ರೆ ಈ ವರ್ಷ ಚುಟುಕು ಕ್ರಿಕೆಟ್ನಲ್ಲಿ ರನ್ ಧೀರರೆನಿಸಿಕೊಂಡಿದ್ದ ಇಬ್ಬರು ಆಟಗಾರರು ಮಾತ್ರ ಟೀಂ ಇಂಡಿಯಾದಿಂದ ಕಿಕೌಟ್ ಆಗಿ ಮನೆಗೆ ಕೂತಿದ್ದಾರೆ. ಈ ಇಬ್ಬರ ಸ್ಥಾನವನ್ನ ಕಸಿದುಕೊಂಡಿದ್ದು ಮಾತ್ರ ಒಬ್ಬ ಆಟಗಾರ. ಆತನೇ ಯಾವ್ದೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡೋ ತಕತ್ತಿರೋ ದೀಪಕ್ ಹೂಡಾ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.